(超長篇連載遊記) 過去三年，去日本參加AV女優event既甜酸苦辣。

大家好，我係新東寶翻譯製作
小弟平時喺成人台比較多，share啲AV業界既消息同資訊，今次過嚟旅遊台第一次出遊記，希望大家多多指教

今次同平時分享既唔同，呢篇會係我喺過去三年飛日本參加AV女優event既所見所聞等有興趣之後飛去玩event既巴絲打有啲心理準備，未接觸過既朋友亦可以當普通遊記咁去睇，內容同相都會好健康亦麻煩Admin高抬貴手唔好搬返去成人台

不過畢竟有啲都係兩三年前既事，好多detail野其實我都唔記得有咩遺漏就請大家多多包容
對AV event有唔明唔清楚既都可以隨便問，識既一定答唔識既唔會亂答希望儘量幫到大家


(小弟兩個老婆，飛鳥りん同葵つかさ，呢篇遊記都會係佢地既event為主，我呢幾年都係去佢地既event其他既好少)

lm g持

序1 無端端點解會走去追AV女優

喺17年之前，其實我同好多人一樣，都係對AV業界既事一知半解，咩片商咩事務所，基本上係完全唔知咩嚟有AV睇就算，亦都唔會去留意女優既日常。
喺過去呢幾年開始玩Twitter，follow多咗女優，識多咗好多志同道合既朋友，之後先至對呢個行業有興趣，會想了解多啲AV女優同AV業界既事，慢慢就變成今時今日咁。

如果要由頭講起，第一樣野要講應該係惠比壽麝香葡葡呢隊組合。


（強調一下，惠比壽麝香葡葡並唔係只有AV女優，仲有Model同一啲唔紅既藝能人同演員，所以你喺呢張相見到啲唔靚既唔駛驚）

話說有一日喺舊登上成人台既時候，見到有個post既Title係「日本深夜成人節目」，入面講既就係葡葡既電視節目。
當時係諗：「咦？呢隊咪嗰隊AV女優既組合？乜有節目既咩？」
好奇心驅使之下開咗嚟睇，之後就一發不可收拾，原來一班AV女優都可以咁搞笑，有綜藝效果，玩game得嚟又有啲性感元素，一集追完又一集，開始覺得吖又幾得意喎，原來AV女優都可以有另一面。

https://www.youtube.com/watch?v=JRV5IpUz2z8

如是者大慨過咗幾個月左右，喺追post既同時識咗幾個巴絲打，大家都對呢隊組合好有興趣，有啲係鐘意成隊組合，有啲係本身其中一個女優既FANS，機緣巧合之下大家就交換咗contact，開始傾計。
有一日其中一個巴打，佢就話「喂，我識有幾個大陸既朋友，佢地都睇葡萄既，過兩日佢地會落嚟香港，不如一齊出嚟見個面啦。」

事後我先知原來17年3月，惠比壽麝香葡萄有喺台灣搞過一場見面活動，當時去既成員有三上悠亞，古川いおり，湊莉久，同神咲詩織。



而嗰一班FANS，當時就係喺呢個活動入面互相認識，大家來自五湖四海，有香港有中國有台灣，成家立室既又有，20歲都未到既又有，有啲係由第一代惠比壽麝香葡葡就己經開始追，亦都有啲好似我咁係由新成員組成之後先開始睇既新FANS。
於是乎由唔知邊到嚟既勇氣，平時唔會主動去識新朋友既我又真係應承咗會出席佢地既聚會，喺九龍灣既一個細party room，我就認識咗第一班將來會一齊去日本追event既女優FANS。

當時出嚟既大慨夾埋有10個人左右，值得一提係有啲真係純悴係女優個人既FANS，對佢地拍AV係冇興趣，亦唔會去睇佢地既AV，真係覺得個女優好可愛好得意所以開始追。
呢一類既情況其實好多，尤其是喺日本，之後會再提到。

