又愛又恨的國度-印度(多圖少字)

的起心肝打完第一個遊記-緬甸,雖然大家睇完都未必識點樣去緬甸玩,不過我都係志在同大家分享下我所見所聞,印度近少少係上年十月去,所以資料應該會DETAILS少少,你問我都可能識答少少.印度係我去過既國家當中覺得唔錯(因為建築好靚),但D人真係好密集,同埋D車瘋狂響咹,所以真係嘈到仆街,呢樣野好憎,廢話唔多講,去文.

我個行程係飛恆河(VARANASI)>再飛金城(jaisalmer)>跟住火車去Udaipur>Jodhpur>jaipur>arga>new delhi.首先去印度要上佢個網整簽證80美金,我第一次整唔知衰D咩就整衰左80數美金就比佢沒收左,然後第二次問完FRD再整多次先整到,所以唔識就問下FRD唔好亂填簽證D野了.整完簽證基本上都無咩特別,因為我基本上全部野去到先買,只要去之前訂好晒D機票,然後上網搵D代購買埋D火車飛就可以出發了,因為我全程都係用住HOSTEL WORLD住HOSTEL所以都無咩特別. 另外,錢我就出發錢係百年換左2000蚊港紙去14日最後去到ATM多左1000蚊去SHOPPING因為最後一日去左行大商場.同埋最好係香港買埋電話卡

過關時遇到第一個香港人,佢幫左我一個好大既忙,就係過關事個人問我去邊,我當時因為睇中文遊記多,所以係唔識讀VARANASI,所以問左佢點讀,然後個印度人笑我,真係7到HIHI

第一晚去到機場都當地時間12點,當地時間.機場係無電話卡買,所以直接去BOOK UBER跟住行去我既HOSTEL,去到HOSTEL都3點(估唔到凌晨都塞車),不過我去果陣唔記得左係咩節日慶祝緊先咁塞,落車後仲要搵唔到路,跟住好彩問左街邊D十幾歲細路佢開GOOGLE MAP幫我搵,總算搵到床位返去訓,間HOSTEL勁近馬路,最後成晚好似無訓過咁,第朝一早去行下DEW DELHI 個城,去左買電話卡先,再試下印式剪髮,跟住就9FINGFING等第朝再飛

biriyani(印度炒飯)同PANEER(印度芝士)係我最常食既野,同埋加杯LIME SODA通常都係咁配搭,然後街邊D野食同周圍茶(CHAI)我都會飲,去左差唔多三個禮拜都無咩特別,但我都係會買支裝水飲

第二日一早就搭果邊d小型飛機(前螺絲型),全程都震下震下,震到個心都震埋出黎,不過好快就落到,落到地就當然去hostel放低d野就渣部相機就出去影下相,果陣剩係google左varanasi呢條恆河最出名就係火葬同埋夜晚有個祭典,火葬果到行過去會有d所謂義工帶你入去睇,一開頭佢話帶我去睇跟住叫我隨心捐錢,跟住一邊睇火葬一邊同我解釋要幾多木去燒屍要幾多錢,然後最後set左個最低既價(幾百hkd)叫我捐,我話無,跟住佢問我有幾多,拎左幾蚊散錢出黎同佢講得咁多,佢收都唔收,然後佢後面賣木d人就拎左果幾蚊,所以對住印度人同佢鬥厚面皮就夠,因為佢地唔會錯過任何一個呃人錢既機會,而祭典方面就有d天台位會睇得特別好,佢地會收錢帶你地上天台,印象中早去就十蚊八蚊hkd,夜去就20,30都會有,唔會好貴,但係唔會想比,但去得都比左,記住講下價就ok

影得好靚

Thx

然後繼續係VARANASI(恆河)留多日,呢到其實都係一條河出名,D人會係恆河到沖涼,仲有人會飲,然後有D遊客就會去影下相咁,都無咩特別呢個地方,因為係我認知入面印度=最出名恆河所以一場黎到印度就黎埋啦,本身其實如果順路我可以直接飛金城慳返D機票錢.

捉一捉返印度係VARANASI遇到D人會話係義工/導遊,然後免費話帶你去行下邊到,參觀下邊到,我都跟左去睇個布廠,跟住我都無咩性趣同佢講我要去邊到,咁佢帶我去完我想去既地方我咪跟佢去佢地方睇下囉,睇完咩都唔買佢就會跟住你繼續搵機會,當佢知道無咩機會佢就會叫你比錢佢當導遊費呀,比佢買野食之類,當然我係加速跑走,自此之後都唔會亂咁同印度人搭"傘",因為佢地真係唔會錯過任何一個呃錢既機會,SO FAR佢地通常動口不動手.

