[多字][隨時爛尾] 山陰山陽結唔到緣之旅

廣島城天守閣好細
細到我都無咩印象
不過可以係頂層展望台望下出望到呢間學校

呢間學校係咩黎?
咪就係你的名字滝君間學校

學校並唔係東京
而係廣島
我就當我去左潮聖架啦

其實廣島仲有個地方叫做三滝
感覺就好似三葉同滝君既合體咁
我聽日會去

其實都係玩下
出年去立山黑部先會真正朝聖

而我仲以為平和公園好近應該會望到
結果係睇唔到既

反而望番落門口可以見到果對新人仲影緊
不過就少左好多人
https://1.bp.blogspot.com/-CC0T3lRK_mU/Wju04OvWLqI/AAAAAAAADIg/KFl7gB7FfwAJL-TZ9PlXenqVIptQ-ShyQCLcBGAs/s1600/DSC01265.JPG

落番去又係雪糕時間
揀左豆腐味
幾好食



廣島城個城牆一樣可以入去參觀
不過我之後仲要留番半日比宮島唔夠時間無入去

而呢個先係廣島城既正門
我見有D日本仔圍住廣島城練跑添


本來我都想去埋美術館睇架
同樣都係唔夠時間CUT左LU

續

DAY4 續續

落左條隧道
話你知仲有一公里先到平和公園


途中經過大型商場
日頭我真係無乜興趣行街
不過外面有野比細路仔玩
https://3.bp.blogspot.com/-xgH-CMzVlVg/Wju1Muj_HbI/AAAAAAAADJQ/cap9BCEjTUsYRvJo6Men6JcqfUnR1loOACLcBGAs/s1600/DSC01281.JPG



行多陣就到圓爆屋頂


聚集無數既鬼佬
我唔知鬼佬心情係點
點解咁多人黎睇

我自己既話
以前睇書就幾震撼既
但實際黎到
就真係無乜點樣FEEL既

隔左條河就係平和公園

我覺得呢度好似星光大道
痴線

過完河入目既就係呢個
好多人埋去響鐘
我都廢事埋去


然後我一直以為呢個就係平和之鐘
今日SEARCH過之知原來呢個叫原爆之子像
我一直搞錯

平和之鐘係後D既地方
我無去到

再行前就係平和之燈


前面係獻花既紀念碑
一堆人係紀念碑前面影相係唔知咩玩法
我就真係無咁既心情

感覺係呢度影既相都比較少

再行就係原爆資料館

其實去旅行
行博物館
然後買鎖匙扣
就係我最鐘意做既事

但今日因為時間關係入唔到去
為左宮島放棄左好多地方
我覺得好懊悔
就好似上次去到伏見稻荷天黑影唔到相無行上山一樣
當時我係連鎖匙扣都唔買
留比自己下一次

所以下一次再黎廣島
我一定會去呢個資料館

影埋個母子像


就行過去土橋站

坐路面電車去宮島口
呢程車唔只耐
無得坐
仲要好似輕鐵咁迫法
係我成個旅行最辛苦既一程車

呢架車係新型號
反而無咁有味道


續

DAY4 繼續續

搭電車黎到宮島好
係有左右兩架船既


咁我有JR PASS亦都有廣島PASS
咁其實兩邊上得
最後揀左就黎開船但好多人既JR船

咁我又記得唔知邊隻船係咪經過大鳥居先會去碼頭
坐坐下架船又好似真係埋左去

影左幾野

其實就唔係話好近
但離遠睇已經見到多人到痴撚左線
呢個時間岩岩開始潮退

因為最初係玩過方根書簡先至想黎中國地區
呢個旅程其實只係PLAN左山陰
後來覺得有時間
所以先去埋山陽
而山陽我最覺得一定要去就係姬路城同大鳥居
係海中心既鳥居同潮退可以觸摸得到既鳥居
都係我黎廣島最主要既原因

