依家d手機有多鏡頭, 有冇人已經唔想用相機？

以前用相機貪佢可以換鏡, 廣角長焦都得, 構圖可以好多變化, 但依家手機都可以做到...

同埋唔知點解手機影相個auto hdr快過相機好多, 影日光相手機仲好相機影d高反差d光位都爆曬, 雖然影raw都好容易執返, 但下下要執相真係好煩

另外之前唔鐘意手機影相唔可以set野同好味精, 但依家手機好多都有m mode, 同埋用緊xperia 1ii d色都準

不過暫時手機夜拍同長焦質素都麻麻, 但除左影星影遠野, 依家真係唔想拎部相機出黎...

有冇人同我一樣？d相機廠唔諗下新野, 下下仲食老本既話真係等死

相機粒u 淨係處理相

電話粒u 要處理既野多好多要勁啲

但電話做出來既境深此終都幾假吓冇得比

變焦呀ISO，鏡頭成像等等點都比唔上傳統單反

但講真，真係殺咗好多dc 仔市場

買輕便dc 既，差不多只得返GR, Fujifilm x100 果類，同埋潛水相機

action cam 都打埋dcb一份

本身唔追求景深，依家手機真係淨係輸高iso同長焦，可能本身相機有4.5級防震...
但係感覺手機真係追得好快，依家主鏡頭夜拍一般放上網都夠用

我想講係d相機廠不思進取...人地手機影相已經玩到咁多功能，人地hdr，夜拍mode可以即時做到唔會矇。相機個hdr要慢慢疊相...仲要好容易矇。手機可以做到即時share, 改相, gps呢d功能, 相機仲係好似停留緊係十幾年前咁...依家好多人影相都係想po ig, fb或者影完send wtsapp俾人, 見到olympus要賣相機部門真係好sad...

但d 相機廠又唔生性, 尤其是c/n呢d大廠淨係食單反老本

性質唔同既，sensor尺寸已經唔同，加上定位都係兩回事黎

影廣角風景相，根本就已經係手機好過相機
(如果係留念 post下FB IG, 做下wallpaper咁)

入門相機真係冇咩生存空間

唔放大相就唔大分別既，你試下放大少少少佢？ 淨係呢樣已經差相機好多，而相機用途又唔係鬥多功能既。

手機既相機功能唔知幾時變到變強大既指標，其實有d奇怪。 最多可以係無相機既情況下最好選擇，但同相機比差好遠下。

再黎就係睇要求去到邊啦

其實睇你想去到邊姐
不過一般入門相機真係冇咩生架空間

唔知有無影相佬會用手機影結婚相呢

相機遲早會被淘汰，太笨重功能又單一，冇咩用

電話係勁左 但永遠都唔會取代到専業相機。
好多時影野係等左成個鐘 得一兩秒機會影到，電話對焦得黎都收左皮。
你去影北極光 拿部電話影 一分鍾唔夠就會凍到熄機。

連有出電話既SONY都係咁
(仲要相機部幫番電話轉頭)
你想C/N點

要塞粒勁cpu加埋散熱可能大唔少，btw，我有諗過m43係咪可以向電話方向走，例如夜景mode，即時hdr，再加強化散景(將原本散景加強，咁就可以smooth過電話完全模擬散景咁)。

廣角先慘，電話廣角我見好多都畫質都麻麻

手機取代到既都係普通優閒用家 po下fb ig,或者淨係露下波咁梗係夠
稍為要工作or商業用都唔得啦 差好遠

咁但係 打擊到一啲入門相機既市場係事實黎既

再幫你po埋ig 應該咁先係大眾想要既機

用電話影放大啲啲都油畫化

尤其是c/n呢d大廠淨係食單反老本

清你冇玩相機好耐?

其實O記已經有疊相功能
另外夜景mode依家嘢, 防手震夠勁都做到類似效果
我拎住陳年penf 等效40mm都可以手持1.3s, 莫講話EM1依啲

不過wfc, 底大即正義嘛

近期成個相機界都傾緊R5R6

變形同邊沿畫質

DC 已經取代到.
35mm 同APSC 仲未取代到. 仲差好大段距離

咁係你唔識執相唔識用相機先影得出呢D bullshit

單係dynamic range, 手機已經輸曬

屌，你個人可唔可以成熟啲，諗下我講呢句野既context先？
本來上面幾個我都唔想應

相機影完個dynamic range係咪食左屎先？手機 (用iPhone做標準啦)影完直出就得，因為佢影果時已經計好哂。相機相好多時都要落LR執一執，最普遍就係要推一推shadow。仲要搞完一餐，Post上FB IG係無乜分別(廣角風景相~ 28mm)。所以我話”手機好過相機”。夜景更加唔使講，而家啲手機自動stack相，夜景都又clean又sharp到無淪，相機點做？又搞一大餐先得。我用相機影完一定會用手機補影，尤其如果相中有人

我地呢啲係電腦放到100%聞相tune相當然有分別啦屌

如果你都話，唔係喎手機相好垃圾，咁你問下自己係咪用緊$2000 垃圾Android機先，有無用過flagship Android同iPhone機？有冇用過night mode? 無既話唔該試下，效果嚇親你