(超長篇連載遊記) 過去三年，去日本參加AV女優event既甜酸苦辣。

好睇，幾時再出文

好想去食王桑推薦個沾麵

睇下今晚有冇冇就儘量聽晚出

開始第三章之前，都係同大家講一講中間幾個月既事等大家睇得冇咁dry

---

2月嗰陣有一個飛鳥同戶田真琴一齊既event，之前兩個一齊拍既節目出碟，順勢推個event谷一谷啲銷量。
呢類event嚴格嚟講都唔係好關AV事只係佢地兩個去玩既節目，好似啲旅遊節目咁，內容超級健康

預告片係咁既:
https://www.youtube.com/watch?v=faaqvoUf90A

當時因為攞唔到假，所以無奈放棄，但係就拜託咗當時有過去參加其他女優event既巴打幫手買碟同攞劵。
冇得去要張券嚟做乜？除咗攞嚟幫手谷下參加人數之外，仲有就係po上Twitter呃like
海外FANS追女優有時就係咁無奈，望住個event又冇得去，唯有幫手買隻碟叫做支持下。


(隻碟幾抵買，每隻都跟一張簽名即影即有，仲要係Blu-ray嚟。)

睇返飛鳥Twitter啲舊相，發現佢原來係布甸狗FANS嚟，之前一週年既event仲cosplay過。

嗰時己經被金拱門收購咗既老麥，就出咗套布甸狗既新年公仔，當時已經唔想食咁多老麥，就平平地上網收咗成set返嚟，諗住下次去event可以送，唔駛每次諗送咩都諗到頭爆。



(事後發現要將最大嗰個塞入個喼都唔係咁易，都係細細個既毛公仔最好。)

第三章: 喺Starbuck樓上搞既AV Event

4月18號，葵司喺澀谷既TSUTAYA有一個Event。



澀谷TSUTAYA係澀谷既地標，一出火車站，過咗個大十字路口就係，一望上去就係一間整哂落地大玻璃既Starbuck，樓上幾層就係賣野。
而TSUTAYA本身係賣書、CD DVD居多，都有少少賣潮流產品，亦都有AV賣，但就冇普通AV碟鋪咁多。成間野感覺就好似HMV咁，佢地目標都係年青客群，
同柏青哥鋪一樣，佢地都會間唔中請啲明星藝人落去搞下見面會，搞旺下個場吸下人氣。不過由於店鋪形象關係，佢地搞既event尺度都唔會好大，唔好話水著，連露肉露得多既cosplay都唔會俾你著。

咁著咩呢？答案係佢地既公司制服。


(呢個係相沢みなみ嚟。）

坦白講呢件制服又真係冇乜好影...
如果colorful啲襯落女優度都話幾靚但呢件design真係同一般書局職員啲制服差唔多...

不過葵司既event己經買少見少，呢個唔去既話下次又唔會要等到幾時
於是都係死死地氣走去買機票book酒店上機啦

搭飛機既途中我地睇下今次event既內容



今次呢個event最盡都係買兩枚，但係就無限人數，只要你錢有時間，玩多幾十隻玩多幾十round都得，咁當然係喺限定時間內啦，通常女優逗留唔會超過兩個鐘，過咗時間就算你有幾多張飛都冇用。

呢一類event叫做「即售會」，同普通碟鋪經常搞既「預售會」唔同，最大既分別就係好多時都唔限人數，非常適合我地呢啲海外FANS去，唔駛撲飛亦都唔駛驚白行一趟，即日去到會場買飛都仲得。
但同時因為人多既關係，成個過程都會好流水式作業，Staff為咗要快快趣趣清哂條人龍，都唔會俾你留得太耐，同碟鋪event比起上嚟整體時間會短啲。
各有各好，好多女優兩種event都會搞，普遍都係睇人氣同平時賣成點嚟決定。

睇返event內容，今次1枚就係Group攝影，2枚就有合照。冇咗單人攝影嗰part，就換咗做1shot，即係就咁影女優一張相。
我成日覺得呢個1shot好鬼多餘前面Group攝影嗰啲其實咪又係1shot巧立名目


