[多圖][不定期更新] 十二日非自駕冰島遊記

哇 呢個我唔知

咪笑佢啦

我覺得冬夏都去一次會圓滿d

去晒其他地方先再去，咁快再去 感覺冇咁期待

3月時去過,成個國家得黑同白兩個色,聽住sigur ros好好feel

5年前冬天去過
藍冰洞真係好靚

見到你啲相就想即刻出發

想5年後春夏季再去

鍾意自然風景
對歷史藝術文化無乜興趣
有乜推介?

高加索

利伸 想去

樓主係咪好忙

呢排係
希望今日出到

DAY 8:

例牌早餐
呢兩日會係一個兩日團，行程會係西部Snæfellsnes斯奈菲爾半島，冰島西部可能對一般旅客冷門少少，不過其實都好值得去睇下

由Reykjavík出發去到Snæfellsnes大概要兩個幾鐘，同其他團一樣中途都係會停車比我地稍事休息，呢度係Borgarnes，亦都係我地今晚會stay既地方

大概個零鐘後就黎到Snæfellsnes既第一個景點Kirkjufell教堂山。Kirkjufell係冰島西部最著名既景點，如果大家係冰島買postcard一定會見到呢座山既身影，呢座山對game of thrones fans黎講應該唔會陌生

沿路入去就係Kirkjufellsfoss同埋Kirkjufell既影相位

Kirkjufellsfoss

Kirkjufell係全冰島被拍照最多既山，襯埋極光真係世界級。如果自駕既話可以黎碰下運氣
睇完Kirkjufell之後導遊就帶我地去左附近Ólafsvík鎮既Sker Restaurant度食lunch，佢仲事先幫我地留左份魚既set lunch，話呢度d魚好得咁話

結果唔係好得，一般料 不過2500 isk就算平既。同台係一對台灣母子，我地全程用半咸淡普通話傾計都幾好笑

食完lunch我地就出發，係冰島最西兜番轉頭，進入Snæfellsjökull National Park既範圍，黎到Dritvik Djúpalónssandur，後面就係Snæfellsjökull斯奈菲爾火山。


呢一帶以獨特既地形同好多奇形怪狀既岩石見稱，好似係因為以前海水侵蝕所造成。呢一帶曾經係冰島最繁榮既漁村，有近60艘漁船停泊，不過今時今日已經冇人居住。



沿路落黎就會黎到Djúpalónssandur沙灘

怪石

側邊有條路可以上高位望番黎去


一望無際既大海

走既時候發覺好大浪，大家去冰島既沙灘真係要小心

下一站就黎到Arnarstapi，呢度以前係一個交易中心，依家就以獨特的自然景觀吸引遊客到訪。導遊係Mirador puerto Arnarstapi觀景台放低我地，我地就會沿住海邊一條觀景路線行，導遊就係後面等我地。

Stapafell+著名既小白屋

Port Arnarstapi

小海灣pumpa
呢度好多人黎，都幾意料之外

stone bridge

開始出番太陽


靚到忍唔住係咁影

Gatklettur岩

彩虹出來了

Cliff Viewpoint

Bárðar Saga Snæfellsáss Statue
Bárður Snæfellsás同時擁有人類和巨人的血統，係冰島巨人傳說既主角，被視為斯奈山半島的守護神，傳說Snæfellsnes斯奈山半島就係由他所命名。
我地就係度上番車出發去今日最後一個景點Ytri Tunga。

距離Arnarstapi大約半小時車程既Ytri Tunga又叫seal beach，故名思義就係海豹沙灘，好多海豹會係度晒太陽休息，特別係夏季。可惜我地黎到既時候已經天黑，而且仲好大風，吹左15分鐘大家都開始頂唔住話走人，結果係睇唔到既

離開Ytri Tunga大概一個鐘就番到Borgarnes既酒店，呢間房幾好
settle好hea左陣就出去食dinner

是靚晚又係羊，連埋啤酒5650 isk，不過幾好食

回程途中有貓撚

房景
成晚係咁望出去都係冇極光

DAY 8完

返工多嘢食呀？

DAY 9:

早餐都係呢d啦

今日好好天，第一站係去睇Lava Rock同Moss Formation

沿住樓梯上山頂

呢一帶獨特既地形同moss同樣都係由以前火山爆發既熔岩造成，有d洞好似月球表面
今次上左山睇仲可以當睇埋風景

係度大概逗留左一小時就落山，出發去下一個景點Hraunfossar & Barnafossar

大概40分鐘車程就黎到Hraunfossar，Hraunfossar & Barnafossar係冰島西部比較有名既瀑布。Hallmundarhraun熔岩平原既水流落河形成左一堆溪流，最後造成Hraunfossar。