除咗交流返台灣活動嗰時既事，大家嗰日最想做既野，就係開CD生寫真。
嗰陣葡萄出第一隻Album叫喜怒愛楽，有A盤B盤通常盤，每盤入面會夾住一張member既生寫真，亦即係相片，相信呢樣野對於一班有追開IDOL野既朋友都唔會陌生，呢啲相有時係可以炒到上你冇辦法理解既價錢。



當時我係買咗每隻盤各一，皆在開心參與下，冇特別話想中某邊幾個成員，結果一開，第一隻就中葵司。


（另外兩個係辻本杏同辰巳シーナ， 前者嫁咗人引退埋，後者係水著寫真女優嚟。）

當時既我係完全唔熟葵司呢個女優，應該咁講，係對任何AV女優都唔熟，唔好話佢當時喺邊間片商，我連佢拍過咩我都講唔出。
後尾睇返只係覺得，「吖呢個女優又幾靚喎，返去搵啲片睇下先。」，先至慢慢越嚟越鐘意葵司呢個女優。
同時，亦都對松本潤呢條冚家鏟恨之入骨。



詳細新聞大家上Google就搵到，呢度唔想提。
嗰段時間正正就係松本潤同葵司既新聞爆出嚟之後無耐，葵司開始神隱，刪Twiiter，本身差唔多一個月一次既event停哂，淨係維持有片出，同埋會出葡萄既節目。

而之前一路都冇乜點用既Twitter，亦都因為咁既原因，我由葡萄成員開始follow啲女優，睇下相儲下相，copy啲動態去翻譯睇下個女優講乜，自己亦都慢慢對呢個AV行業既野有興趣。

嗰次聚會完咗之後，大家都有交換contact，入咗個group，傾既話題都係離唔開嗰個禮拜既節目同成員既日常，我亦都開始多咗一個追星既心態去睇AV女優。
同一時間，舊登沒落，連登另外爐灶，睇見嗰邊成人台越嚟越少人上，一路響嗰邊都推唔郁啲葡萄post，我就決定走過嚟睇下咩環境。
咁啱呢邊又真係有巴打有睇惠比壽麝香葡萄。



好，咁又試下呢邊會唔會易推啲先
過去3年，75個掛住葡萄名既post，就係由呢度開始。

(梗有一個啱你心水）第二世代 惠比壽麝香葡萄
- 分享自 LIHKG 討論區
https://lih.kg/195301

序2: AV Event的前世今生

咁到底AV event係點嚟同咩嚟呢？容許我用少少篇幅同大家解釋下，等大家有個慨念，睇遊記既時候會了解我做緊乜
以下內容資訊性會比較重，嫌悶可以skip。

AV鋪、AV片商、女優事務所、AV女優本人，大家都想啲碟好賣啲搵多啲，而喺而家上網搵seed搵片咁方便既時代，要吸引人買碟，要吸引人俾錢，就要諗盡各種方法。
而將AV女優偶像化，就係呢一行近呢十年既最大方向。以往AV女優係一個唔見得光既職業，但係隨住時代推進，日本人冇以前咁保守，AV女優都可以喺各個深夜節目出場，玩啲少少咸多多趣既遊戲，觀眾睇得開心，女優又有錢收；AV女優又可以出一啲商品週邊，貴既可以係摟枕，平既可以係即影即有相，俾FANS喺買碟以外多一個途徑同地方消費。亦都可以吸引到一班本身唔方便買AV，同唔會買AV既人，例如女性消費者，去支持自己鐘意既女優。

好似惠比壽麝香葡萄呢隊組合咁，佢地出碟，出show登台唱歌，上電視，都係將AV女優由枱底拉上枱面，唔再局限喺成人市場，包裝一下打入返普羅大眾既市場，然後搵更多錢。


