(超長篇連載遊記) 過去三年，去日本參加AV女優event既甜酸苦辣。

樓主識日文？點同佢地交流？

靠偉大得嚟又成日炒車既Google Translate

樓主會同佢地傾d乜？

點解咁大膽喺網上識嘅朋友會直接約一齊去外地
本身傾咗好耐？ 定係傾咗冇耐就直接去
同住間有冇咩深刻事情例如生活習慣 鼻鼾之類

去完旅行之後有冇變到真。朋友？即係會脫離追星講吓自己工作/生活私人事

多數都係閒話幾句講下今次送咩俾佢

本身喺個po都傾咗好耐同埋去旅行之前都有喺香港見過

笑左

拖手相學到野

再互相格劍

2019年既葵司，比起之前更加神龍見首不見尾，先唔講有冇event，連IG都好少update，想知道佢既近況既話，只係得返留意佢事務所既Twitter呢個方法。
而當一公佈咗入圍名單之後，事務所就同佢出咗個Tweet，除咗表示希望大家支持葵司之外，當中仲有一句我好在意既說話。

呢一個，將會係葵司參加既最後一個頒獎禮。


(葵つかさ最後のアワード。)

坦白講，當時睇完個入圍名單，我已經知佢贏面好低。



Total十位入圍最優秀女優賞既女優入面，葵司係入行資歷最耐，亦係年紀最大既一個，而家唔係頒長期服務獎，一個做得耐既女優其實唔會有咩著數，尤其是呢一行永遠歡迎新鮮肉體。

然後再睇睇其他入圍女優，同佢同樣S1片商既天使もえ，IP既相沢みなみ，上年攞完新人賞第二名既水卜さくら，都係喺FANS人數、人氣、同埋銷量都比佢高既女優，喺投票方面呢度已經追唔上佢地。
仲未計好似市川まさみ，同埋椎名そら呢啲黑馬，響我心目中都同葵司個得獎成數差唔多，所以整體上係一個非常唔樂觀既戰局。


(又講句公道說話，其實葵司都多人識既，不過係因為佢同松本潤既醜聞但松本潤啲FANS又唔會投佢票)

再加埋嗰句最後一個頒獎禮...難免令人諗多咗。
大慨佢拍咗咁多年，都攰，係時候諗引退，喺FANZA台上面發表，亦都係一個最合適既地方。
當時懷住呢個心情既我，買機票訂酒店，為既已經唔係想睇到佢攞獎，而係想親眼睇住佢，喺最光輝既舞台上面發表我最唔想聽到既說話。

講就講到心知肚明佢冇咩機會贏，不過每日出Tweet幫手拉票呢啲門面功夫都要做下既攞唔到第一，攞返個第二都好過冇吖
但葵司本人就由頭到尾都冇乜點拉過票，個IG都係空蕩蕩，直頭完全唔覺佢有份參加咁樣，就算po相都係啲飲飲食食相，我都費事理佢搞到我好似皇帝唔急太監急咁



講返個FANZA頒獎禮，因為始終唔係女優event，會有興趣入場睇既人其實唔多，會入場既觀眾八九成都係入圍女優既FANS，所以要買到門票其實都唔係咁難。
當時就拜託咗喺嗰邊參加event既巴打幫手喺日本攞飛，係攞飛唔係買飛，因為張飛可以上網訂，但實體門票就要喺日本啲便利店度㩒出嚟。
好心就咁掃QR code咪算囉

當日又係約咗個巴打一齊去睇，地點喺新木場。




未入得場之前，有幾檔物販喺門口擺檔，都係由啲女優看檔，賣既係一啲佢地事務所同佢地出既T-Shirt毛巾等等。
咁要吸引你班麻甩佬麻甩仔買野，就梗係要有啲甜頭啦
當時好似買夠好似3000羊就有得同擺檔既女優合照，我一早mark定，我要搵加藤ももか



加藤ももか本身係SOD既女子社員，因為外型討好，又成日喺女優event跟出跟入，當時就已經成日俾人問會唔會下海。
聰明既你當然都估到，當時一定係話絕對唔會下海拍AV，SOD呢一招已經用過無數次，結果話口未完一年左右就正式下海。

https://twitter.com/katomomoka0312/status/1301776025144102912?s=20
(差唔多日日佢都會po呢啲除衫片上Twitter，嗱自己慎入吖，冇露點不過都有裸露野架。)

話哂都係SOD出身，而且佢同飛鳥以前都有一齊出過event，再加上佢個樣同把聲都係我鐘意嗰type過去打個招呼，影張相都唔係好過份啫


(真人真係好甜，同埋我有同佢講明我係飛鳥FANS先架)

等下等下，都差唔多夠鐘入場。
FANZA成人大賞頒獎禮2019，正式開始。



(FANZA頒獎禮有得投現場票，我當時女優賞投葵司，新人投咗坂道。)

因為當日會場唔俾影相，呢度我就用返FANZA自己啲相同大家大慨go through下個賽果。



(開始之前入圍女優影大合照。）


(每年想見到RIO既話得呢個場合，佢已經做咗幾年既MC。）

當晚第一個頒既係新人賞，賽前我自己既預測係坂道みる攞第一，結果最後得第二，頒獎既係上年得主水卜さくら。
坂道係對自己好有要求既女優，佢本人亦都好希望可以攞到最優秀新人賞，無奈最後屈居第二。
坂道喺台上面講得最多既，唔係多謝，而係同支持自己既FANS講對唔住



