趁而家未遇到勁會之前簡單講下公會戰
每場公會戰每邊會有四個球場
公會戰目標就係透過互相攻佔對方嘅球場嚟得分
最後以分數嚟決勝負:
每個球場會有4隊守城,每隊有3格血:
每個公會成員會有3次攻擊機會,打贏就可以扣一格血
成個城12格血扣晒就視為佔領球場
咁分數點計呢?
首先每次攻擊都會有分,贏+19,輸+11:
同好多人都忽略咗,佔領球場額外拎到嘅佔領分:
佔領到一個球場可以拎到百幾至五百幾分不等
相等於贏十幾二十場嘅分數
所以攻擊嘅時候應該盡量集中攻擊拎埋佔領分
而佔領分係愈高級嘅球場愈多:
假設計埋佔領分,攻擊次數打愈高級嘅場分數收益係愈大:
最高: 550/12+19=64.8分
最低: 172/12+19=33.5分
分數接近2倍
所以攻擊次數集中喺高級球場係效率最高 前提係你要贏到
但係高級球場唔係一開始就打得
而係要佔領一個次級球場先開到:
綜合呢啲資訊
公會戰最理想嘅打法係佔領一個低階球場嚟開中階
再佔領中階球場嚟開高階,佔埋高階有次數淨先返轉頭佔其餘低階球場
當然前提係佔得到
如果覺得佔唔到先至退而求其次集中佔領中階甚至低階球場
重點係
佔領分先係目標,有大佔大,集中攻擊
大忌有2個
一係分散攻擊目標,個個球場都打幾下但係佔唔到
咁樣會蝕晒啲佔領分,定輸贏就係呢啲位
二係高戰力玩家浪費次數去屈低階球場
咁低戰力玩家對住啲高階中階球場就企咗喺度用唔到次數
整體佔領分都會少咗
打法注意位差唔多係咁,其實好簡單
公會排名:
打公會戰其實都係為咗谷分數同排名拎獎勵
暫時睇公會戰係一個重要嘅金道具來源
前面講嘅分數只係用嚟定勝負,實際上公會分數係咁計
再睇返暫時嘅排名:
前3名同LIHKG只係差4X分
即係話有冇用盡次數已經可以對排名有好大影響
所以唔好諗住低戰力打唔贏就唔打
或者贏咗咗就唔駛打唔駛佔,拎咩獎勵有時就係睇呢啲位