呢度一帶有幾個觀景台比人從唔同角度影相

沿路行過黎有條木橋，過左木橋見到既就係Barnafossar小孩瀑布。
以前呢度有一座石橋，有位小孩係過橋時不慎跌入瀑布而溺斃，孩童的父母親發現後將石橋拆毀，以避免悲劇重演。呢個就係小孩瀑布名字既由來。多年之後，當地就係度起番呢條木橋比人參觀用 。




Barnafossar既水呈tiffany blue色，流水十分湍急，所以好多人話呢度似激流多過瀑布

睇完Hraunfossar & Barnafossar之後我地就去左停車場對面既cafe食lunch

是靚午係burger薯條，個set叫farm girl's dream，另外再叫杯啤酒，盛惠3500 isk，d蛋汁一路食一路滴，諗番都滋味

食完就出發去睇lava cave，目的地係廿分鐘車程外既Víðgelmir Lava Cave


黎lava cave探洞都算係成個trip幾特別既景點。黎到之後由lava cava既guide負責帶領，我地先戴好頭盔頭燈等安全措施，然後就步行去洞口。

Víðgelmir係冰島最大既lava cave(lava tube)，大概係1100年前形成，全長1585m，洞內最大洞室高15.8m闊16.5m。Víðgelmir內有證據證明自維京時期起曾經有人居住，但由於危險性及保育上的考慮，Víðgelmir只係開放一小部分比人參觀。
(p.s. 導遊係大學生，冇記錯係英國人黎冰島讀地質，好羨慕 )

Ice-formations

沿住路入洞就會有好多lava cave既特色

導遊講解得好詳細，不過我已經唔記得晒
淨係記得last果張既lava pencil，其實呢d係好珍貴既野，用個箱裝好，不過佢都會比我地傳黎睇，就算有風險都願意比遊客有更好既體驗，小小既事就睇得出冰島對旅遊業真係好認真。

成個lava cave體驗大概約1小時，雖然到打文呢一刻已經唔記得左9成既內容，而且自己唔係讀地質有部分terms都未必聽得明，不過感覺已經更了解當地。唔係局限於去旅行影下相食下野就算咁，而係豐富左成個trip

睇完lava cave之後就黎到呢個tour最後一個行程，車程約30分鐘黎到左Deildartunguhver溫泉區，呢度係全歐flow rate最高既溫泉區，為部分西部既家園提供地熱溫暖。我地黎呢度就梗係為左入Krauma浸溫泉啦


Krauma呢度唔似日本溫泉分男女湯，而係分左好多個唔同溫度既池，凍水都有，又有sauna房同室溫房比人休息。買杯啤酒係池邊一路嘆溫泉一路昅女都幾爽
走既時候有位港男團友話唔見晒locker d野，又要睇番cctv，最後發現原來記錯locker number
擾攘左一輪，2-day tour正式以恥笑結束，開車番Reykjavík了。

番到酒店之後我地放低行李就即刻落樓下等車，因為我地今晚要追極光!!!其實極光團安排左係早幾晚，不過天氣問題搬左黎今晚。
導遊帶左我地去離Reykjavík大概30-45分鐘車程既郊外，果個位置收唔到所以我都mark唔番係邊度，淨係記得好凍周圍都係雪
有左一次經驗我地落車就霸定個靚位，set定腳架，皇天不負有心人，不枉我高價買左個腳架，真係有回報的

11pro都算交到功課了

我地玩左好耐，呢晚追光真係好盡興由極光出現影到極光消失

番到酒店樓下買pizza食，中撚晒伏下次都係食番domino's

DAY 9完

有d相我係同一位置影過，角度都一樣
極光

跟團真係好貴
早幾年去咗兩次自駕遊
2個人用咗4萬到
機票5千幾

你唔覆我我都唔知打錯字 本身問你係咪返工多嘢做

好掛住冰島
上年最凍最大雪嗰時去 日晝得六個鐘
雖然真係好凍 但好好彩一日雨都無落過
睇到哂想睇嘅嘢 仲睇到極光大爆發！
睇到樓主啲相就好想再去
我仲想睇到夏天版嘅冰島

樓主去果陣好似咁大浪
我果次去個導遊話好危險又死過人
然後去到都唔係咁大浪姐

其實都唔關事 係自己懶

得6個鐘真係每日都好少時間用
我去大概8個鐘都覺得好快天黑

好慈祥喎

十一點先日出 五點就日落
其實零下十幾度嘅話 户外六個鐘夠哂

DAY 10

行程黎到last兩日，基本上都冇乜野做，8-day團尾2既一日就係賞鯨同埋預人係番Reykjavík行下。今日我地早餐都唔食就上左旅遊巴去番早幾日既harbour附近上船。