而當晚既最優秀新人賞，就係Prestige專屬既河合あすな，頒獎既係上年得主桜空もも。
宣佈嗰刻連佢本人都唔相信自己攞獎。


(桜空もも好靚女吖)

之後就開始到啲豬肉獎時間。

大家都好掛住既河北彩花，攞咗動畫部門既最優秀作品賞。
冇人上台既？梗係啦，除咗拍片之外都冇見過佢真人，更何況嗰時佢已經消失咗。



之後通販部門既最優秀作品賞係本庄鈴。



Media賞，係條頸以下世界級既水卜さくら。



週刊PLAYBOY賞，即係上年我去買雜誌寄投票劵嗰個獎，今年係吉高寧々。


(真係唔明佢邊度靚。)

特別賞係美谷朱里，話題賞係唯井まひろ。



(係咪聽啲獎項名都覺得好豬肉呢)

中間仲有啲女優既歌舞表演睇，不過真係幾悶同唔好聽呢度就唔多提。
睇得上眼既，得惠比壽葡萄。



市川係惠比壽葡萄隊長，當晚佢亦都係優秀女優賞提名其中之一。成班成員就喺台上面祝賀定佢先，希望佢一陣有好成績。
我當時心諗，葵司都係前member喎...雖然佢唔同人講野啫...唔好咁大細超得唔得...
不過...佢又真係幫唔落。唉

嚟到成晚既重頭戲最優秀女優賞，首先係每一位提名女優上台講幾句先。

「Hi everyone, I’m Minami. It’s still like a dream standing here, because this is my first time to been nominated.」
我當時一聽，呆咗
相沢みなみ一上台開口係講英文，因為佢知今晚現場好多外國FANS，睇緊直播又有一班海外FANS，仲有喺現場外地傳媒都有嚟睇，所以佢一嚟就用英文打招呼。
不過相信嗰段英文得我地海外FANS先聽得明

之後轉返channel講返日文，相沢就話今次係自己第一次提名FANZA成人大賞，結果係點樣都好呢一世都唔會忘記，多謝大家一路以嚟既支持。



輪到天使もえ，當時佢真係一副勝劵在握既樣，唔知大家有冇見過女人對一樣野志在必得既表情，天使當晚既風騷樣大慨就係咁樣再放大多幾倍。
同現場觀眾一齊嗌完打氣說話之後，天使更加風騷，再加上當晚佢呢件成件婚紗一樣既服裝，淨係個勢都已經贏咗。



然後，到佢了。

「大家好...我係葵司。」

台下面既我，默默咁去等佢講出嗰兩個字。

「如果可以既，我想將眼前呢個影像烙印喺個腦度。
今年就係自己出道第9年，今次應該係我最後一次企喺頒獎台上面。
本來我只係一個好普通既女仔，但以葵司呢個身份，我喺呢個AV業界差唔多有十年既經歷...
呢個係一個好開心既經歷，開心到我冇為意會有完結既一日，但係始終有一日葵司呢個身份都會完結...（已經喊緊）
今日既畫面，我去到百年歸老嗰一刻都唔會忘記。
我感到慶幸，我可以成為葵司。
由始至終一直支持我既各位，片商，事務所，所有工作人員，多謝你地！」

結果，我以為佢會講既說話，佢冇講到。
可能佢想講，但係最後都係收返唔講，我永遠都唔會知。

喺台下面眼濕濕既我，心入面得一句說話，
你永遠係我心目中既最優秀女優。

講返個獎，全部女優講哂感受之後，就開始公佈結果。
賽前大熱門既天使もえ，屈居第二名。
由佢個眼神已經可以睇得出，佢有幾唔甘心。


(皮笑肉不笑。)

FANZA 2019成人大賞，最優秀女優賞得主...
相沢みなみ!



相沢當晚攞到最優秀女優賞，係出乎唔少人意料之外，而其實呢個賽果既背後，亦都涉及啲意外同人為因素。
如果講埋既話又要爆多個po，好彩我之前寫過都係嗰句，有興趣就睇啦

(冇圖全字) FANZA Adult Award 賽果分析
- 分享自 LIHKG 討論區
https://lih.kg/1156214


(事後既記者會，有記者問幾位得獎女優下一個目標係咩，天使就答，我要學英文！
都講到咁直接，大家明咩事啦）


(我嗰時仲同個同行巴打講，S1改名叫S2啦兩個入圍既都攞第二)

散場嗰時，好多FANS都喺會場外面等女優出嚟，當中最墟冚係椎名そら啲FANS，拉哂好似樓下民建聯咁大幅嗰啲banner出嚟，椎名出嚟見到同佢地玩到摟頭摟頸。

「下年就由相沢頒最優秀女優賞俾我！你地話好唔好！」椎名話。
「好！」成班FANS附和。

嗯...嗯


(其實我每年都覺得椎名そら去參賽唔係為攞獎，佢係去現場溝女優。）

葵司因為乜獎都冇，嗰晚佢差唔多係第一個走既女優。
換返普通便服既佢，同一班等緊女優既FANS講bye bye一邊去上私家車，手上有袋奇華，係我入場嗰時俾staff，麻煩佢幫我拎入後台俾葵司既香港手信。

雖然有巴打同我講笑咁講，話佢可能倒哂入面啲野出嚟，淨係要個袋裝野喳
是但啦，當係俾我開心下都好




之後又係每次例行公事既買AV然後返香港

之後就係台灣成人展既遊記喇話就話遊記，不過都應該會係圖多過字

希望1001之內我可以出得哂所有遊記出唔哂我都唔會開新po架喇我會擺喺成人台AV討論po嗰邊一係就叫連仔解1001

好睇，追