電鋸人 03

呢到大家理解嘅友人應該係電鋸狗，
但可能唔淨係指佢。
76門後嘅秋，
今集門後嘅power,
都係唔開得嘅門

當時睇個個以為淨係講緊波奇塔
但其實係借波奇塔嚟埋伏筆去秋變槍魔返嚟個幕
唔重睇都真係唔會估到
當然一幕可以埋幾個伏筆，借返道門講解放波奇塔力量都有好大可能

雜誌版中間彩頁嘅標語通常都係編輯寫，唔係作者寫
單行本d中間彩頁全部都無字

我覺得 門後嘅友人 作為伏筆的確係淨指波奇塔會解放，
因為之前淨係得門後嘅波奇塔係有鋪陳。

而門後嘅秋，power，同秋變槍魔係無鋪陳的，
所以呢個 門後嘅友人 係秋同power上只係表現手法，情況，而唔係佢哋嘅伏筆。

我斷9估
電鋸狗仔應該唔係預示緊未來
反而係mkm想透過開門呢個動作黎觸發一D野
所以先有咁既"巧合"

Game of MKM

唔明
簡單啲講
波奇塔句不要開門已經係電次開門比秋同power而令佢地死既伏筆
只係伏得唔明顯，第一次睇唔會有人估到

我估係文學表達手法黎，
之後應該重會發生有關開門既事件。

同一個動作貫通晒成個故事，呼應某個主題。

咁咪啫係伏筆囉
所以重點都係開門呢個動作，而每次開門都關mkm事

作者想用開門去表達主角心態多過做個伏線比你睇。
如果係都要話伏線，咁呢兩次開門都係主角將來最後一次開門既伏線。

到完既一日你先知個作表想最後想點。

伏筆得波奇塔嗰到啫
秋power死都係結果
鳩估最後會伏到去地獄

汪汪汪

支配能力需要語言、指示動作去使用

電次無腦唔識理解命令，所以支配無效~

電次心理走向
:汪
:汪
:汪
:汪
:汪
:汪
:汪
:屌撚死你呀mkm

表達緊無知的幸福
之前冇開波奇塔度門係因為佢覺得唔係知道得越多越好
呢2次開門波奇塔都叫佢唔好開門，但mkm就叫佢開門，咩都唔好諗

特登追埋佢套炎拳
作者成日想講大道理
但佢D畫多過字同有時畫面跳得太快
搞到讀者要腦補
照咁睇最後都係死淨一兩個主角

應該以後所有門後面都係悲劇黎

如果選擇食禁果代表人有自由意志
咁開門就係代表人既服從天性

電次同其他角色(秋、天使)唔同，有自由意志，唔受mkm能力影響
遇過暗之惡魔後，電次已經了解無知係幸福，決定唔開門
明知開門係壞事，但只要mkm一出聲，佢心裡面唔願意都會跟住做

成件事代表人即使有自由意志，遇到權威都會放棄思考選擇服從

亞當食完禁果得到分辨善惡嘅能力
電次開門後究竟會得到咩？希望唔係只有悲劇

我估會得到真相，知道mkm係最終boss，電次會變成電鋸惡魔同佢決一死戰

有冇人留意其實佢地開門前同後點解會瞬間著左鞋
同埋啲狗一時有一時唔見哂

其實嚴格嚟講真係唔算伏筆嚟
電次開咗夢裏面對門會發生乜 同 秋 power死無關係
秋power會死係未來惡魔預視會發生嘅事實
電鋸狗無預視能力 根本唔會知道秋power會死 所以叫電次唔好開門同佢地死係完全無因果關係
作者要喺佢地死之前強調開門個動作 只係為咗將 開門 同 會發生唔好嘅事（電次嘅家人會死） 做一個情感連結
到電次真係要開夢裏面度門嘅時候讀者會聯想到有人要死了 嚟凝造不安 沉重氣氛
即係上面其他巴打講嘅文學表現手法
呢個都係電影經常使用手法

講真 其實道門係講緊主角心屝
只要唔打開 主角根本唔會感受到呢D痛苦既心情

冇話個夢同秋，power死有因果關係
只係話個夢為佢地既死落咗鋪墊

我認同開門包含對真相感到恐懼既情感連結
mkm想殺死power要求電次開門->出現電鋸狗門->電次打開門
呢幕可以解作文學表現手法

但秋死左嗰度就好似解唔通

正常文學表現手法應該係：
聽完電話知道秋變成魔人->出現電鋸狗門->打開門

但事實上漫畫順序：
電鋸狗門先出現->聽完電話知道秋變魔人->打開門
依家變成電次突然有第六感, 感覺有啲奇怪

門係串連個故事唔係代表單一場景既意義 波奇塔既門串連左現實開門依個動作 好似光希叫電次打人偶果陣唔好諗咁多 瑪奇瑪叫電次打秋唔好諗咁多咁