如果你話黎廣島唔去睇大鳥居
就好似真係無去過廣島一樣
至少我係咁樣認為

見到實境之後
我反而係比D人嚇親
我成日以為今次旅程既地方係有D鄉下
係估唔到宮島既人流同京都有得揮

十零分鐘既船程
好快就落船


天氣唔錯
宮島其實都係同一般既觀光景點一樣
買買食食既地方

黎到第一站係醫肚
因為成兩點幾
真係好肚餓
就一支箭標過去
目標係呢間牡蠣屋
]

好多鬼佬係度飲酒
我一陣仲要行山
加上對酒無咩特別喜好
唔飲啦
叫左呢個唔知幾多食既蠔定食




一次過食晒所有煮法
唔洗再係街邊周圍搵
食過廣島蠔後
我就叫做真係黎左廣島啦
番到香港都唔洗特登食
不過飯真係太少唔係好夠喉

飲飽食醉又繼續上路
因為食完都三點幾
纜車五點幾就收工
一心淨係想上彌山
中途經過大鳥居同千疊閣都繼續比我無視晒



要再穿過紅葉谷先上到山係真係要花D時間
路棄都幾遙遠
真係未上山都開始累







續

DAY4 續續續續

終於上左纜車
日本纜車鍾意分前後兩PART
前面係好普通好似海洋公園咁既玩法
後面係一條軌做晒來回既大箱玩法



上到去見到其實彌山展望台已經就黎關門
不過我都OK照上


係獅子岩睇下風景

比個鬼佬幫我影左張相

搞成咁
不過一個人都係唔好要求咁多

望下個電話
都差唔多時間要上山
唔係落番黎就無纜車走
呢個就係今日既目標

指示牌寫住其實都唔算好遠

半個鐘就到
我決定有快過半個鐘既時間沖上去

中途都係D奇形石頭


不斷有牌催到未
知啦




然後越行越頂唔順
係咁比日本妹過我頭

到左中途站終於有得休息下


係呢個得大約十度既環境
我決定除淨件短TEE繼續上路
呢個就係我既最終形態


經過一番努力





比鬼婆都過埋頭

終於到山頂

展望台已經鎖左無得入

有日本仔爬上呢D石睇日落


我真係唔撚夠膽LOR

望完風景休息完又係落山時間
落山比上山舒服得多
雖然都已經死死下

續

DAY4 終

係山落番黎
已經開始日落

離嚴島神社收工仲有十分鐘
咁就問個巫男仲入唔入得
佢話OK
咁就緊係睇埋佢啦

我覺得嚴島神社好有特色
同樣係一個可以浮係水面既神社




真係好靚好有特色
前面就係大鳥居


遊左陣
都無論阻住人收工
係後門離開

其實如果係呢度入呢
應該係唔洗比入場費

然後發覺部相機岩岩無電
SONY真係世界級
我明明已經有兩粒電
都捱唔到一日
就就坐低用尿袋差陣電

就有隻宮島鹿走過黎

見我無紙就走左


差左陣電
終於可以去睇大鳥居了

入夜D人開始少
剛剛好
仲遇岩開始潮漲
D人就一直圍住大鳥居一直向後退
個情景好正
我都玩埋一份
如果我有鞋直頭可以埋去玩埋水





露係水面既大鳥居真係靚好多
可惜同夕陽個時間唔係好夾

玩到天黑
夠晒皮
坐船轉JR出番廣島


見到唔算太夜又行下BIC CAMERA同書店果D
見到呢部VR真係ON99
根本日本仔炒賣仲嚴重過香港


睇完行完餓到死
又係醫肚時間
食完廣島蠔
緊係要試下廣島燒
但八點幾九好多舖頭竟然話收工
講緊係JR大站商場D舖頭
痴撚線

最後死死氣都係黎番呢間好似幾出名但又唔係幾高分既麗ちゃん

餓到死仲要排隊
偏偏我就係要食廣島燒
好
忍埋佢

全部都唔知咩黎
就叫左排第一果款


等左好耐
終於有得食


餓起上黎真係屎都好食

對面個日本仔瘋狂落辣醬
我又跟風落左D
但感覺差好遠
好怪

你問我鐘意廣島燒定大板燒
我一定答你係廣島燒
因為我覺得大阪燒唔好食仲好溜
我唔知分別係咩
但廣島燒真係好食好多

番酒店CHECK IN
呢間酒店無東橫INN果部咸書
係差左少少咁啦

DAY4 完

無聊得濟諗下上年去關西既情況
我發覺呢篇遊戲雖然無人睇
但真係打上癮
亦都成為左我既精神食糧
至少可以玩一個月
所以我決定寫完山陰山陽會再寫埋關西

DAY5

今日既行程表
我係完全跟上左進度


講番我呢兩日住既酒店
離開車站六七分鐘時間

房間大細同東橫INN差唔多

不過我覺得有個洗水盆係房入面會好唔乾淨咁
