[多字][隨時爛尾] 山陰山陽結唔到緣之旅

DAY6 續

係鳥取影相
係比太陽曬到我根本睇唔到影左D咩
番到黎先見到好多相都影到好暗
都有D失望

同埋其實我係有帶到腳架去旅行既
不過最後我決定輕裝所以無帶
咁係真係有D失策

我今日既裝束

點解可以自拍到?

因為有呢D咁既柱仔

真係救左我一命
呢D柱係沙丘周圍都無

我並唔係一個鐘意自拍既人
平時亦無自拍既習慣
但黎到呢度
我覺得真係要拍
而亦睇過周國賢果首我們都不是無辜的
係應該係度碌黎碌去
只係我實在無辦法自己同自己拍VIDEO
所以一個人
係真係有D壞處既

沙丘周圍


中間有一個大池

好似綠洲咁

行過真係有痴線佬咁玩


真係笑死

用爬真係好難爬上去

不過行到盡係有得上頂既

唔好睇以為好易
都行到我半死

沙丘邊就係海

個畫面真係好神奇

沙丘頂望番落去

係真係好斜
但又好多人想爬上黎

係度玩左兩個幾鐘
夠晒皮
真係玩得好盡興
臨走前影多相

就去砂丘會館食番杯雪糕

順便等巴士番車站

巴士番到車站同番松江架超級松風係應該有六分鐘既距離
但結果遲左四分鐘先到車站
而我仲要去拎行李
結果就係呢四分鐘令我番唔到去睇夕陽

搭唔到1508班特急
唯有等1602成個鐘之後果班快速
90分鐘既車程亦都變左超過兩個鐘

仲有成個鐘無野做
成日又淨係食左個三文治同雪糕

最近車站就淨係見到呢間
MOS BURGER
我發覺次次一唔知食乜就會去左呢間野
D汽水次次都五顏六色

等左成粒鐘再坐火車番松江
一路望住個咸蛋黃落車我就越覺得奧悔


明明我應該係可以睇到咁靚既夕陽
但我又偏偏睇唔到
番到松江太陽已經落左山

咁呢我係黎松江朝聖既
所以住
我都特登揀左間同主角MAX住既差唔多既呢種日式旅館
但係咁多日我都唔記得左影佢外觀
得張示意圖


第一眼望到真係覺得好似
而呢間寺津屋最神奇既地方係仲可以係AGODA搵得到
三舊水一晚同東橫INN差唔多
但極具風味
我自己就唔鐘意AIRBNB既
因為要比左錢先知道住邊
同埋D圖根本就睇唔到自己住乜

我間房就咁既


好日式既房
榻榻米
趟門
同用手指可以篤得穿既窗

老闆話出入都要同佢講聲
仲要十點前要番到黎
其實聽落有D嚴
不過其實佢幾好人
日日都問你去邊同講晒你想去果度有D咩
而且入黑後既松江真係無咩好做
七點已經收晒工

係搵到松江附近有間AEON先可以行下
順便食埋個晚餐
搵極都唔知食咩好
就食呢D咁既野

諗番都覺得自己ON9

DAY6
完

DAY7

終於開始我係島根既日子
自從玩過方根書簡之後
就一直好嚮往呢個結緣之地
最後呢兩日
雖然無識到副館長
亦無好似山陰戀事咁遇到兩位女神
但作為一個毒撚
我玩得好開心
去到想去既場景
已經好滿足

