[多圖][不定期更新] 十二日非自駕冰島遊記

我exchange時歐洲出發，窮遊6日，4日跟day tour，大概7k
一定會再去，但30k好貴

沖涼水係咪有臭蛋味？

好靚呀極光。。。
上次去 肉眼其實唔係好睇到 但又冇相機影

住左咁多晚好似有一間酒店有

白去了

冰島本身睇極光就難d啦，天氣咁閪
為極光去芬蘭個d比較好
冰島我會覺得個心態係睇其他景點順便睇極光會好d

DAY 3:

今日其實冇行程，因為下午要搭番內陸機番去Reykjavík ，加上頭兩日都chur足，今日我地訓晏d先起身。執好晒行李之後我地就煮早餐食，是靚早係營多+金寶湯+熱啡。




食完早餐之後我地就行落去akureyri既中心行下街，今日好好天點影都咁靚。
不過咁凍真係有人會坐呢張凳睇風景咩

日頭既教堂




戲院

Akureyri 既文化+議會中心

穿過centre就係海邊，可以出去睇鯨魚

有冇人解釋到點解一邊結冰另一邊就出晒煙

心型紅綠燈應該係呢個城市最出名既野，當年歐債危機，冰島財政低迷，akureyri 為左鼓勵國民就將紅燈轉做心形。鼓勵既作用有幾大就唔知，不過心型紅綠燈就變成左akureyri既特色，梗係要影番幾張相先啦


Akureyri市其實唔多野行，都係幾間手信店，好快就行完。我自己就係66° North outlet買左件衫，見到冰島個個都著呢個牌子，自己都買番件 同埋係間影相舖買左個手機腳架，本身覺得5990 isk買個腳架真係好貴，明明出旺角幾草野買到，但係之後追極光全靠呢個腳架影相，即刻抵番晒。
買完野就入左呢間幾出名既bautinn食個lunch。

呢味野叫Taste of akureyri，有5款特別野比人試下，印象中有鯨魚，有個唔知乜腸，總之就唔好食，試下就算 勿認真。

Salmon，配d蕃薯同埋沙律

Lamb chop，都
三樣野加埋盛惠10770 isk，貴唔貴就睇你點睇。

食完我地就行番上hostel call的士去機場，點知個app搵唔到的士，應該係呢度太小鎮，咁我地唯有好on9地拖埋晒d行李行多次番落黎搵的士，好彩預早左

雖然只係逗留左兩三日，但我地都好鍾意呢個小鎮，好寧靜好適合人居住，黎冰島玩有時間真係推介黎akureyri

打完day3出唔晒要斬半

DAY 3 續

坐左40分鐘飛機就番到Reykjavik 既RKV機場，開始天黑，冇車既我地就梗係又搭的士番酒店，又盛惠1275 isk。呢晚酒店只係住一晚，d水臭臭地，間房原來仲要冇窗，不過印象中十分平仲包早餐所以都冇要求太多，我地gip都冇執hea左陣就出去夜遊Reykjavík。

我地沿海行，第一個景點就係the sun voyager，唔好問我乜9黎，藝術既野我都唔識。有興趣就自己google下

Reykjavík 既光污染好嚴重，係市中心都好難睇到極光。呢道光係來自imagine peace tower，係yoko為左紀念丈夫John Lennon而設，每年特定時間會開燈。

沿海行一陣就到另一個Reykjavík 既著名景點Harpa。Harpa係一個音樂廳，當然都會搞唔同既event，佢既建築風格好特別，夜晚仲會著燈變色，雖然我地唔識藝術，不過視覺上都好大享受

再行入d就已經係購物既地方，冇乜特別都係多車多人，始終呢度係首都，繁華熱鬧都十分正常。

是靚晚就係呢間好出名既餐廳Sægreifinn，名物係龍蝦湯同串燒，有個靚人妻主持既電視節目都有介紹過。

好多香港人黎喎


飲慣m記龍蝦湯既我以為自己嚇親，點解咁唔同 同想像中有d出入，龍蝦味其實唔算濃烈，龍蝦唔多都稱唔上為爽口彈牙。串燒好似叫左蝦，cod，redfish，又係中至中上貨色，食落覺得唔算新鮮。整體黎講呢間都係中至中上，唔知係我地唔好彩定點，不過個人覺得試一次就足夠了。For大家information，呢餐盛惠8330 isk。

食完野就向harbour區域行，附近好多野都收晒舖，我地冇乜野做又唔想番酒店就是但揀左間bar入去飲杯野。我地坐左係bar台位，友人試當地既whisky，我就試下當地既手工啤，圖中呢個光頭星好好人，介紹晒比我地邊隻有咩特別。飲飲下佢仲同我地傾計，原來佢係格魯吉亞人，係佢口中得知好多係冰島做野既人都唔係本地人，冰島旅遊業發展得好好，係度賺到多d錢，環境又好所以選擇離鄉別井過黎做野，佢自己都唔例外。不過佢都承認冰島真係一個好好既國家，佢自己都生活得好開心。另一方面，佢都有留意香港發生緊既事，每日都上晒國際新聞，大家再傾左好多話題直到佢地收舖，最後大家揸個手攬下先走。雖然素未謀面，但大家都傾得好開心，如果語言溝通到奉勸大家去旅行既時候多d同人溝通，個感覺真係更融入當地

