(超長篇連載遊記) 過去三年，去日本參加AV女優event既甜酸苦辣。

天使張相個樣好似成龍

睇樓主遊記學到野，點解唔繼續旅遊台post去返成人台post ar?

因為仲有少少就完唔想特登開多個po

可能到時去站務台問下可唔可以解鎖1001

Icic，其實我都想學你咁一支公去見識下，但最大問題係去event前攞門票嗰part攪唔掂就放棄唔。就算去到門口知道有女優event時我都飛走左啦所以上次博博去Tre見識下等睇埋你既Tre遊記

同你既睇法相近，所以樓主比左個咁既資料我
https://www.av-event.jp/top/
睇啱又可以 walk in 就下次去馬吧！

我都參考過樓主呢個，但無詳細睇係咪就咁walk in就得而家我怕我年紀大入去唔知點咁

第八章: 兩個台灣成人展 (19年8月)

台灣一直以嚟都係日本AV女優非常鐘意去既地方
除咗因為地理位置近之外，文化、傳統、娛樂，兩個國家都有唔少相似既地方。就算近呢十年韓流興起都好，唔理工作定放假，好多AV女優都依然選擇去台灣。

呢兩年因為日本即將要搞奧運，AV業界好多大型既公開活動都無奈要取消，日本本土既成人展Japan Adult Expo（JAE)，已經連績兩年冇搞過。AV女優同片商少咗個大型場合曝光，唯有搵其他出路。
台灣既成人展，喺過去呢兩三年名氣越嚟越大，越嚟越多有份量既人氣女優參加，喺日本一啲可能本身唔多人留意既女優，嚟到台灣見到會場有咁多人，行出嚟自我介紹之後有咁多人歡呼雀躍，對佢地嚟講都係一支強心針；其次係收入可觀，一線女優喺呢幾日既收入，已經差唔多等於佢地一個月既人工。

唔駛拍片又有錢收，只係過嚟參加三日，又可以提升自己海外名氣，何樂而不為？於是台灣既成人展慢慢成為女優心目中另一個重要既存在。

https://www.youtube.com/watch?v=PRN3Ez2_ePs&t=2s&ab_channel=%E3%81%A4%E3%81%8B%E3%81%A1%E3%82%83%E3%82%93%E3%81%AD%E3%82%8B
（天使喺上年去台灣參加成人展既時候，中間空檔時間拍既vlog，呢條片有中文字幕。)

台灣既成人展主要有兩個，一個叫TAE，另一個叫TRE，每年兩個都係打對台，舉行既日期仲要係一模一樣。
聽講兩邊老細本身都係合作關係，後來因為啲錢銀轇轕，兩邊反目成仇，其中一邊仲要每年都追住另一邊既日期嚟搞，務求要趕盡殺絕。
而每年TRE既女優陣容都比TAE好，TRE既老細喺請女優方面好捨得俾錢，所有大卡士有份量既女優都俾佢地請哂，TAE就得返啲三四線女優，吸引力一年差過一年。

作為AV FANS，我就純悴想去見識下既啫畢竟咁多女優一次過同台，唔係咁容易睇到，順便去了解下兩邊有幾大分別都好
喺8月頭，我終於可以去一次唔駛擔心語言不通既旅行，踏足台灣，去哂兩個成人展見識一下

兩邊既成人展都係2/8-4/8，total三日既展期，我既planning係第一日去TAE，第二第三日就係去TRE。
畢竟TRE陣容真係好太多，再加上最後一日TRE會拍賣女優既人型立牌，係最熱鬧既一日，所以撥多一日時間過去。

TAE既場地就喺台北世貿三館，差唔多喺正台北市中心，交通好方便，搭地鐵就去到。




喺張廣告牌都見到，TAE呢邊主力就係呢4個當時SOD既專屬女優，本庄鈴、七海ティナ、戸田真琴、同埋小泉ひなた。
其餘女優真係小眾得好緊要，我諗大家識既應該得澁谷果歩。


(TAE仲有請男優去，一陣都會提到。)

出發前我報咗一場TAE戸田真琴既攝影會，1800台幣，齋影相冇合照冇握手冇簽名性價比極低，不過本住不妨一試既心態，就當去俾錢試下同日本既event有冇咩分別。
點知check email既時候發現，原來佢取消咗我個order，仲要冇退錢。