其實我第一晚訓呢間旅館
格離係訓左一隊女子籃球隊
老闆仲介紹左我比佢地識
成班學生妹面紅紅好正
不過SORRY我無影到相

夜晚行過走廊見到
全部都好有禮貌講晚安
不過佢地一朝就出門嘈醒左我

打開窗口
我對面就已經一個神社
白潟天満宮
有一棵大樹對住我


呢個就係旅館既走廊



非常日式
我超級鐘意

我係AGODA BOOK既時間佢話無早餐
但老闆娘都係整左一份比我


老闆好似忍者亂太郎個校長
老闆娘好慈祥好好人


出發前話我會去出雲大社
佢完全講解出雲大社D歷史比我聽
我唔係太聽得明
不過佢真係識晒D柱乜乜物物
好勁

咁我就沿住河邊出發

下面風土記果條路我聽日會行

係望到嫁島既

如果尋日黎睇夕陽就會好正
今日全日都落雨
個天唔靚乜FEEL都無

格離都有座電視台

雖然唔同GAME入面果間
但都似似地

過呢條肉道湖大橋

望番轉頭可以見到美術館同嫁島

如果尋日黎到就真係此生無憾

呢度就係四眼仔果間公所


當時無對照過
角度完全唔岩

一火田電車既溫泉站

亦都係場景之一


今次真係對岩位

目的地係出雲出社
最遠既兩個站



上到月台就見到呢兩架車

右手邊果架我以為真係結緣列車
原來係二號黎


入面D凳唔係粉紅色
同埋無公仔係入面

正版果架係咁既

咁我ON9得濟問工作人員呢架車幾時開
佢話十幾分鐘後
我就信左佢唔上白色準備開果架
咁其實一路都覺得唔係幾對路
因為車站個時間表根本就無十幾分鐘後既班次
但我都照繼續等

結果
架車十幾分鐘後真係開走左
係空車開走!!
喊出黎

結果我要白等成粒鐘等下班車

續

DAY7 續

英國D行程都搞得七七八八
可以安心寫埋呢個遊戲
今個星期一定會完左佢

其實去出雲市搭JR係更快更方便既
但一場黎到係一定要試搭呢種路面電車

又等左一個鐘終於有車上
一個人都無

日本既電車雖然唔快
但都有好處
就係暖氣
今日又凍又濕
好在有暖氣救左我一命

轉左一程車就黎到出雲大社前


已經就黎十一點
同我既行程相差甚遠

為左追番個時間
我決定放棄舊大社站
因為真係幾唔順路

車站張凳D圖案幾得意

呢架就係轉車黎出雲大社前架列車

同GAME入面一模一樣


出雲大社前站係一個好有特色既車站

我終於影到一模一樣既相

係成個教堂咁樣

出到黎又落雨

真係頂佢唔順
又係係旅程既尾段買左把遮

連埋呢次我已經有三把帶左番香港
根本次次都會落

十一點
田中屋岩岩好開門

唔洗排隊
食埋個午餐先參拜出雲大社


割子三段就有三碗麵

其實D料就麻麻地
但個麵就好好
係島根我兩餐午餐都係食麵
但次次唔夠喉

終於見到呢隻貓

食完出番黎已經開始要排隊


格離就係台仔好鐘意既STARBUCK

老闆都登特同我講
但真係無咩興趣

落雨真係好煩
一手擔遮一手渣機係完全SET唔到
ZOOM又唔得光圈又扭唔到


即使黎到旅程既尾段
依然係未開花


洗淨身心


案內圖

出雲大社並無我自己想像中咁大

拜殿


之後係本殿
不過圍住晒入唔到
見到好多人係入面出黎
唔知點先入到去




本殿後面有幾隻兔仔

影完相做番正經野


做番個姻緣撚
話晒呢度都係結緣力最強既神社

格離係神樂殿


有對日本情侶搵我幫佢地影相
祝佢地好運
我自己一個就無咩好影既

出雲大社格離係古出雲歷史博物館
我都有D興趣
不過要睇下去完日御崎番黎仲有無時間先

巴士站好易搵

賣飛阿叔仲比埋時間表你

有個幾鐘時間可以玩
唔夠既話就可以玩多一個鐘等下一班

500YEN

廿分鐘車程

續

DAY7 續續

黎日御崎呢班車
其實都有幾個人
但其他人落車都唔知去左邊
淨番呢個鬼佬同我既行程一樣


日御崎
日文叫做HINOMISAKI
個名好好聽
而且仲好好記
呢個地方係方根書簡結局最終章先會到達
眾人過去最快樂既一天



我自己本身亦好鐘意燈塔
燈塔代表住陸地既盡頭
感覺很浪漫

落車第一站係日御崎神社


神社唔大
好快就睇晒
https://4.bp.blogspot.com/-RVuqCFc9BjY/WmSjjtd8tGI/AAAAAAAAD9c/0EaH-A0zskQTk8FYOKC9kIRywdemeblegCLcBGAs/s1600/DSC01998.JPG

