[多圖][不定期更新] 十二日非自駕冰島遊記

我估出煙唔結冰果個係咁

不凍港是冬季不會結冰，船舶能正常進出的港口，尤指高緯度地區（如俄羅斯、北歐、加拿大、阿拉斯加等）冬季不結冰的港口。從地理學角度看，高緯度地區的不凍港主要受制於這樣幾個因素：暖性洋流流經港口海域；海水的鹽度及港口附近有無河流注入，一般有河流注入的港口，海水鹽度被河水沖淡，容易結冰；港口海域水體對太陽熱能的儲存能力。典型例子有俄羅斯摩爾曼斯克州首府摩爾曼斯克港及格陵蘭城鎮西西繆特，位於北極圈內，由於受暖洋流影響，是典型的高緯終年不凍港。

今日有冇文

年頭去咗冰島+芬蘭 但係全程天氣都唔好又多雲 睇唔到極光好失望
但係好鐘意冰島 好想再去

好羨慕你肉眼都睇到極光

聽日先

其實聽親有人去完冰島都係話好想再去
如果自駕自由度高 大機會d睇到既

真呀
我未返嚟就plan下次幾時再去

咁誇，我諗住去晒其他地方先再翻兜

Day 5:

是靚早又係呢d，日日紅肉搞唔掂，食下粟米片。食完就出發去騎冰島馬。今日既行程係一個one day tour，大概係騎冰島馬+golden circle。我地個8日團包左一項特別既活動，default係sightseeing bus tour 其他就要加錢，由平至貴分別係horse riding，snowmobile，snorkeling。我地就揀左騎冰島馬

去到個騎術中心就嗱嗱聲換衫，等埋其他人既期間就撚下馬先。冰島係一個禁止馬匹入口既國家，所以冰島馬係國內唯一既品種。冰島馬有五種步態，好似係世界上唯一有五種步態既馬品種，所以係世界上享負勝名。

之後就出去集合，instructor會問下你有冇騎馬經驗，再根據你體型揀馬比你，然後就教你上馬。


聽係冇用既，要試先識，我地好快就上左馬等埋其他團友
instructor係上馬前同上馬後都有教大家基本上係點操縱住隻馬，包括點樣令佢行，加速，減速，轉彎，停止。可能冰島馬好溫馴既關係，即使我地第一次騎馬都覺得唔難玩。
我地呢group大部份人都冇騎馬經驗，有都係得三兩次，其實相信大部份都係咁上下。果個時間好旺場，我地騎緊馬係路上見到有2 group人，最後番到又見到有group準備出發。騎馬團每group大概有十幾人，由2個instructor帶領，一個最前做leader，一個最後睇番住我地，成個路線大概係圍住個騎術中心行一個好大既圈。一開始instructor就會lead住我地慢慢行，沿途介紹下冰島同附近既風景，原來Reykjavík係拆開做Reykja+vík，Reykja解蒸氣，vík解城鎮，Reykjavík名字既由來就係咁解。一邊騎馬一邊睇風景，感覺真係十分外國鄉村
慢慢instructor就會叫你加速一段，當大家都掌握到既時候，成個速度就加快左，變成輕快咁走，然後慢跑一段，好似做interval咁

騎左大約45分鐘，去到一個好空曠既位置，instructor就話係度休息影相，佢地就落晒馬，好耐心咁幫晒我地影相，見到我地d褲騎到反起身又會過黎幫我地拉番低，冰島人真係好好
本身我以為影相姐係最後，會沿路番去，點知原來先係行左一半。過左一陣之後我地再出發，成個路程相信大概係一個圓圈咁行埋另一半番去。之後呢半大家都掌握左，節奏快左，途中有條河，雖然浸左隻馬半身，但佢好乖自己識行過河。最後大概應該用左30分鐘左右就番到騎術中心。

鎖好隻馬之後，工作人員就安排我地換番衫去食lunch，又係呢d野
成個騎馬體驗好安全，仲要好穩陣，冇人墮馬冇人發生意外，仆街fd都冇仆街，我地果group人有個小朋友大概得10歲都玩得好開心，推薦大家有機會一定要試下

食完之後，騎術中心既人就車我地去一個pickup point度接駁番golden circle個大團，去到仲要陪我地等埋旅遊巴黎先走，所以話冰島人真係好好
不過呢個golden circle團真係好多人，坐滿一架旅遊巴，個導遊係個老女人全程用把死老豆聲+flat tone介紹，結果我地全程冇聽過佢講野。