(二三百蚊買張相，有人覺得值，有人覺得痴線，呢啲問題永遠冇答案，最緊要係自己駛完錢開心。）

至於喺賣碟方面要賣得好，將AV女優偶像化之後最容易做既，就係搞見面會。

AV女優既event，講白啲就係單純既「俾錢就有野睇有福利」既活動，參照咗女僕cafe，日本偶像組合既握手會，同埋攝影會既元素，綜合擺埋一齊。
買得越多碟，福利就越好越多野玩，同女優相處既時間亦都越多，所以好多人買既唔係碟，而係同女優相處既呢五分鐘。

日本亦都有專門list哂AV event既網站，而家疫情期間基本上咩都冇，但平時其實喺日本係差唔多每一日你都可以搵到event去。

https://www.av-event.jp/top/



隨手cap個event，舉個例子同大家睇下一日既event可以有咩玩，同埋有咩條件同注意事項。
呢次係一個一日之內女優會去兩間店鋪既event，通常event都會係下晝一個，放工時間又一個，等上班一族放咗工都有時間可以嚟參加。
同一日既多數會寫埋一齊，有好多人都係請一日假去哂兩個，玩足成個下晝。

首先第一參加條件

定員70名様
最多70人，呢度係分開兩間鋪頭計。

3枚購入は50名様
購入3隻商品既特典只能提供50人，頭先講過買得越多福利越好，為免個event太長overrun，有啲event係會有咁既規矩。

1枚目対象商品XXX
第一隻指定要你買既商品，通常會係嗰個女優當月出既新作，多數冇得揀其他，除非賣哂，不過呢個情況好少見。

2枚目以降対象商品XXX
第二隻及之後既對象商品，通常第二隻開始指定既範圍就會大好多，呢度寫既係Prestige片商既任何作品，只要係2500円以上就得，留意返二手碟唔計，只會計一手全手碟。
有時都會有第二隻及之後要你買返同一隻既條件，都係睇鋪頭點樣安排。

有冇得做汁男

之後到參加特典，亦即係有咩福利

対象商品1枚購入特典:握手，一張有簽名既相，Group攝影會(私服)
握手就係握手，唔好諗住佢會握你其他地方，event既時候你係唔可以掂女優，但女優可以嚟掂你，唔好借啲意抽水。
簽名相就係簽名相，通常嗰張相都會係女優既劇照，有時會係嗰隻碟既封面，有女優本人簽名。
Group攝影會就有趣啲通常會係3-4個人一組圍住女優影相，女優會輪流對每個鏡頭擺pose，影完一個到下一個不斷loop，唔駛驚女優望唔到你，非常公平。成個過程大慨一分鐘，人少既可以影到十幾廿張相，睇彩數。
至於event第一套衫好多時都會係女優私服，即係平時佢地自己既出街衫，有時都會係主題cosplay，有啲女優仲會響event前一日響Twitter俾大家投票event著咩cosplay


(有時女優私服仲好睇過其他cosplay，呢個係桜空もも。)

対象商品2枚購入特典: 以上+2shot(私服)
以上既意思就即係包含咗買一隻既福利，唔會有買兩隻仲少福利過買一隻既情況出現，可以放心。
2shot，亦係最值錢既一項福利，就係同女優既合照，同樣你唔可以掂女優，但女優可以嚟掂你，你亦都可以要求女優同你一齊擺你想要既pose，當然先決條件係個女優肯，唔好諗住叫佢做啲分開對腳扮俾你搞緊既pose，十個有十個都唔會睬你，在場既staff仲可能會叫你走人，柒出香港冇人幫到你
正正經經既合照pose，少少身體接觸，拖住手又或者砌下心，多數女優都唔會介意


(去得多event，同女優玩得熟，就可以諗啲有創意既pose一齊玩，好似呢幅咁。
利申唔係我嚟。)