不過裡面有幾塊神秘既石頭

本殿

呢個神社一個巫女都無
參眾亦得我同鬼佬仲有一個渣車黎既家庭

然後就出發去燈塔

大概呢個就係燈塔係日御崎既地位


呢條路就係去燈塔既路



咁行過呢條路
就會見到好多海鷗

海外面有個叫做經島既島仔
島上有一隻鳥居
而鳥居周圍就住左好多海鷗
相傳係一個好神聖既地方


海岸呢D唔似石頭既唔知咩黎


經過D屋仔同食檔就已經可以望到燈塔
我一直以為日御崎應該可以玩到好耐
原來的確一班車既時間就差唔多

日御崎
係古出雲睇日落既勝地

呢度亦都係遊戲場景之一



燈塔周圍係懸崖




可以學佢地咁企出去練下膽


海上保安廳



入面其實得一對母女係度把守
要除鞋放LOCKER先上得去

樓梯生晒鏽

行上去其實有D淆

上去前佢地同我講要除埋襪先行出走
當時我唔知點解
上到去就知道
因為落雨濕晒
比隻腳你地睇

赤腳走出黎真係好撚凍
轉左個圈隻腳已經無晒感覺

不過上面係幾好風景既



山陰戀事主角就係同兩個囡囡上左黎玩
我就自己黎玩腳

凍得濟
無咩事我都係落番去

燈塔邊都係介紹燈塔既設計

其他日本燈塔之類
仲有紀念品宣傳

我當然唔會放過

出番去
去番頭先果幾條友練膽既地方

我頭先就係對面影過黎
其實仲恐怖



一路行番出去
有個觀鳥台

可以望到經島既背面

唔知點解海鷗日文叫海貓

落番去
時間岩岩好開車
賣飛阿叔真係無講錯

續

DAY7 續續續

搭番車去番出雲大社前落
點解番出雲大社?
因為我見時間仲有淨
就去左旅館老闆勁推介既古出雲歷史博物館睇

其實我自己好鐘意博物館
尤其係歷史博物館
睇番果個地方係點樣形成係好正

由出雲大社正門行番三四分鐘就會到達

成個博物館係有D似酒莊


有正門同東門兩個入門

我當然係選擇係正門堂堂正正咁入去


咁其實佢有幾個入場費
我見今日已經尾二一日
而且之後都無預定節目
就決定黎一次唔睇時間咁參觀
買晒成個SET去晒全部展館

咁首先參觀參設展館
成個展館都係模型
仲要係有晒比例
真係好正



最正係神社既樓梯仲有人仔去參拜

勁得意

呢度唔只得出雲既神社
唔同地區出名既神社都有





古出雲既地圖

我最鐘意就睇呢D
拎個GOOGLE MAP睇番而家同古代既分別

係古代
已經有咁大個宍道湖

之後就係全個博物館鎮山之寶
無限劍制



有成三百幾把青銅劍擺晒出黎展覽
好壯觀

仲有軒轅劍十大神器
東皇鐘


所以我覺得出雲市係成個日本歷史味最重既城市
以前未去京都以為好古典
去過先發現原來極現代化
反而出雲仲保留D呢種風味

仲有其他展品






而專題館係唔比影相既
不過都可以講下裡面有咩

主要係放左D古文書係度比人參觀

咁我走埋去一睇
發現全部都係漢字黎

亦即係日本既古文書
就係中文書
直頭可以扮歷史學家讀比D日本仔聽

呢PART反而無咩特別
咁樣好HEA咁行都行左個幾鐘
好滿意咁完成左出雲市既景點

續

DAY7 終

搭番架電車落出雲站轉JR番松江果邊
呢個係最快方法

呢架只係普通車

而呢架一D都唔普通

裡面係有包廂設計

仲有毒撚設計


出雲站

只係停番左幾分鐘
睇下有無手信買
就夠鐘坐JR番松江

為左填補番尋日睇唔到既夕陽
今日就算係落住雨
我死都要去睇嫁島
為左完左自己既心願

係乃木站落車
仲係行一大段路先到夕陽點




其實我真係想有夕陽
但又好驚又MISS多次
就係呢幾種心情夾雜中間

咸蛋黃出現了


但我仲未去到嫁島