同埋呢間酒店無地毯
碌落地會好痛

走廊係通風既


夜晚走出黎會凍到HIHI
同埋會吹走你D野
痴撚線設計

坐新幹線十五分鐘就極速到達新岩國
所以我先分開宮島同岩國兩個地方


出車站就已經見到巴士站
唔知係咪太早
係無人等既


咁之前做資料搜集既時間成日覺得會走車呀
唔識搵車站呀
唔識上巴士呀
其實一切都好簡單
站牌亦都好清晰

唔洗比咁多壓力自己

車站直頭教埋你點樣搭巴士



其實新岩國坐巴士去錦帶橋都好快
呢D大站佢基本係唔會飛站
會停到無人落先再開車
完全唔驚落唔到車

一落車就已經係錦帶橋


日本三大名橋
要收過山費





而過完橋山上面就係岩國城

今日既目標

對岸完全係為左櫻花而準備好
但而家得禿櫻


SET就包晒過路費,纜車,岩國城入場費


其實條橋好睇唔好行
又多級
個距離又遠
想行快少少都唔得



離錦帶橋遠少少其實仲有另外一條唔洗比過山費既橋
可以出術

過完橋先參觀下小次郎
回程先行吉香公園



無櫻花真係無野吸引可以停落黎
好快就去到纜車站

一個鐘四班纜車


簡番個靚位纜車就上山啦

但點解唔係纜車妹妹送車架
明明香港山頂纜車全部都係妹妹黎

續

DAY5 續

搭纜車上山識揀一定揀車尾
先有野睇


已經可以望完完整既吉香公園

再高D

已經可以望到出術唔洗比錢果條橋
同埋錦帶橋格離已經坐左好多旅遊巴
契弟走得麼
好彩我早黎

上到山就見到呢個地圖

幾得意

仲有呢個鐘樓

好小學雞FEEL

三百米到天守


有兩條路上去天守

岩岩好可以做到一來一回

五分鐘距離


中間有呢個大釣井



唔知做乜鳩
條藤應該係唔算事既
不過生到出晒黎

行多幾級樓梯就到
我發覺呢幾日一直要行山
真係幾累下
如果去埋備中松山城就真係不得鳥

舊天守台
得番一堆石



岩國城好細

同廣島城差唔多
不過勝在可以影相
我真係唔記得廣島城裡面有D咩

我既習慣係一口氣上頂樓先再落番黎續層續層睇
又係拜四角時間



仲有一隻角好似無影到
其實幾好風景
話晒都係山上面


地下都有幅古代地圖


岩國城下面有各天守既相


一百名城我都叫做去過十幾個
雖然有搵印仔及
但始終都無好似細路仔咁有本集郵簿
始終都係差少少

城郭係咩意思


呢個模型幾靚仔



除左名城名園仲有名橋

就咁睇錦帶橋好似已經係最靚果條

出番黎
我搵黎都搵唔到二之丸
係得呢舊野

睇番地圖原來係拍二之丸廣場


番到纜車站
等車時間又影下景



落番山
纜車站格離係美術館

無入去睇

另一邊係吉香神社

好多鴨仔係度玩水



吉香公園都叫做有d野睇下

自稱櫻花百選之地

真係有


一棵咁大把

咁都有其他花既

又係一棵咁大把

都叫做賞左櫻

回歸經過錦帶橋離開
有d日本仔係度片石仔
好想玩埋一份


成個吉香公園就完架啦
又係時間開飯

黎到岩國緊係要食番餐岩國壽司
一早就揀好左呢間平清

門口雖然寫住營業中
但點睇都唔似開緊門

呢間野最大特色係可以望住錦帶橋食飯

真係好好feel
可惜我問佢可唔可以坐窗口位
佢話已經reserved

我係呢間野既第一個客
直到食完離開
我格離張檯都仲係無人坐架師父


而我不嬲都唔鐘意成條魚食
所以揀左下面千代果款

而乜野係岩國壽司?
左面正方形果舊就係啦
食完就覺得麻麻地
真係一舊飯黎

刺生同天婦羅都幾好食
價錢又唔算太貴
又有靚景睇
呢餐飯好滿足

續

竟然未完

趁番工無咩野做UPDATE下佢

諗左幾日
我終於決定左去威爾斯睇歐聯決賽捧我愛隊
畢竟一生人可能真係得一次機會
廿年前祖記拎冠軍果時我仲係小學雞
然後已經四次都同冠軍擦身而過
今次既機會真係出奇地大
同上而家我開始儲里數亦有D成果
可以免費飛過去
望住自己愛隊捧走現今最高既獎盃
我諗係所有人既願望
所以
我決定左去追夢啦
已經BOOK左酒店
BID埋波飛
連倫敦既長途巴士都買埋
而家係差銀行積分換里數
所以
我又終於可以繼續寫呢篇遊記了