第一站黎到Þingvellir國家公園，Þingvellir位於北美版塊同歐亞版塊中間，世界上最早的國會會議都係呢度舉行，所以Þingvellir都有議會場地既意思。

呢條步道就係兩塊版塊既裂縫，途中有好多觀景台，全冰島最大既天然湖Þingvallavatn就係隔離。著名既浮潛點Silfra亦都係呢度附近，所以如果係Silfra玩浮潛就係係兩塊版塊中間遊水。如果沿步道行就去到附近最出名既瀑布Öxarárfoss，不過時間關係我地就冇入去了。最後係附近影多陣相就番去集合。



大概50分鐘後就黎到geysir，geysir係世界最著名既間歇泉之一，呢一帶有大約50個間歇泉，呢度亦係最早被記載既間歇泉strokkur既所在地。英文geyser既由來就係原自geysir。

litli以前係number 1既泉，但依家出名在唔噴，相傳係以前既人趁國慶想佢噴得高d，倒左幾噸肥皂粉入去，搞到佢唔噴


Strokkur就係依家最出名既間歇泉，佢噴最高果下我地影唔到相，之後等極都等唔到佢噴番咁高

呢度硫磺味好勁，仲要落住雨，夠鐘前急急腳去shopping centre睇陣算，都係冇乜特別，痾埋個尿就去下一個景點

10分鐘車程就到是日行程重點，Gullfoss 黃金瀑布，冰島最著名瀑布之一，冰島最大的斷層瀑布，黃金瀑布的得名係因為當陽光照射係瀑布上，水面會反著金光，好似黃金咁，所以被人稱為黃金瀑布。不過今日岩岩落完雨冇太陽

Gullfoss有個細停車場，附近都有個位比人影相。
是日天氣一直都陰陰沉沉，係geysir仲落住細雨，最後黎到gullfoss開始好天，雖然冇彩虹但仲好過落住雨
不過係度建議大家如果報golden circle揀d冇咁急既團，個人覺得一個下午睇晒3個景點好急。可以揀d全日golden circle既團，去多附近既一兩個景點會好好多。


係gullfoss番酒店大概要個半鐘，我地擺低d行裝之後就去左附近既domino's pizza買外賣番酒店送電視，想講呢間野真係好食過香港果堆外賣pizza好多，完全唔同level
最後以Ísey Skyr乳酪做甜品作結，爽

DAY 5 完

好正

iphone11影d相都幾清

強貼！推！

騎馬好吸引
愈睇愈想去

隻馬好Q

留名g持

仆街fd都冇仆街

留名

睇完好想寫返，去過d地方同食d野都一撚樣
btw我覺得雞翼好撚難食

景靚點都靚
不過係11pro

普普通通啦 不過真係好細隻
想睇你d靚相

平反下。
其實冇想像中咁高，如果你做慣窮學生會去超supermarket買三文治、沙律果啲嘢食，或者開火煮，其實冰島物價一啲都唔貴。好似間supermarket叫bonus？我仲記得啲三文魚三文治平到仆街又好食到仆街最後我帶過去嘅糧食都無食晒。
交通方面如果你識渣車咁都唔算貴，tour真心係貴但冰島啲tour相比其他國家之下真心高質，無論係導遊定係教練，個個都好專業好nice會肯同你吹水。
住宿方面我唔太記得，但應該都真係偏貴，但都未到天價咁，都仲有hostel救濟窮人。

可能同英國一樣大家覺得物價高係因為係餐廳食飯真係好貴（無係冰島食過餐廳靠估），不過要窮遊都真係唔難（相比起其他國家）。

Ísey Skyr乳酪真係好好食佢已經升華到唔係其他乳酪可以到達到嘅層次
浮潛其實好正，啲水好清好好飲水下風景好靚，係上岸果下凍到傻之外浮潛真係好值得去。

冰島唔係餐餐出街食餐廳，其實都唔係好貴
我覺得冰島有個特點係佢大部份景點都係自出自入，無任何入場費，你自己揸車既話其實除左食同住都無乜駛費

睇到你去冰島 又諗返起之前去冰島啲回憶😭 我都想冬天去一次