対象商品3枚購入特典: 以上+2shot+個人攝影(水著)+簽名
呢度既以上亦都已經包涵哂買一隻同兩隻既福利，唔駛擔心。
先講個人攝影，買到第三隻碟福利通常都最好，女優大多數都會換套水著泳衣，個人攝影就係只有你一個對住女優影相既環節，女優只會望住你鏡頭不斷換pose，時間30秒。
然後就係女優著住水著同你一齊影既2shot，規則一樣，唔好手多多。
簽名就係女優會簽名喺你帶去既野上面，通常最多見到既係簽名板，女優會問你叫咩名，親筆寫幾句野，可能係多謝你今日嚟，一直以嚟多謝你支持，諸如此類。有啲女優仲會畫公仔，寫啲甜言蜜語，主要都係嗰句，睇下佢想唔想
呢個時間你亦都可以同女優傾下計，個場會有張枱仔，你同女優一人坐一邊，女優簽緊名俾你既時候你可以盡訴心中情，講下你係響香港搭飛機過嚟，鐘意佢邊套作品，睇咗佢幾耐，問下佢知唔知香港喺邊...

我想講，真係好多女優係以為香港喺台灣入面


(簽名環節最適合做送禮勤，一個event坂道みる可以收到咁多禮物。
利申返右下角盒熊貓曲奇係我送既 ）

以上就係正常一個event既內容同流程，當然唔會每次都一樣，有啲可能一枚購入已經有簽名，有啲可能二枚開始已經有水著，去之前記得睇清楚內容，費事到時有咩誤會

另外仲有其他注意事項，太多我就唔list哂出嚟，我舉幾個比較重要既。

*特典攝影時間以外，禁止偷拍
*攝影環節請用相機，手機都可以，但要熄咗live photo mode，亦都禁止錄影
*唔俾用腳架
*可以開連拍mode，但唔好hold得太耐，連影兩三張就好收手，面斥不雅
*遲到既話唔會補返特典，例如你去到既時候已經去到水著嗰part，女優係唔會換返私服俾你影，自己睇時間
*2shot你可以要求淨係影女優，即係唔合照而淨係影女優本人，聽落好似好on9，但其實都有唔少人咁做
*女優唔會攞住任何你帶去既野影相，主要係驚俾人攞嚟賣廣告
*參加劵唔好唔見，人地係認飛唔認人

相信睇到呢度大家都對AV event有個簡單既慨念
一路睇有唔明既再問，我會再解釋

第一章：由葵司變成飛鳥鈴 (17年9月)

時間嚟到17年既9月，呢半年左右時間大慨開咗二十幾個惠比壽葡萄既post，內容亦都由淨係講葡萄成員，慢慢延伸到講埋其他AV女優。
當時既諗法係想以傾AV女優嚟做賣點，等入嚟既巴絲打都會慢慢傾下傾下，對葡萄呢隊組合有興趣，多啲人一齊傾開心啲。
而喺傾AV女優既過程入面，就開始有巴打上嚟分享去AV女優event既經歷。

喺9月份，葵司就有一個喺秋葉原既event，當時一見到公告一出我就已經決定要去，但面臨一個好重要既問題，就係買飛。

頭先上面既例子都有提到，AV event係有限人數，70個係基本盤，有時會更少，視乎女優當時有幾紅而定。
通常賣飛會喺event前一個月左右開始，如果鋪頭對個女優冇信心，有時會再早啲開始賣。
女優既Twitter，搞event既鋪頭Twitter，有啲會定時定候報返淨返幾多張既名額，賣哂既話亦都會放上Twitter，所以去之前又係要mon實，費事白行一趟。
而大部份既鋪頭都唔會有預約制度，你一定要親身落去鋪頭買碟，佢先會親手即場俾飛你。

當然最好就梗係早啲攞到張飛喺手最穩陣啦之不過...
人就喺香港，點樣過去日本買碟


(女優響嗰段時間有event既話，有啲鋪頭會為咗方便啲客揀碟同促銷，會setup個靚靚仔仔既booth，等啲客一搵就搵到。
呢張圖係天使もえ嚟，出完event響個booth影相留念。)

有無得俾錢屌？

正所謂出外靠朋友，之前入咗既葡萄FANS Group，入面就有人識人喺日本留學緊，可以嗰日去幫手買。
呢度要提提大家，搵朋友幫手買既同時，你要問咗人地介唔介意先。
始終入去AV鋪頭，唔係每個人都接受到尤其係女性。

明查暗訪之後，我拜託咗嗰位喺日本留學既朋友幫手，響有飛賣既第一日就去幫手買。
點知...