DAY5 續續

十二點
坐番巴士番新岩國


巴士站有齊呢一帶既舖頭平面圖



今次架巴士遲左到
然後我終於意識到日本並唔係所有交通都會好準確
日本既鐵路雖然真係好準時
但巴士始終會有塞車同上客
係真係會有D落差既

坐新幹線番廣島
再轉可部線
三個站
就到達三滝
呢個聽個名就會聯想起你的名字既車站
雖然一D關係都無



呢個站無咩人落車
又去番無咩人去既地方
感覺幾好

前面對母子就係呢條分叉路唔再係我前面行



去左少年自然之家
我SEARCH過
估計係康樂營之類既野



咁我就繼續朝住三滝寺一直行
其實條路無人
我成日都會覺得自己行錯路
但睇GOOGLE MAP又唔似有錯
唯有信自己

路上話會有野豬出沒


觀音靈場


咁其實點解黎三滝寺
我係見好多鬼佬話呢度係廣島最寫意既地方
咁見廣島市既景點基本都去晒
有時間就黎呢度睇睇

差唔多到啦


但係隻野豬變左色

行左十零廿分鐘就終於到


係山陽地區特別多世界和平呢D

畢竟係原爆既地方

全景圖


雖然無人守門口
但都要比入場費

我當時係無二百YEN既散紙
唯有將我褲袋所有銀仔拎晒出黎推晒出去

多多見怪

其實一入黎去就見到好多老友MEME拎住行山仗走落黎
睇黎三滝山真係一個行山既地方
不過行左咁多日我真係夠啦
我淨係想行下睇下算

正面係落山
右邊係多寶塔

無咩特別

咁左面就係上山
一開始就已經有個平安鐘

敲一敲
精神爽利

其實仲要感受佢既余韻


上山就見到呢D龍頭


小溪


小瀑布都有個名
叫做梵音の滝


條路其實都唔係好斜


講真
呢度靚就唔稱唔上架啦
不過無咩人幾清靜

就好似敲鐘既余韻咁
呢個係我係廣島市既最後一個景點啦
好好享受埋呢個廣島市

有支線行
上到頂就係呢個壇

乜都無

山下面既景都唔係點睇到


同埋拜財寶既地方

但係我全部銀仔都恭奉晒比你入口啦
乜都無你想我捐咩

番番主線
呢個就係三滝寺既本體


無咩人
得個巫男係個屋仔望
我又買唔起佢D野
都唔係幾好意思係度影相

而呢條蛇仔就係幽明之滝

真係喊出黎

再行就真係上山
無心無力啦
所以黎到呢度就落番去

一落番山
就見到有巴士

可以唔洗行番落去三滝站直落廣島站
但就係呢架巴士係廣島站前面塞車
差D令我走車趕唔切去吳市
我對日本D巴士真係又愛又恨

續

DAY5 續續續

咁如果要講成個山陰山陽最差既地方
就一定係而家要去既吳市啦
吳市都算係我一個想去既地方
叫做睇下軍艦都好既

但事實係
我真係頂唔順佢不斷拎隻尾道的秘密黎打飛機
成個館就係不斷又不斷播片吹奏自己點勁法
同大陸一模一樣
我頂唔順呢D帝國主意
難聽D講句真係想喊
最後咪又係打輸