神啊
請給我多一點時間

但當我趕到去夕陽點既時間
咸蛋黃就要消失了

真係想喊出黎

不過都有幾個龍友係度影
而呢度仲有個案內圖教係咩季節係邊度影係最好


就係我好失望準備離開既時間

奇蹟出現了

雨雲終於散開
出現番傳說中橙色既天空





雖然都係無得睇咸蛋黃
但呢一刻既感動已經非筆墨可以形容

不枉此行了

感動過後
太凍
向住旅館既方向回歸了

中途經過美術館


美術館關門時間就係日落後半小時
意味住我都無得入去參觀了
不過算叫做黎過門口朝過聖

再行到旅館附近
經過呢片空地


係又幾似方根書簡果片空地

今日想試下地道既晚餐
所以一直同老闆講左今晚我會係度食
一番到去已經見我道菜已經準備好
番房放低野洗個面就落左去開餐了

尋晚係果班女子籃球隊係度開餐
今晚成個飯堂都比我一個人霸晒

呢餐係我呢次旅程最後既一餐晚餐


好豐富
樣樣都有
佢最窩心既地方蟹殼都變你了開埋

飲飽食醉
講埋我聽日去邊
同埋放低行李下午先番黎再拎走

就番房準備了
聽日係最後一日
早D出發
睇埋松江最後幾個景點

DAY7
完

今晚要開始執野
聽日出發去睇歐聯了

DAY8即係最後一日
應該要再下星期番黎先寫得到了

寫完呢個
我會試下寫下倫敦
先會再寫大阪
一寫就可以寫兩三個月
諗起都正

DAY8

最後一日係松江既日子
老闆話我知中午會有軍隊由天滿宮出發到松江城
同我既行程倒轉
我既行程終點係松江城
然後番黎旅館拎行李
應該係會有相遇既

天滿宮就係旅館格離
細細個既一個神社仔





今日第一站係神魂神社
一個唔多人去但GOOGLE好高分既地方
一日只有幾班車可以到達


所以一早七點幾就要出門口
而且呢日係LAST DAY
我都想自己可以玩耐D

松江站

亦都係方根書簡既場景


今次我有專心對位
係有D似既

半個鐘到達呢個古老既地方
由呢度開出既巴士每日只有十班



因為呢度係神話既地方

仲有工藝館
民話館呢D傳統野
不過我無咩時間

路邊仲有呢度
我到而家仲係唔識分櫻花同梅花



行一陣就到門口


日本乜都係國寶


洗手既地方


唔知女阪係乜

大概係斜路之類

我就係樓梯上去既


一入到去就見到話雪害危險又乜又物

仲有唔知幾時係祭典

結果就圍左呢D立入禁止既帶

不過本殿就算係影得到既


神魂神社
相傳最古老既木造大社
幾有氣勢

神社周邊無開門

乜都無得祈

成個場得呢D擺錢既地方無圍封



呢度其實好細
一眼睇晒
十零分鐘就可以感受完呢個最古老既神社

下一集八重垣神社

續

DAY8 續

離開神魂神社
其實只有十數分鐘既時間
仲黎得切坐巴士去八重垣神社
但諗起已經係最後一日
想要感受一下最後呢種鄉郊既環境
就選擇了用行的方法

由神魂神社去八重垣呢條路係有個路名既

叫做はにわロード
埴輪之道

神社出面已經好多禿櫻
到我最後一日都係未開

迎面行過一個女子
應該唔係本地人


呢條路好易行
就算唔睇GOOGLE MAP
成條路都係路牌
一定唔會走失

一路上都係呢D風景





又唔知乜野千景



就咁一塊田
不過好舒服
享受埋最後一個寧靜既上晝

呢塊牌乜都無好恐怖

後面仲有間學校

行幾步路就見到既埴輪


條女似想推條仔落去多D


一路行就一路睇下頭先巴士佬比岩岩四月新既時間表

可以睇下八重垣幾點有車去松江城

已經行左大半路

因為條路唔洗上山落山
一D都唔辛苦

全部都係田


沿路仲有神話解說


呢個真係萬綠叢中一點紅