故事終於完結,感謝大家支持!
故事所得迴響令本人有點意想不到,開頭寫嗰陣,因為一嚟有好多甜,所以都有預計過都會有啲人睇(估計係多過我上一個喪屍故),到後面劇情越嚟越老土,加上啲歌偏冷門,甜又少左,以為讀者會慢慢流失,但無諗到最後都推到第三個post,亦估唔到張playlist依家竟然有接近三百人follow左,有見及此,playlist會繼續保留,大家得閒隨時可以翻聽。
至於結局上嘅處理,確係有少少趕埋尾嘅感覺,由醫院直接fade out跳到去拜山,所橫跨嘅幅度的確有啲大,事實都係故意咁寫,特登喺醫院嗰度停,然後鏡頭一轉去到上山拜祭,諗住嚇下大家,等大家以為晴晴死左(雖然好快出返場
)。
另外,結尾我都塞左好多劇情落去,例如係結紮呢一part,感覺上係有啲無謂,呢樣其實係我見之前為左故事流暢度,刪刪減減左唔少情節,咁見嚟到結尾,就隨意一次,將諗到嘅嘢都寫曬落去,可能有啲位寫得急左,轉折位差左,但故事整體都係完滿嘅。
亦因為個故事算係幾完整,所以番外篇應該就未必會出,如有未完善嘅位就當係留白,俾大家自行幻想填補一下。
結語,故事完左,大家唔洗捱到凌晨四點幾五點爆肝等文,今晚早啲訓啦