吳市
一個我覺得個名幾型既地方
變左三國時代咁

由廣島要坐半個鐘先到吳市
車上對面坐住條女同老父&老母
個老母話架車向後好辛苦
咁我話同佢調位佢又話唔需要
其實應該可以傾下計既
但毒撚D日文麻麻地都係算鳩數

呢程車好多人
坐得唔係幾舒服

然後到達
條女一家人都係度落車


佢話五分鐘可以到達大和號


車站就係條橋到


經典車站相
因為有鐵絲網舉到部機歪左


車站到大和號只係一條天橋就連接晒
中間經過一間百貨公司
完全唔洗落地面

咁我見格離有個更加吸引既建築物


原本我只係諗住去大和號博物館
咁見仲有時間
就先去左呢部潛水艇

原來所謂既吳史料館係海上自衛隊既博物館


唔洗錢入場


呢個博物館絕對吸引過大和號果個
起碼佢唔會點打飛機
都係SO番自己D野出黎

呢兩隻野我以為係搞笑用



點知原來係真野黎


然後有得參觀潛水艇既內部
淨係呢點都完勝大和號



階級表
睇開ONE PIECE就唔會陌生


話係堅野
唔好禁制之類
同埋影相唔好阻住人


但結果係我想影相D MEME阻住晒
你點睇

廢事同MEME鬥
影埋個艦長室就算




海軍咖哩餐
已經一早賣晒


續

DAY5 終

咁離開自衛隊就算場睇大和號啦
RECEPTION條女係咁SELL我導賞機
又話唔洗錢又乜又物
咁你又無廣東話
我又唔係唔識睇日文
要導賞機黎托咩

事實我真係黎錯場
飛機文就真係提唔起興趣

D人入黎就係為左睇尾道的秘密
我影幾隻相就閃




不過其實見到頭先坐火車個女仔都住左係度

好似好悶咁
我都係無咩膽走去搭訕
算

係原本PLAN係係吳市食埋飯或者玩埋個溫泉先走既
不過呢度真係唔係一般既悶
坐係個碼頭SEACH食飯
諗諗下都係搭番車番廣島算

呢程車唔算多人
不過有個學生哥訓到去總站都無人叫醒佢
其實日本人又唔係想像中咁好
可能幫你搵路果D真係唔識點解拒絕人而已

然後決定去食拉麵
坐番架電車出去

近近地架電車就唔算多人
大把位坐

食呢間
永斗麵


見食BELOG有3.6分好似都OK

竟然係無咩人
細細間仲幾有格調

D湯濃到好似食沾麵咁
不過我鐘意
隻強好的色

食飽行下本通


有HMV可以行下
成間都係賣聲優CD
見到呢本野

好似幾HIT咁
其實有D想買
但未睇過又唔知有無伏
都係算

又因為聽日去鳥取沙丘
特登係JINS買左部黑超去黑黑佢

去到呢度
廣島就完晒架啦

廣島比我既感覺就係人多
同比較殘舊
但又唔係屬於古典果種
我都係鐘意岡山比較多

DAY5 完

終於可以開始山陰
其實得三日

DAY6

終於出發我心儀左好耐既山陰
其實由玩完方根書簡之後
