[多字][隨時爛尾] 山陰山陽結唔到緣之旅

廣島城有一個幾大既廣場
有D古怪野咁
同埋真係越行越多鬼





行到去天守果時
仲有人黎結婚
日本仔見到人結婚就會拍晒手掌
我見到唔係好對路就快快手上天守閣



廣島城天守閣好細
細到我都無咩印象
不過可以係頂層展望台望下出望到呢間學校

呢間學校係咩黎?
咪就係你的名字滝君間學校

學校並唔係東京
而係廣島
我就當我去左潮聖架啦

其實廣島仲有個地方叫做三滝
感覺就好似三葉同滝君既合體咁
我聽日會去

其實都係玩下
出年去立山黑部先會真正朝聖

而我仲以為平和公園好近應該會望到
結果係睇唔到既

反而望番落門口可以見到果對新人仲影緊
不過就少左好多人

落番去又係雪糕時間
揀左豆腐味
幾好食



廣島城個城牆一樣可以入去參觀
不過我之後仲要留番半日比宮島唔夠時間無入去

而呢個先係廣島城既正門
我見有D日本仔圍住廣島城練跑添


本來我都想去埋美術館睇架
同樣都係唔夠時間CUT左LU

續

DAY4 續續

落左條隧道
話你知仲有一公里先到平和公園


途中經過大型商場
日頭我真係無乜興趣行街
不過外面有野比細路仔玩




行多陣就到圓爆屋頂


聚集無數既鬼佬
我唔知鬼佬心情係點
點解咁多人黎睇

我自己既話
以前睇書就幾震撼既
但實際黎到
就真係無乜點樣FEEL既

隔左條河就係平和公園

我覺得呢度好似星光大道
痴線

過完河入目既就係呢個
好多人埋去響鐘
我都廢事埋去


然後我一直以為呢個就係平和之鐘
今日SEARCH過之知原來呢個叫原爆之子像
我一直搞錯

平和之鐘係後D既地方
我無去到

再行前就係平和之燈


前面係獻花既紀念碑
一堆人係紀念碑前面影相係唔知咩玩法
我就真係無咁既心情

感覺係呢度影既相都比較少

再行就係原爆資料館

其實去旅行
行博物館
然後買鎖匙扣
就係我最鐘意做既事

但今日因為時間關係入唔到去
為左宮島放棄左好多地方
我覺得好懊悔
就好似上次去到伏見稻荷天黑影唔到相無行上山一樣
當時我係連鎖匙扣都唔買
留比自己下一次

所以下一次再黎廣島
我一定會去呢個資料館

影埋個母子像


就行過去土橋站

坐路面電車去宮島口
呢程車唔只耐
無得坐
仲要好似輕鐵咁迫法
係我成個旅行最辛苦既一程車

呢架車係新型號
反而無咁有味道


續

落廣島有冇去埋尾道

落廣島有冇去埋尾道

無呀
尾道好似無咩野做咁
同埋人中6太爛無玩無野朝聖

落廣島有冇去埋尾道

無呀
尾道好似無咩野做咁
同埋人中6太爛無玩無野朝聖

爆完人中想去尾道

人中6支線唔錯但藤原龍也我屌你老母

落廣島有冇去埋尾道

無呀
尾道好似無咩野做咁
同埋人中6太爛無玩無野朝聖

爆完人中想去尾道

人中6支線唔錯但藤原龍也我屌你老母

睇達哥睇到尾道的秘密
真係心諗做乜鳩

DAY4 繼續

搭電車黎到宮島好
係有左右兩架船既


咁我有JR PASS亦都有廣島PASS
咁其實兩邊上得
最後揀左就黎開船但好多人既JR船

咁我又記得唔知邊隻船係咪經過大鳥居先會去碼頭
坐坐下架船又好似真係埋左去

影左幾野

其實就唔係話好近
但離遠睇已經見到多人到痴撚左線
呢個時間岩岩開始潮退

因為最初係玩過方根書簡先至想黎中國地區
呢個旅程其實只係PLAN左山陰
後來覺得有時間
所以先去埋山陽
而山陽我最覺得一定要去就係姬路城同大鳥居
係海中心既鳥居同潮退可以觸摸得到既鳥居
都係我黎廣島最主要既原因