即時去TAE個FB Page搵Admin問清楚，佢又同我講冇事，個order正常
OKOK咁你話正常就得唔好一陣要我白行一趟



(同埋勁on9，係冇一個活動詳情email俾返我睇，幾時去報到之類既資訊係完全冇。)

TAE既會場唔係好大，全部攤位大慨15分鐘左右就行哂，人流比我想像中仲要疏落，個主舞台仲要好細好細，中學個講台都大過佢。
俾啲攤位相大家望下。








而咁多個攤位最多人係邊個呢？答案係男優既攤位
男優一徹喺日本好受啲大媽歡迎，本身男優喺日本既event都唔多，今次難得有活動，班日本大媽搭飛機嚟都在所不惜。


(仲有拍賣活動，一徹條手巾仔好似最後叫價叫到幾千蚊成交)

講返戸田真琴個攝影會，本身講好每人夾埋有Total 6分鐘既攝影時間，女優會換兩套衫；但因為schedule問題，戸田之後要趕去main stage出活動，結果cut到得返3分鐘，同埋只係得一套衫。
成個流程cut咗一半，又冇主動回水，當下一聽到真係火都嚟埋，安排極混亂。

戸田嗰日喉嚨唔舒服，唔係好講到野，工作人員見時間緊逼，一出嚟介紹完就打算開始影相，但戸田stop住佢，唔舒服都照用日文講咗幾句多謝大家今日嚟，非常敬業。
佢同飛鳥好fd，影完相之後既空檔我特登同佢講我係飛鳥FANS，佢同我講佢都係仲特登過嚟主動握我手
唉我都好想同你傾下計

心情唔好，影相都差啲，大家將就下


(中途仲要壞相機，拿拿淋換部iPhone出嚟影。
日本啲event現場有set好哂燈，呢邊乜都冇，現場又偏暗，影出嚟效果真係好差。)

貼錢買難受，一肚氣，出去個main stage睇埋個活動。
活動就係四個主力女優同觀眾玩遊戲，贏咗可以得到女優即場除出嚟既底褲。
唔駛FF喇，肯定唔會係貼身嗰條啦

出多幾張戸田






睇完出返嚟真係一肚氣，對TAE印象好差，真係永不錄用
夜晚約咗台灣網友出嚟食飯，帶咗我去艋舺夜市食滷肉飯。
沖完涼早啲訓，準備第二日一早去睇TRE。

第二日一早6點左右起身出發，因為想早啲入場霸到TRE舞台頭幾排影相，所以唯有早啲出發去排隊。



同大家大慨講一講TRE呢邊既玩法，TRE有金咭女優、銀咭女優既分別，如果你想近距離見到女優，仲需要買呢啲金咭銀咭，先至有見面既機會。

金咭就係一班一線既女優，包括三上、高橋、天使、相沢呢啲，而就算買到金咭都好，都仲要一早排定隊入去book時間。
如果你當日想book既金咭女優見面時間人數已經爆咗，你就只可以book其他仲有位既金咭女優，張金咭亦都只限當日使用，唔能夠用喺其他日子。Book時間亦都只可以喺現場進行，冇網上預約。
金咭女優既見面時間只有幾分鐘，現場有翻譯，循例都係入去見面傾幾句，簽個名握下手影張合照，之後就會趕你走


(19年既金咭陣容)

銀咭包括既女優就差少少，有明里、山岸、河南実里等等等等。而且玩法都有唔同，大慨二十位既銀咭女優會分成幾組，例如你想見既明里喺A組，你就可以book A組既時間，但係A組出現俾你既女優會係隨機，直到你入去打開個布簾先至會知自己中唔中到想見既女優。

有啲似碰運氣既形式，呢個玩法有好有唔好，好處係唔會令到預約人數偏埋一邊，一啲三四線既女優都唔會因為冇人book而喺度齋坐，而另一啲人氣高既女優就做到踢哂腳；在於FANS嚟講，呢個玩法最大缺點莫過於打開個布簾嗰刻，先發現唔係自己想見既女優，到時真係唔知嬲好定笑好。
所以呢個銀咭玩法一直都為人詬病，聽過每年都有啲case係個FANS入到去見到唔係想見既女優之後，簽完名影完合照出門口即刻將所有野扔落地下，而個女優係望到哂成個過程，結果之後全程黑面

在於主辦既角度，就當然覺得銀咭咁樣安排係最公平同有效，但就唔係每個女優同FANS都鐘意咁樣既安排


(19年銀咭最出名就係呢5個)