鋪頭朝早10點開門，開門一個鐘已經賣哂飛，我朋友去到既時候己經係下晝5點固之然乜都冇，鋪頭亦都冇喺Twitter講已經賣哂，我朋友亦都白行一趟。
係，當紅女優就係可以咁誇張，大家都鐘意既桃乃木かな，就係秋葉原event女皇，佢既紀錄係：

鋪頭當日特登提早喺朝早6點開門賣飛，方便啲人返工，但排隊等開門買飛既人已經reach咗參加人數，當日既06:06AM，鋪頭就已經貼咗event完售既公告出嚟。

呢一個就係AV女優event既魅力。


(喺相沢南出現之前，桃乃木係秋葉原event女皇嚟。）

當時好彩我未買機票，因為我都有買唔到飛既心理準備，只係冇諗到個情況咁誇張，半日都冇就完售。
萬念俱灰之下，我喺AV Event網睇到同一日有另一個我都有興趣既女優都有event。
佢叫做飛鳥りん。



當時我對飛鳥既認識，就淨係知佢係SOD既女優，同葵司同一間事務所，片就睇過幾套，然後法官大人我已經冇補充。
諗返起嚟真係一個幾衝動既決定，當時我就係諗，是但啦還掂都係，咪當體驗下女優event係點，去試下囉。
於是，我就再一次拜託嗰位留學朋友，搵一日weekend再一次落去秋葉原幫手買飛。
至於買幾多隻呢...千里迢迢過到去，梗係有咁多玩咁多，俾哂3隻我！



因為搵唔返個event detail，我已經唔記得買2枚3枚有咩內容，但當時呢個event係買Blu-ray既話會送多一張2shot合照，我嗰時覺得隻碟買返嚟我又未必會睇，2枚3枚又已經有合照，慳返啲錢食咗佢好過，就叫朋友全部買DVD就算。

駛錢既野，最緊要量力而為我認我窮

確定買到飛之後，就開始去訂機票酒店，當時好似係預咗Total 5日左右既行程，event係第三日既事，前後有啲時間休息，等自己唔好咁趕。

出發之前最煩通常係諗送咩禮物，當時正值係中秋節，又想有啲香港特色，咁就梗係送月餅啦
當時根本冇諗過女優食唔食得呢啲野又或者日本妹食唔食呢啲野



好，上機出發了



我去秋葉原event既話，多數會住返秋葉原附近，上野係一個好地區，一嚟近老秋，二嚟出入機場都係一程火車搞掂，三嚟遊客區唔驚冇野食冇街行，四嚟多酒店揀。

到上野嗰時已經入黑，check in完求其醫肚，咁就完咗第一日。

之後就去買我去event要用既野信紙同簽名板
我每一次去event都會寫信俾女優，因為唔識日文，響event嗰陣基本上係溝通唔到，有野想講都唔知點講，所以我會寫封信，連埋份禮一齊送。
唔駛驚老土，好多去event既日本人都係咁做，因為event真係眨下眼就完，冇咩時間俾你同女優傾心事，寫信係最好。

簽名板就係女優喺簽名環節簽俾你用既板，上面提過有啲event係可以簽私物，簽名板就係一個好選擇，四四方方易收藏，都係好多event常客既必備之物。
數量嚟講，有兩場簽名就買兩張，如此類推，有啲鋪頭會準備埋俾女優，不過自己帶埋去就穩陣啲，反正又唔係貴。