飲飽之後就行番酒店，距離要行半個鐘，途中經過聞名世界既熱狗店，半夜都仲有人排隊就試下你有幾好食。結果真係好好食，個熱狗加左生洋蔥炸洋蔥，sauce又好食，難怪克林頓都大讚

飲飽之後食醉埋就行番酒店，最後奉勸大家唔好bk呢間酒店

DAY 3 完

Exactly，景點主要 極光次要，不過天氣好都睇到既

完全同意，去得冰島就咪諗住捕極光，加上近年極光指數係低潮，好好欣賞佢嘅自然美景好過啦

想問你係join左邊個團

點會呢
其實冰島都有個賣點係全國都係極光帶
就算Reykjavik都睇到
運氣問題, 行出碼頭就睇到啦, 團都唔駛JOIN

自然美好正好靚

連極光團個導遊都話難，你竟然睇到

你意思邊個團？

留名 上年單機去玩咗一星期

咩季節去？

極光帶還極光帶
夏天去已經睇唔到
有地利冇天時就收皮

夏天睇唔到唔係好正常咩

夏天睇唔到
多雲睇唔到
KP index太低睇唔到
唔好講到求其出門都睇到
可能有人會被誤導

咪講左係運氣
我咪講好彩既Reykjavik都睇到

DAY 4:

今日既行程其實係冇行程。是靚早係酒店自助早餐，果陣覺得都唔差，但之後日日都係食呢d就覺得好厭。由於今日就係8日團既開始，我地食完早餐就checkout轉去package包左既酒店，拖住gip步行唔洗10分鐘就到，不過就再離中心地帶遠多少少。去到未夠鐘checkin，我地就先寄存行李係酒店，晏d再番黎checkin。

8日團既首日其實都係廢既，因為行程預你今日到達冰島，建議你去blue lagoon再出Reykjavík行行就一日，搭完飛機安排得相對輕鬆。不過其實對我地黎講我地已經係第4日，所以變相free左一日行Reykjavík。搞完酒店d野之後，我地就行下Reykjavík中心地帶既商店街先，呢間舖頭就係賣冰島既手工野，電視節目都有講過，貨品好靚好高質但係大部分都係女仔野，而且唔平，所以睇完就算。

街景


行下行下又黎番海邊 咁順便行下日頭既一帶

又係沿海邊行過黎，純粹睇下日頭既Harpa之後就向harbour區行

flea market不過今日冇開



附近有一堆museum，不過我地冇入

冰島有好多出名既雪糕店，我地就試左呢間valdis，自己揀左兩球cone oreo+snicker，700 isk，好味

harbour區係outlet同exibition既集中地，連kronan bonus等超市都有係度開大舖，我地行左陣只係買左少少零食，冇乜收穫。

行入少少就係omnom既舖頭。omnom朱古力係冰島最出名既手信，有好多唔同款式包裝，遊客仲可以係上網申請體驗自製朱古力，然後黎呢度體驗。不過我自己就唔食朱古力，所以都係黎呢度買朱古力做手信算，另一個特別既地方係即使呢間係總店都唔齊款，亦唔一定係最平，有d款係bonus有賣仲要平d，有d特別版就要係某d地方先有得賣。由於有3款特別版得Harpa有賣，我地係度出完血之後又去番Harpa

行行下大家都有d肚餓，係google篤左間4.7分既漢堡包點入去食，呢個餐汽水任飲盛惠1990 isk。每張台上面都放左一樽調味粉，店員叫我地落多d去薯條度，真係好好味屌打m記shake shake粉

食完繼續行，冰島coast guard

買完朱古力，順手係Harpa入面參觀下，之後就向Tjörnin行


Tjörnin係湖既意思，呢度都係Reykjavík市內一個著名景點，Reykjavík市政廳就係附近，好多遊客會買埋麵包黎餵雀，有得食梗係有得痾，所以呢度都好多雀屎

呢個美國女仔就係專程黎餵雀，傾左兩句佢仲叫我地幫佢拍片餵雀

係度逗留左好耐先走，除左d雀屎環境真係幾舒服

向番Hallgrimskirkja教堂行，發現花式自拍位

再次黎到，再次唔入得，嬲嬲地走人算

開始天黑，係附近行下街算，買下postcard睇下手信時間好快過

冰島公廁長這樣，友人試左話幾臭

天黑之後我地就番酒店checkin，間房是是正正算係咁，但係冇得煮野食。但因為帶左既野食仲有淨，之後就同友人落超市買左個兜淥麵食算。

同友人本身想去番之前間bar度飲野，但路程太遠放棄左，最後落樓下counter買左d啤酒薯片睇電視就算。最後不得不提itv既gameshow cash trapped同connections真係好高汁，同友人睇得好開心

DAY 4 完

冰島果隻公廁喺歐洲都見唔少

嗰時年頭去 冬天無咁多嘢玩

推