返番嚟TRE現場，我本身想買金咭見園田美櫻，但開賣嗰日頭五分鐘已經俾人掃哂，銀咭呢種運氣成份居多既玩法我又唔鐘意，最後都係決定淨係入場睇就算。
本身園田美櫻都係金咭女優其中一員，但因病倦勤，之後仲引退埋以後就算想見都見唔到

去到會場嗰時己經見到一條長長既人龍，喺出面烈日當空曝曬咗兩個鐘，10點先開始俾人入。





時間尚早既關係，入場人數都唔算好多，同埋大部份都去咗book金咭女優，又或者去咗舞台前面stand by影相，我趁人少少周圍行下
TRE呢邊同TAE一樣都有唔少攤位，除咗上面提過既金咭銀咭女優，亦都有啲女優係長期喺攤位入面，買夠指定金額就可以見面合照，都係啲有錢就係大爺既模式。
而且TRE呢邊會場比較大，燈光冷氣又充足，行起上嚟都比TAE舒服。

俾大家睇下現場相。


(好似呢邊咁，買夠指定金額就有女優同你洗面。)

終於正式開場喇主持都係往年呢兩位，男主持識得搞下氣氛之餘亦都唔會開黃腔講咸濕笑話，印象幾好



開幕禮每一日都會有，所有參加既女優都會逐個上台介紹自己同大家打個招呼，基本上都係用國語講「大家好！我係XXX！」，台下班台仔已經開心到濕哂。

女優比較多，我就唔逐一介紹，大家可以睇返個名牌嚟認人。







壓軸出場就係幾位金咭女優
天使同相沢專登要搵三上隔開



(高橋呢日唔舒服，冇出席個開幕禮。
同埋介紹天使出場嗰時，主持叫錯咗相沢個名好彩佢地兩個應該都聽唔明)

Total 差唔多40個女優一字排開，畫面係超震撼。
呢個同台陣容真係日本都做唔到

之後就係每位出嚟自我介紹

銀咭女優完咗就到金咭












最後最後壓軸，明日花キララ
花姐一早講明唔會同其他女優同台出場，攤位活動都要獨立分開搞，要突顯嗰個級數既分別。
而且花姐亦都係咁多個出席女優裏面，酬金最高既一個。


(上咗神枱係唔同啲既，好多女優都係以佢為目標。)

開幕禮完咗之後，人流亦都開始多，因為下晝我另外有地方去，所以都唔打算逗留太耐。
今次又係有巴打同行，佢話橋本過一陣會喺攤位嗰邊出現，於是就過去睇下。


(真人對腳真係好鬼長)

之後再逛多一次個場，攤位女優都有出嚟幫手叫賣，呢邊有小倉由菜。





另一邊箱，椎名そら就同自己班FANS喺度自己玩。





個會場嗰刻真係好多人於是都係走人先

下晝就約咗台灣網友，去拜訪台北既正版AV鋪

簡單介紹一下，呢間係日本IPPA正式授權既台灣AV碟鋪，佢地攞到片源之後，自己燒碟同壓制，所以雖然望落似翻版碟，但其實都係正版貨嚟。
而且，佢地亦都提供幫客人訂日版AV碟既服務，價錢比起喺日本當地買仲要平。



嗰日同老闆傾咗好多野，老闆亦都有問如果喺香港開呢類AV鋪，會有咩難處同條件，我都同老闆交流咗啲意見同睇法。
雖然都好想香港可以有一間類似咁樣既正版授權AV鋪，不過而家咁既環境，賣AV都可能會話你勾結外國勢力犯咗國安法所以我既睇法都係非常唔樂觀

大家有興趣都可以follow呢間鋪頭既FB，去開台北既話都可以去見識下。

https://www.facebook.com/Tokyo-X-%E6%AD%A3%E7%89%88-X-Hot-108858490520390

以下相片都經老闆同意之下拍攝。


(因為節省成本，所以製作都好簡單。)


(有哂授權貼紙。)



(價錢超平，仲平過買翻版)

之後第三日既相比較多，我整理下聽日或者後日先出埋佢

對比埋佢出道個樣
丁齡耐既應該丁唔出

bro你見証到相澤攞大獎既一刻，太有意義

佢d英文勁好J ，雖然唔算太迷佢，但當時佢跑出好勵志

"有情有義"

成人展其實就算淨係入場睇都OK，當入去開下眼界都唔錯

至於見女優又或者同女優合照，我就prefer去返日本啲event，個性價比比較高。