(以上所有野都可以喺ドン・キホーテ，即係DONKI DONKI買到，間野又開24小時，日本周圍都有，自己去之前Google下。）

當晚就喺lobby做功課，將之前搵識日文既朋友幫手譯既信，人手抄返落去。
唔識日文既情況下，寫日文真係唔知自己寫緊乜，驚自己寫得肉酸既就最好搵識日文既朋友幫手，費事一陣女優睇到一頭霧水就唔好啦
而家睇返其實去完呢三年，寫啲日文都係冇咩進步，我仲記得嗰時俾fd睇，佢仲笑我啲日文字好似幼稚園學生


(信既內容就其實冇咩特別偏好，你鐘意寫乜都得，好似我呢度都係恭喜佢出道一週年，想見到佢同葵司合演，諸如此類。）

第二日起身就去咗中野Broadway，一個專賣模型玩具既大商場，而且當時仲有個目的，就係之前桃乃木嚟過呢度拍節目，所以專登過嚟朝聖一下。






(嘉賓係我到而家都係唔鐘意既三上悠亞)

然後就返秋葉原行，上去秋葉原ラジオ会館睇葡萄既生寫真
哇葵司嗰啲仲係好貴當時又未搵到新工結果都係冇買到。


(一個個嗰啲係亞加力立牌嚟，之後既遊記會出現，到時再講。）

旅程既第三日，亦都係event既大日子。

當時喺葡萄post識到一個巴打又係呢幾日過嚟參加event，佢係去神咲詩織，都係喺老秋既其中一間碟鋪，大家相約咗到時一齊出嚟食個飯。
而當然唔少得，就梗係一齊行下AV鋪啦難得有同好，一齊吹住水行AV鋪都不知幾開心



(睇人駛錢最開心)

傾下傾下都差唔多到時間，大家分頭行事見女優。
我既人生處女AV Event鋪，就係老秋既MiS，之後嗰幾年我每次去老秋冇event都好，都會入去行下。
可惜最近疫情影響，今年年中佢已經結業。
屌你老母武漢肺炎



Event既樓層通常喺間鋪既頂樓，而MiS因為比較細，一層入唔哂所有人，大家都唯有喺後樓梯排隊。
當時第一個感受係，屌你冇後生仔既個個都係中坑嚟，望落似後生既真係一隻手數得哂。
同埋有唔少都係西裝骨骨，白領上班一族，都係收咗工過嚟玩。排緊隊既時候大部份人都係自己做自己野，check相機，玩電話，同同行既fd吹水，大家唔會尷尬，唔會覺得去見AV女優係一件好失禮既事，成件事好自然好平常，好似你去超市排隊買野咁。

說時遲那時快，event開始，排得前既可以入去間房仔先，我好好彩係頭十個左右，唔駛企得太後。
AV Event通常都會有個主持搞下氣氛，同大家講返有咩要注意等等。有時係女優既經理人，有時係碟鋪既職員，有時係請返嚟專做主持既主持仔。

今次呢個MC就係啲主持仔嚟，之前喺Twitter見過佢主持其他女優既event，所以有印象。
Blibala咗幾句(因為我聽唔明)，大家開始拍手，我又跟住拍，飛鳥就喺後台行出嚟。


(示意圖，呢個係佢嗰日前一個event既水著。）

我仲記得見一個AV女優真人既第一個感覺，就係真人靚過上鏡好多。
一個你之前只係隔住個mon見到既人，而家活生生喺你眼前，講緊野，你以為日本AV女優同你隔得好遠，但原來只係一張機票，幾隻碟，你就可以見到佢企喺你眼前。
有少少似見到明星既感覺，震撼、驚喜、同時又開始對之後會發生既野感到緊張同不安。

我...一陣會同個AV女優...傾計影相？

飛鳥出嚟同大家講幾句，主持又附和幾句，大家哈哈哈，我又陪住哈哈哈，之後event就正式開始。

呢度俾個提示大家，如果你唔識日文又唔知流程去到邊，最好就係睇你前面既人點做。
因為大家都係參加緊同一個event，個流程一定係一樣，做既野都係一樣，只係買得多與少既分別。
唔識既唔駛慌唔駛怯，留意排喺你之前既人點做，你跟住做就實冇死。