就一定好想去呢個地方
遊戲並唔係特別吸引
但作為旅遊作的確是令我對呢個完全陌生既地方產生興趣
然後
我終於實現了這一次的旅程

由廣島上山陰的方法有好多種
最普通的
就是坐高速巴士
外國人坐呢架巴士一直都有特價
500YEN搞掂
但我決定放棄這個權利

因為我坐火車根本唔洗錢
所以我決定先去鳥取
最後最想去的島根留到最後
完全地吊自己癮

咁由廣島去鳥取其實都唔算太花時間
亦都可以慳番由島根去鳥取既一程時間
其實都唔錯

先由廣島坐半小時新幹線到岡山
再花兩小時轉因美線上鳥取

八點鐘出發
十一點就可以到達鳥取
快過由香港飛日本

係廣島車站既月台咁岩見到呢架EVA號



上鳥取既車飛

因美線呢架特急得兩卡車
去到月台比佢玩到差D上唔到

手機影得差

咁呢架超級因幡就有D特別
佢去到中間成架車會轉倒頭行駛
咁一排兩個位既座椅亦都需要180度調轉
車入面有個鬼妹完全唔知發生咩事
我都係咁岩上網見到所以有D準備

今日既早餐
因為早走所以無食到酒店果餐

同埋今日既行程表

到達山陰地區
影番張巴士路線圖

其實鳥取本來係有架觀光的士的
一千YEN可以坐三粒鐘
又平又方便

咁但係係二月開始就取消左
四月開始先至有番加價至二千YEN
其實二千YEN我都覺得好抵
但偏偏我呢個時間就係無得搭
所以要搭巴士

咁鳥取車站出面就係巴士站



一小時得一班車去沙丘


咁其實如果有的士
我會想去埋城跡
但自己趕路又係差少少

而且今日見宍道湖個夕陽指數係100
想坐番特急出番松江睇夕陽
加上又係得禿櫻
所以就放棄左鳥取城跡啦

如果唔係去沙丘
仲有紅藍綠呢三條巴士線



十一點半
就有車出發沙丘
好彩我算排得快
叫做有位坐
因為個個都要迫巴士去沙丘
都算多人

經過地跡個站無落車係有D遺憾
但旅程就係咁
有得有失
我都開始無咁介懷

沙丘之前唯一有人落車就係呢個小孩國

唔知係咩黎

之後好多人都係纜車站落車

但我想去左美術館先
所以差多一個站先落

我個站得幾丁友落車

咁全部都去晒沙丘
得我一個過馬路去美術館

心諗
原來美術館係無人去

個人600YEN
可以影相


咁終於遇上了最唔想發生既事

休館

原來一月至四月係唔開既

呢個係我成個旅程唯一一個去左但去唔到既地方
我一直都以為自己編排得好完美
結果係鳥取失左手

咁唯有番沙丘
結果呢個沙丘就成為左我係鳥取唯一既觀光點



禁止禁止禁止

咁係呢個排後面其實有個架
比人影大合影
但佢又話企上去影相要收錢
真係ON99

點都去
我終於進入了鳥取沙丘

一望無際既沙

望番轉頭好似兩個世界咁

呢度
係我成個旅程最鐘意既地方
鳥取沙丘世界級

續