仆街上司有咩特徵

度度都有依啲人，quit得幾多份

除咗不務正業同返大陸傾生意全部都中晒 見到樓上好似有ching講結咗婚嘅女人仲仆街勁認同 尤其是嗰d已經喺同一度做咗幾十年野 總之你只要一有少少唔順佢意 佢發現你開始識得保護自己 自己冇得懶係有晒款 就會開始諗方法整死你
明明下屬救咗佢佢串錯字啲Grammar又錯晒背後提咗佢佢先冇喺同事/甚至其他高層面前樣衰 但成日都要跌落地揦返拃沙 完全唔識感恩
有時自己睇漏咗個message(仲要係明明自己覆咗話thanks嗰隻) 都可以扮睇唔到跟住話我冇講過 12點幾一點send message嚟改嚟改去 已經有盡量覆 都可以第二朝話佢冇講清楚咩 甚至重要嘢send Voice message嚟都可以覺得冇問題🤬🤬🤬🤬🤬
思將仇報 自己中咗嗰個禮拜全部嘢都係我一個人撐起條Team(有其他teammate都中咗) 甚至同朋友食飯啲會我都要幫手開(本身係輪流開..) 結果要一路食飯一路聽住耳機 最後食完飯仲要捧住個電腦過馬路🤬🤬
度縮到中秋節飯都要人夾錢 同事嘅Farewell lunch 其實大家一齊當Farewell係冇問題 但係死都要扮大方搵間勁貴 仲要喺同事面前扮到自己請咁 背後叫個senior 叫人夾返三百幾蚊真係黐線
鍾意出風頭但係自己冇咁嘅氣質 其實做得啲咁高嘅位你行出嚟係真係要有咁嘅氣質適合返你咁嘅款先得
周圍扮識人其實人哋根本都唔想同你熟有咩問題唔係為咗件事而係要尋根究柢邊個冇教邊個
先唔好講度縮同恩將仇報 根本你咁自我中心覺得自己冇問題又要人跟自己方法 仲要成日強調自己係最醒嗰個 所有嘢都完全唔係討論 就算去為一啲嘢諗緊解決方法其實都一定要達到自己目的 咁鬼樣唔該你唔好學人哋隔離team head 人哋真係一行出嚟嗰款已經同你唔同

絕對認同...