頭先講過我係排大慨頭十既位置，因為AV event參加劵既No.只係用嚟睇人數，同開始event既先後次序無關，你排隊排得前啲，就你開始玩先，就係咁簡單。
頭先講過間房好細，入唔哂咁多人，所以有啲人係睇完飛鳥講野之後，就出返去後樓梯排隊
而我就開始觀察排喺我前面既人點做，哦首先有人過嚟睇下你張飛買咗幾多隻...原來三個三個咁出去影...影完就埋位簽名...
題外話，其實有唔少日本人係買一隻就算，我地咁遠搭飛機過到去就梗係想玩盡啲，但人地日本當地人好多都唔係咁諗。

可以同大家講，同女優影合照啲pose真係五花百門，我嗰日真係大開眼界。
最犀利既，係我親眼睇住有FANS要求影呢個pose。


(俾飛鳥踩住呢個就係嗰日既主持，我搵唔返佢Twitter，唔記得叫咩名，佢個形象就係著浴袍戴黑超。
呢張相係我事後響鋪頭Twitter save低既。）

睇相遠遠唔及自己親眼睇，原來日本人真係咁M，真係會有人要求女優咁樣影合照真係大開眼界。

排下排下終於到我，攞住部相機同另外兩個人行出去，比之前再近距離望真啲，真人真係同睇片個感覺唔同。
咔嚓咔嚓影完嗰一分鐘，都仲未有時間睇下影成點，就已經叫你埋位俾女優簽名。
以下就係我同飛鳥第一次既對話，當然全部都係日文，都係之前搵個fd譯定，盡量學下講。
我＝ 飛鳥＝

我：第一次見面，我喺香港嚟
飛鳥：......香港...犀利...你好
我：Er...我唔識日文 ...今次帶咗份禮物俾你 （攞盒月餅同封信出嚟)
飛鳥：哦！多謝！

之後我就攞簽名板出嚟，佢首先問我叫咩名，我打開我個Twitter佢睇，因為我個username有哂我英文名同日文拼音，方便佢睇。
飛鳥望一望，就開始寫我個英文名落去，當時因為我未搵到新工，就叫飛鳥可唔可以寫啲鼓勵我既說話，當然又係搵fd譯定呢幾句啦，不過太長唔識用日文講，我直接成篇copy喺手機隊俾佢睇。
飛鳥又係望一望，笑住同我講OK，就開始低頭寫。

而呢一張，亦係我人生第一張女優既簽名板。

留明

咁就梗係要同大家分享下啲相啦不過我會落個水印，希望大家唔好介意
同埋嗰時影相好鬼渣，有唔少都對唔到焦，之後出嗰啲遊記影既會好啲，請見諒
我要強調唔係飛鳥唔靚，係我影得差喳


(嗰時皮膚係差啲既，不過呢啲又係睇真人先會知，平時睇啲美肌相係永遠睇唔到。)

一個event最緊要既，之前都講過梗係張合照啦。
當時第一次去唔識，見人地合照影即影即有又跟人影，後尾再去event都好少再咁做，因為真係影出嚟唔靚，不過攞嚟放銀包係OK既。
當時亦都唔識同佢講影咩pose，大家V字手勢就算。
去到後期啲event我已經進化哂唔影呢啲老土pose想知就一路追post追落去

又一個小貼士，如果合照影衰咗，譬如閤埋咗眼又或者pose遮住個樣，係可以request再影過，不過要喺staff面前del咗舊嗰張。所以用相機影就最好，即刻可以知有冇問題。
我就勸大家唔好諗埋哂啲影完扮del再影既屎橋人地女優同staff都唔係第一日出嚟做野，都知你諗乜，到時俾人鬧就盞自己瘀麻煩唔好影衰香港人


(Event影合照係可以揀即影即有，你都可以帶即影即有相機響攝影section嗰時用，不過你影一張又要等張相紙碌出嚟，人地揸相機嗰啲已經影咗3-4張，抵唔抵就自己諗。）