(執行李嗰陣，個布甸狗頭己經霸咗半個喼)

同上次一樣，為咗慳錢今次都係零晨機出發，到埗嗰日就係event，不過唔駛好似上次咁趕火車，同埋個event下晝5點半先開始，中間仲有時間休息，成個感覺都冇咁緊張。
但係機師唔知係咪趕時間，原定0455先到，0410就到咗羽田機場。
安全至上吖大佬飛咁快小心甩尾吖



一出海關就見到2020年東京奥運既宣傳，嗰時先係18年。



搭頭班車由羽田機場出澀谷，今次揀咗住惠比壽，同澀谷只係相隔一個站，行路既話都只係15分鐘左右，非常方便。
由於時候尚早又未咁快可以check-in，我就決定去郵局寄哂啲布甸狗公仔寄去佢地事務所先，唔駛拉住周圍走。

澀谷呢個郵局有24小時櫃位，嗰日太早上到去一個人都冇，要埋去㩒鐘仔先會有職員出嚟serve你。



買個大紙皮箱放哂啲野入去，今次除咗公仔，仲買咗盒蛋卷同面膜，循例又係寫封信俾飛鳥，葵司嗰啲就event嗰時先親手送。



搞掂哂之後都仲係太早，要等到下晝一點先有得check in，響膠囊酒店擺低個喼，入麥當勞食個早餐訓一陣，10點左右由惠比壽行去澀谷買飛。


(嗰日落咗成朝毛毛雨，但搭一個站火車又好唔抵，所以都係行路居多，自此之後去親東京都買張地鐵pass。)

去到TSUTAYA，行勻哂七層都搵唔到邊度有得賣AV唯有柒下柒下咁去問店員。
Counter得兩個女店員 都無計厚起面皮問人地我想參加個event要響邊度買碟攞上面葵司event幅圖俾佢睇。

女店員尷尷尬尬咁答: 「FiveFive Floor」

好彩冇俾人嗌話有變態佬性騷擾，唔係都唔知點算


(女店員示意圖
講笑呢個係橋本ありな嚟）

終於搵到邊度買碟，原來係喺五樓角落頭一幅布簾入面
個男店員仲用簡單英文同我解釋點買先可以參加得非常好人

今次第一隻碟係指定既葵司作品二選一，第二隻就任何S1作品。
一行埋去揀，屌得啲S1豬頭骨 吉高00 架乃 松本菜奈實 其他紅嗰啲得一套擺響度 想支持下橋本都唔得 走死貨都唔駛咁卦

揀無可揀之下，最後買咗呢幾隻。



買完就響個場度兜下，原來有其他S1放咗喺另一邊
好心S1就擺埋一齊啦分開擺做乜鳩




頭先都講過今次冇限人數，可以玩多幾round，但因為5月又會再過嚟，有限budget之下淨係買咗兩round就算。
順利攞到兩張飛 時間都差唔多 去附近吉野家食個飯，返酒店沖個涼訓一陣先再出嚟。



嗰日係平日嚟，條街冇乜人，再加上落雨，都唔似平時人來人往既澀谷。



呢次去係第一次住膠囊旅館，個感覺好似坐監
個個都著酒店提供套衫，每人有個床位No.，套衫仲要灰色
最後都決定著返自己衫訓返兩個鐘準備去見葵司

起身執一執啲眼耳口鼻就起行，過到去排隊撞到上次柏青哥event既K叔叔，經佢介紹之下識咗另一位又係追葵司既FANS，叫佢做A叔叔啦。
A叔叔仲係橋本FANS嚟，佢手上有張有齊葵司同橋本簽名既共演作海報，超羨慕


(呢張海報我都有，不過係冇簽名既)