如果你話黎廣島唔去睇大鳥居
就好似真係無去過廣島一樣
至少我係咁樣認為

見到實境之後
我反而係比D人嚇親
我成日以為今次旅程既地方係有D鄉下
係估唔到宮島既人流同京都有得揮

十零分鐘既船程
好快就落船

天氣唔錯
宮島其實都係同一般既觀光景點一樣
買買食食既地方


黎到第一站係醫肚
因為成兩點幾
真係好肚餓
就一支箭標過去
目標係呢間牡蠣屋


好多鬼佬係度飲酒
我一陣仲要行山
加上對酒無咩特別喜好
唔飲啦
叫左呢個唔知幾多食既蠔定食




一次過食晒所有煮法
唔洗再係街邊周圍搵
食過廣島蠔後
我就叫做真係黎左廣島啦
番到香港都唔洗特登食
不過飯真係太少唔係好夠喉

飲飽食醉又繼續上路
因為食完都三點幾
纜車五點幾就收工
一心淨係想上彌山
中途經過大鳥居同千疊閣都繼續比我無視晒



要再穿過紅葉谷先上到山係真係要花D時間
路棄都幾遙遠
真係未上山都開始累







續

廣島蠔世界級

見到宮島咁多人縮左一縮 仲去唔去好

見到宮島咁多人縮左一縮 仲去唔去好

咁去得廣島都要去既
可能朝早會少D人

DAY4

終於上左纜車
日本纜車鍾意分前後兩PART
前面係好普通好似海洋公園咁既玩法
後面係一條軌做晒來回既大箱玩法



上到去見到其實彌山展望台已經就黎關門
不過我都OK照上


係獅子岩睇下風景

比個鬼佬幫我影左張相

搞成咁
不過一個人都係唔好要求咁多

望下個電話
都差唔多時間要上山
唔係落番黎就無纜車走
呢個就係今日既目標

指示牌寫住其實都唔算好遠

半個鐘就到
我決定有快過半個鐘既時間沖上去

中途都係D奇形石頭


不斷有牌催到未
知啦




然後越行越頂唔順
係咁比日本妹過我頭

到左中途站終於有得休息下


係呢個得大約十度既環境
我決定除淨件短TEE繼續上路
呢個就係我既最終形態

經過一番努力





比鬼婆都過埋頭

終於到山頂

展望台已經鎖左無得入



有日本仔爬上呢D石睇日落


我真係唔撚夠膽LOR

望完風景休息完又係落山時間
落山比上山舒服得多
雖然都已經死死下

續

load得慢搞到冇心機睇

load得慢搞到冇心機睇

係真係幾多圖

DAY4 結

係山落番黎
已經開始日落

離嚴島神社收工仲有十分鐘
咁就問個巫男仲入唔入得
佢話OK
咁就緊係睇埋佢啦

我覺得嚴島神社好有特色
同樣係一個可以浮係水面既神社




真係好靚好有特色
前面就係大鳥居


遊左陣
都無論阻住人收工
係後門離開

其實如果係呢度入呢
應該係唔洗比入場費

然後發覺部相機岩岩無電
SONY真係世界級
我明明已經有兩粒電
都捱唔到一日
就就坐低用尿袋差陣電

就有隻宮島鹿走過黎

見我無紙就走左


差左陣電
終於可以去睇大鳥居了

入夜D人開始少
剛剛好
仲遇岩開始潮漲
D人就一直圍住大鳥居一直向後退
個情景好正
我都玩埋一份
如果我有鞋直頭可以埋去玩埋水





露係水面既大鳥居真係靚好多
可惜同夕陽個時間唔係好夾

玩到天黑
夠晒皮
坐船轉JR出番廣島

見到唔算太夜又行下BIC CAMERA同書店果D
見到呢部VR真係ON99
根本日本仔炒賣仲嚴重過香港


睇完行完餓到死
又係醫肚時間
食完廣島蠔
緊係要試下廣島燒
但八點幾九好多舖頭竟然話收工
講緊係JR大站商場D舖頭
痴撚線

最後死死氣都係黎番呢間好似幾出名但又唔係幾高分既麗ちゃん

餓到死仲要排隊
偏偏我就係要食廣島燒
好
忍埋佢

全部都唔知咩黎
就叫左排第一果款


等左好耐
終於有得食


餓起上黎真係屎都好食

對面個日本仔瘋狂落辣醬
我又跟風落左D
但感覺差好遠
好怪

你問我鐘意廣島燒定大板燒
我一定答你係廣島燒
因為我覺得大阪燒唔好食仲好溜
我唔知分別係咩
但廣島燒真係好食好多

番酒店CHECK IN
呢間酒店無東橫INN果部咸書
係差左少少咁啦

DAY4 完

文呢

文呢

而家打