[多圖][不定期更新] 十二日非自駕冰島遊記

等你出呀

起碼冬夏都去一次先至圓滿

DAY 6完先岩

屌，我懷疑我都係住呢間酒店

其實你係咪我個仆街fd

我諗報團佢地安排d酒店都係咁上下

好耐無見
唔係睇左你個遊記都唔會下定決心去冰島

今年2月中去完留名

好似好天會更顯藍，但你咁好天都唔藍既

幾時有更新

DAY 7:

早餐又係呢d，好厭
是日行程係由Höfn出發番southcoast一帶既景點，最後就會番去Reykjavík間酒店過夜。

由Höfn出發番south coast一帶大概都要兩個幾鐘，所以第一站就黎到Svartifoss附近既Hofskirkja參觀，並且稍事休息。Hofskirkja係冰島六間turf church之一，亦係最後一間建成既turf church。教堂頂部舖滿草，令整間教堂好似融入左係環境入面。可惜天未光而且行程緊逼，去唔到著名既Svartifoss打卡

沿住ring road番southcoast，15分鐘後就黎到Skeiðará Bridge Monument(張凳究竟起黎做乜?)。Skeiðará Bridge曾經係ring road既一部份，不過係1996年既一次火山爆發導致冰川融化，大量洪水以及巨大既冰塊沖左落Skeiðará Bridge一帶，Skeiðará Bridge亦不幸被撞毀。其後，ring road已經重新接駁，但Skeiðará Bridge就被棄用，時至今日，Skeiðará Bridge已經成為遺址，用黎紀錄低大自然既威力。
p.s. ring road係冰島既一條環島公路，可以圍繞冰島行一個圈。

btw，我地架車

大約一個鐘頭之後，終於番到黎south coast附近，見到草地真係好難得 黎過既都應該一眼認得出呢度

就係Fjaðrárgljúfur 羽毛峽谷
Fjaðrárgljúfur既形成據聞可以追溯番去冰河時期，雖然歷史悠久，但Fjaðrárgljúfur成為旅遊熱點就只係近年既事，原因就係因為justin bieber既一個mv係度取景，我自己都係因為隻歌而認識呢度。不過因為近年太多遊客黎，對呢一帶既環境都造成左好大既破壞。

冬季既Fjaðrárgljúfur好似係會封閉既，我地去既時候就只係封左inner part，不過可以去到幾入我都唔知。不過黎既時候記得遵守規則，唔好踩入草地呀
睇完Fjaðrárgljúfur之後開始落雨，我地就去番vik鎮度食lunch先

是靚午係pasta，味道幾好不過份量偏少。食完就係shopping centre行左陣，除左postcard都係冇收穫的。跟住就梗係去附近既黑沙灘啦

Reynisfjara Beach

冰島既黑沙灘真係好出名，除左出名靚之外仲出名凶險，有幾凶險
睇下相就知，有幾下d海水仲沖左上黎我影相個位置，搞到我成腳濕晒

嚇到靚女團友走人，佢個fd仲食晒泥

呢個灘既右面就係Dyrhólaey

係度奉勸大家去冰島既黑沙灘一定要小心，特別天氣唔好既時候，呢度每一個浪都唔同，有d可能冇威力，但有d就可以沖到好埋。每年都有遊客去黑沙灘玩既時候比浪捲出海喪失性命，咁既浪，真係我望到你都救你唔到。不幸既事件都發生左係我地身上，相信我仆街fd係走避其中一個浪既時候，保得住左部相機，但係跌左部電話，發現既時候係附近搵過晒都冇，應該都葬身左係汪洋大海喇
樂觀d諗，好過冇左部相機冇晒咁多日既相呀

沿ring road行30分鐘就黎到Skógafoss，就係著名既彩虹瀑布，相信都唔洗多介紹，冰島最出名既瀑布，據聞好天既時候有95%機會可以睇到彩虹。偏偏我地係落雨天黎

每個旅行都總有d遺憾或者有野係miss左，唔緊要啦下次再黎

下一站mika帶左我地黎左廿分鐘車程外既Árjánurfoss，呢條係一條唔出名既瀑布，好少人會黎Árjánurfoss，網絡上亦都好少人談論呢條瀑布，不過mika話呢條瀑布雖然唔及其他咁雄偉壯觀，但係就十分有小橋流水既味道，而且呢Árjánurfoss既水十分清澈，可以就咁飲用。

真係幾好飲，自己本身腸胃都唔好，但飲左成支都冇肚痛

天開始入黑了，我地影完相就繼續出發

Gljúfrabúi係距離Árjánurfoss 10分鐘車程既一條秘密瀑布，隱藏係小山洞入面，需要涉水入去

由於天黑，入面好黑d水反彈晒上黎好濕，盡左力
不過係靚既，d水好似直接落你身邊咁
天都差唔多黑齊，影完相要即刻趕去隔離既Seljalandsfoss了

Seljalandsfoss係southcoast係一條同Skógafoss齊名既瀑布，特色係瀑布後面，懸崖底部有一條比人穿過的小徑，可以係瀑布後面影番轉頭
可惜當時已經天黑，又睇唔到日落，如果唔係景色一定仲靚。唔緊要啦，下次再黎
Seljalandsfoss已經係呢個2日團最後一個景點，之後我地大概搭左個半鐘車番到Reykjavík，由於好攰煮左麵食就算

DAY 7完

呢排多野做 出得慢左

好掛住冰島
上年年頭去，有幸睇到幾次極光乜都抵返
係中間打風skip咗啲行程

有生之年會去多次

好天真係好靚

推

仆街frd真係

天氣好真係差好遠

去冰島最緊要全身外露既野都要防水
著個d香港好常見既米芝蓮羽絨會收硬皮一定會後悔

我上年十月都去左14日冰島，不過我就環島遊，14日入面經歷晒春夏秋冬，真係好難忘

想問入境iceland , BNO 係咪當British National安排

有冇人同我一樣覺得仆街fd係主角

我上次2月去 周圍都係雪 只有黑同白
睇完你啲相plan下次10,11月去環島先 好似秋冬去風景仲靚