閒聊兩句之後，成條隊就行去後樓梯嗰邊排，今次人唔算好多，每次放3個人入去。
不過可能遲開始，我排咗差唔多半個鐘先入得去。

終於再見到葵司BB喇
呢一場我較錯咗相機個White Balance，後尾執色執咗好耐，啲相可能味精重咗少少，大家將就下





同上次嗰套cosplay比起上嚟就一定冇得比，不過今次個笑容就靚過上次，葵司表情都豐富啲。





最鐘意係呢兩張，我俾個笑容溶咗。

合照方面，今次我出發前就整咗件法披
法披係日本人本身用嚟喺祭典時候著既一件薄身短袖外套，時至今日已經演變成FANS去偶像演唱會同埋活動時候既打氣衣著。
認真嗰句，著上身既時候都覺得自己幾毒不過又唔係喺香港，去到外地又冇人識你，個人都放得開啲。

件法披就以葵司喺葡萄入面既元素嚟設計，佢喺葡萄成日著住件大和號衫出嚟唱歌，仲要五音不全。
所以就加咗架大和號落去，後面就寫住宇宙戰士，都係佢喺入面啲朵嚟。


(節目入面佢就係著住呢件野出嚟唱歌。)


(相比起同大家講我去見AV女優，我覺得我咁樣po件法披出嚟仲羞恥啲)

返番嚟個event，影完30秒攝影時間，輪到合照時間，我去換返件法披同佢影。

葵司: 哦！宇宙戰士！
睇到佢個笑容 都不枉我同朋友設計件披既苦心


(葵司其實同我差唔多高，佢係為咗拉直件法披先烏低身，唔好再話我矮利申得一米七)

送禮嗰時唔記得同佢講份禮係咩嚟我見其他fans傾計都係介紹返送咗咩俾佢
大家有時諗唔到講咩既話，不妨介紹下自己送既禮物唔駛Deadair咁尷尬

影完第一round就返去再排隊，排第二round既時候，我第一次喺AV event見到女FANS，後尾返睇Twitter先知原來佢都追咗葵司5年
同埋佢而家入咗SOD做女子社員...
唔知將來會唔會下海，會既我再同大家講

第二round我又係臨時臨急搵巴打幫手譯幾句野同佢講，因為葵司完全唔認得我就想試下提返上次柏青哥event，睇下佢有冇印象。



葵司今次既反應係: 哦！Happy! Nice!
唉都係算啦同埋講英文都好過講「射射」既

影合照嗰時佢問我會唔會去睇葡萄既5月Live，我話我會去大阪場。
5月本身葡萄有兩場Live，一場東京一場大阪，本身葵司係會出席東京嗰場，但因為嗰場啲飛炒到好貴，最後退而求其次去大阪場就算。
後尾葵司連東京嗰場都放飛機冇去到，好彩冇買嗰場既飛

第二場合照影正面有繑手



第二場影既就係咁

呢一場有送即影即有相，我參加咗兩round就有兩張。
至於張簽名劇照就真係唔靚，後面個阿叔好礙眼。


(番號SSNI-154，但其實套片唔好睇。)

之後都冇咩特別，同兩位叔叔傾多兩句就解散。

第二日約咗個巴打行秋葉原，我順便買返啲生寫真，同埋幫幾位巴打投票。
嗰年既DMM R18成人大獎有個獎叫「週刊Playboy賞」，投票方式係買指定週刊入面有抽獎劵，寫返個女優名寄過去就得。
然後就收拾心情返嚟繼續做社畜了

(最後個獎係橋本攞咗。)


(買下買下，都差唔多買齊哂葵司啲生寫真。)

下一章就係我第一次去睇葡萄LIVE，同埋又一次見飛鳥既內容

之後既內容就未必有頭兩次event咁精彩大家可以當入嚟睇下相，了解下同見識下AV event既內容
有咩想知都可以隨便問，不過同一個問題答過一兩次嗰啲我就唔再答喇

終於有新文

幾年前去東京住間HOSTEL
有晚返去行過見到隔離地庫間舖夜晚搞森林原人同南梨央奈D TALK SHOW
有D後悔無去睇森林原人真人

法被自己整定訂做

訂造不過個草圖就自己整咗先