冰島可以睇到既鯨魚品種
由於好大風既關係，其實好多人都係船入面等announcement，不過我地坐左陣就覺得好無聊，決定都係上去食風。


日出既Reykjavík

係船頭霸左個靚位，職員就同大家講如果見到不妨叫出黎，等大家都知道






























































結果吹左成粒鐘風，成身震晒流鼻水，乜9都睇唔到

隻船駛到出去，逗留左陣就回程，結果賞鯨就變左睇日出。奉勸大家唔岩季節就唔好咁大期望，同埋去番Húsavík應該有保證好多

賞完日出之後今日就冇行程了，全日都係番Reykjavík行街食野。上番岸就梗係去食個熱狗先

喵

是靚午就去左食tripadvisor既Reykjavík第一美食，icelandic street food既羊肉湯，盛惠2190 isk，湯就幾好味，但個包就真係唔識欣賞
湯可以refill既，見到有人飲左好多碗，不過我地就覺得偏咸，飲多左碗就走人了

食完lunch，又行番黎呢度

今次終於入得去參觀，上頂就要比1000 isk，一場入到黎就比埋啦

上到黎就可以望晒成個Reykjavík既景色，好天黎到不妨比錢上黎睇下，始終冰島建築物好矮，上到黎好開揚，可以睇到晒成個Reykjavík

離開Hallgrimskirkja之後我地都係附近行下，買左d手信同postcard，冇影太多相。由於當晚有波睇既關係，我地去kronan買埋晚餐，好早就番酒店準備睇波。
(p.s. 其實行行下時間都過得好快，番到酒店都已經天黑 )

是靚晚係原隻燒雞，買既時候係熱既，拎番酒店即食，爽死

DAY 10完

DAY 11:
今日係8 day tour既last一日，由於聽日搭早機既關係，心態上都係我地係冰島既最後一日。早餐食番琴晚食剩既杯意粉同ravioli，然後執好晒行李寄存係酒店，就搭旅遊巴去Reykjavík既轉車站去blue lagoon。

相信唔洗多介紹，blue lagoon係每位遊客去冰島必到既地方，連未黎過冰島既人都會聽過。由於blue lagoon好近機場，好多人都會選擇落機後/上機前黎blue lagoon

又落雨

blue lagoon真係好多人既地方，入場都排晒大隊。呢度既門票分comfort，premium，retreat spa三種。
comfort (5990isk): 入場，mask，1 drink，毛巾
premium (8990isk): comfort + additional mask + 拖鞋 + 浴袍 + 場內餐廳既訂座(送1杯sparkling wine)
spa (49000 isk): 基本上就係spa + private changing suite + Retreat Lagoon
我地個package包左comfort，可以加錢升級不過我地都冇咁做。入場既時候都係show個barcode比職員，佢就會比條手帶毛巾你入場，雖然當時排晒隊，但個職員都照同我地傾計，又問下香港咩情況，傾完仲私人送多兩條手帶比我地，每人多一杯free drinks
嗱嗱聲換左泳褲沖左身就出去昅女



可惜又係唔好天
不過天氣凍凍地，浸住溫泉真係幾爽

浸到興合合就拎杯啤酒降下溫先

呢度就係拎mask既地方，撻晒d泥上面過一陣浸落水就得

推薦呢杯野


夠晒皮差唔多走先開始好天

上左水沖完身之後就去cafe買d野食

已經咁好天


臨走前係出面行多個圈，然後上旅遊巴番酒店。
由於今日已經係8日團last一日，但我地聽朝先走，所以我地自己book多左晚酒店，番到去Reykjavík就搬酒店check in先，跟著大家一路睇下電視一路寫埋postcard準備一陣出去寄埋。



上網搵左郵筒係Hallgrimskirkja附近，又去多左次
4刷Hallgrimskirkja 不過夜晚都幾靚

距離聖誕仲有個幾月，周圍已經開始有佈置，外國人真係好重視聖誕

係冰島既最後的晚餐黎左呢間食鐵pan烤魚既Messinn，呢間真係強推，魚好嫩sauce又好味
呢餐食左5790 isk，晚餐黎講唔算貴。雖然等左一陣先入得，但真係值得
食完呢餐大家都好滿足，本身大家諗住再去番之前間bar飲野，但岩岩食飯已經飲左，加上大家諗起飲完要行半個鐘番酒店，都係收皮算
最後就番酒店睇下電視食下零食算。

DAY 11完