驅魔少年爛尾？ 等我一次過話你知近呢十年既劇情

佢轉左行賣文具？

推

呢排畫都少畫咗

有新畫啦
https://www.instagram.com/p/CNG2jo_n1Wc/?igshid=nlevs3lrc1yv

可唔可以的起心肝畫個大結局比我哋睇

草稿

以前睇到打伯爵就冇睇

你啲劇情係真定假㗎
如果千年公已經一分為二
咁最初故事開始嗰個千年公係邊個黎?
唔係變左馬納同涅亞咩?
有睇過動畫版都知
聖潔同諾亞應該係互相排斥
咁身為諾亞(涅亞)嘅亞蓮 點會發動到聖潔?

仲有諾亞一族同教團係死敵黎
瑪莉安元帥點會同身為諾亞既涅亞結盟
仲做左佢既協力者?

你個故事剩係寫左柱同諾亞既故事
咁heart同諾亞 點解會對抗?
定係heart就係柱本身??
我睇動畫果陣話heart其實都係一粒聖潔黎
如果消滅左heart咁其他聖潔都會消失
所以千年公先執著一定要搵到heart消滅佢

呢個唔係我既故事，係作者寫出黎既故事

你仲未答我
咁故事一開始拎住把傘果個肥佬千年公係邊個?
唔係已經一分為二左?

睇到啲惡魔4lv就棄左

個個真實身份係馬納，只係佢自稱自年公

由一開始追果D就知作者成日病.出得慢又唔怪得佢...但後面突然畫風大改...女主都比佢踢走埋..變左gay番咁劇情突然變到唔知點咁...我懷疑係動畫完結果度既對應漫畫200話左右??就已經換鬼左人畫-.-

你個意思即係
馬納養大亞蓮
跟住又扮死左
然後自己再變成千年公去誘惑亞蓮復活馬納(即係佢自己)，然後再利用馬納變成既惡魔去殺亞蓮?
佢隻左眼唔係被馬納個靈魂詛咒先變成咁?

大佬你d劇情完全係解唔通……
馬納我諗極都唔明點會係千年公

馬納係千年公已經係漫畫講到明嘅野
簡單黎講係佢自己洗腦自己封印左馬納個人格再精分左個千年公人格出黎
你覺得解唔通諗唔明都唔關樓豬事，因為成個故事目前就係咁樣
全部都係漫畫已經講哂出黎嘅野，一係你就直接重睇

呢套野本身行皇道漫畫
點知愈走愈偏離……
都係等佢完左先一次過睇

其實我理解你點解會唔明

因為你只係睇完動畫
而我既整合，係漫畫近呢十年內既劇情
而其實由動畫完結到我開始整合既部分之間，係仲有一個gap係到，中間有好多劇情

Anyway，我嘗試一次過答你啲問題，但你問得有啲多，如果我有漏左既，你再問我 :

咎落既問題，你係啱嘅其實
以前亞連體內既諾亞因子未覺醒，所以先用到innocence
而由諾亞記憶開始覺醒之後，亞連亦出現左咎落既前兆

瑪莉安元帥個到，
其實哪怕動畫，一直都有講瑪莉安元帥係一個唔按教團指示行動既元帥。
動畫最尾咪話左元帥失蹤同疑似被殺，其實之後好快已經講到，元帥呢件事好可能係教團內部高層做。只係動畫咁啱係講到呢part前面就停左。

心個到係啱既，心一收皮，就全部innocence被破壞

至於千年公，馬納，14人，係全個故事最大最吸引既謎，目前作者都未全部解晒。
最新連載進度係解緊呢個謎，解到一半
但馬納既精神失常同自稱千年公，就係搞到你覺得混亂既原因。
其實動畫開頭個個千年公，並唔到幾千年前個個千年公，只係世人誤會左以為佢係。

多謝巴打肯一齊解釋

當年好迷依套漫畫

我都無睇漫畫 剩係睇左動畫版1~3季
佢d劇情實在係太古怪

細個真係好鐘意 去到前唔知幾年無啦啦出多一季都有睇
不過勁短唔知出嚟做乜
又係要叫個孫燒比自己睇嘅一套野

其實佢咁寫法
應該會好難結尾
馬納同亞蓮 理論上應該係養父同養子既關係
但睇完你個劇情先知原來兄弟黎

坦白講 我覺得成套野個世界觀好黑暗
黑教團話就話拯救世界
但暗中做好多不人道 好黑暗既事
例如係第二驅魔師同第三驅魔師既實驗
仲有利用適合者既家人去做人體實驗
強制同步聖潔 搞到佢地d家人死哂仲變成咎落

如果話千年公同諾亞一族係不斷利用悲劇製造惡魔想毀滅世界
咁黑教團就係不斷製造悲劇去拯救世界
兩邊都唔係正義
套野真係令我覺得好失望

呢套野由連載開始已經係行緊邪道既皇道戰鬥漫亦係因為咁所以係jump度別樹一格，呢個亦係佢既吸引之處，亦係因為咁套野先好睇

記得當初書徒話因為惡魔係由人變出來，除左Allen外，所有驅魔師都分唔到人同惡魔，所以所有既人類都係千年公既同伴，所有既人類都係敵人。呢d設定真係正都仆街，依家睇設都唔out

不過依家個劇情超展開得太勁真係要睇下佢點收尾

其實我自己就唔太擔心佢會爛尾
我作為讀者想像唔到既野，唔代表作者都會諗唔到

就好似我係呢個post既一開始話，
佢成個故事到今日so far都係一脈相承，啲伏筆同解話都係有條理而唔係鳩黎

我估作者係本身有晒大綱係到，先再按住大綱黎畫

我只係擔心靚女作者既身體仲頂唔頂到

原來原本喺大阪有展覽
不過宣佈咗緊急狀態，暫時冇得睇
https://www.instagram.com/p/CN_05mpg8fJ/?igshid=1xchja64iylyg