一早離開VARANASI去到JAISALMER ,呢個係一個我最鐘意既印度地方,因為呢到比較偏離旅客區,遊客比較上少,車又少人,人又少D咁就當然無咁嘈啦,一出機場就搵左同機既人一齊夾的士去我地既目的地,因為呢到連UBER都無,所以出城市預左比人"湯",所以搵人夾一夾好D,然後呢個城都幾多HOSTEL下,我事但搵左間$20晚已經OK,跟住呢個城最出名就係desert(係沙漠露營),係HOSTEL通常都會有得報嫁啦($200HKD一晚全包),幾果癮,我果陣去有得騎下駱駝,然後就D印度佬會整野食比你食,食飽8點就開始睇星訓覺,會有張鐵床,然後訓係到睇星,佢仲派左張被,一開始我掉左落沙漠到,訓到夜晚凍到仆街先執返.另外,最出名就係D金色建築,基本上用腳就去到晒.

最尾張圖個印度仔係我係印度識既第一個朋友,一開始我叫佢幫我影相,因為我去旅行通常都係SET好個角度等人路過就叫人幫手影下相,咁佢影完相又叫我幫返佢影,又話自己都影相, 一開始都有D驚又係呃人,跟住問下佢金城有咩野玩,佢又好好人答下,跟住又同我交流下咩角度影會靚令我放低左戒心,跟住佢就帶左我去金城既一個湖邊影下船仔,傾下計就過左一個下午,夜晚仲帶左我去一間餐廳食飯(佢話係佢最後),但間餐廳一個人都無我都有D驚,但價錢兩個人食都唔駛100,咁我心諗呃都係呃少少錢,佢陪左我成日事但啦,跟住就食啦,最後都食得幾開心,佢仲送埋我返去HOSTEL,之後第二日佢就返左去佢既城市工作,我都有拎到佢IG,之後我個行程都有問佢關於印度既野.

咁第二日一早5點起身就去睇日出啦,因為我住係最金城最高位附近,行到頂可能都係15-20分鐘,點知行到上去真係得我一個人去睇日出,睇到一半先有D人跑步同有一個女仔上黎睇,夜媽媽行仲要比人吠,都咪話唔驚,睇完日出落返去HOSTEL訓一陣就等去沙漠露營,去緊沙漠之前佢會帶你去D村影下相睇下以前D廢城,咁如果你影相都幾開心既,跟住露完第日朝早就車你返黎,我就係市中心9行下,跟住坐TUKTUK去左附近一個遺址睇日落,跟住就見到班細路仔,佢地好開心係咁圍住我同我玩,跟住無啦啦有個細路仔伸手入我褲袋,咁我就屌佢地啦,佢地知事敗就走開左了,好彩我褲袋都少放錢,跟住開開心心繼續睇埋個日落,就返去HOSTEL食野同等等朝去藍城了(UDAIPUR)

留名

佢地好似好願意比你影相
好正

我去開果啲地方（第二三國家）都okay，反而歐洲我唔敢影

真，歐洲人對鏡頭好敏感

我唔敢去印度
睇遊記當自己去左算

搭左過過夜火車上到藍城,一朝早攰攰地就去HOSTEL放低D野就出發去影相啦,一早就行去JASWANT THADA(白色宮殿),然後影左一陣就再行去好近既藍堡(MEHERANGARH FORT)(要入去要比幾十蚊),去印度記住帶學生證,好多都有半價左右定再平D,跟住就周圍9行下,山頂有個位可以行出去有個大平地影相好靚(但基本上秘位黎無咩人會去),我果陣好彩有當地人行左過去(要爬過欄),跟住叫佢幫手影張相啦當然,然後就出返行去鐘樓(CLOCK TOWN)行下市集,食下佢隔離好多小食,跟住今日就完左

去得唔多外國,但去親呢D同香港差唔多發達既國家都少D影人,反而去D愈窮地方影得愈多,我好鐘意果種純樸既感覺,佢地見到IPHONE都會好開心果種,最後幾日去D景點撞到D小學雞參觀,成班圍住我玩相機同手機

其實無咩特別,去之前都驚驚地所以都做足功課(BOOK定火車同機票同第一日HOSTEL,睇下有咩景點,要買支樽水等等) 平時去旅行咩都唔理去到先算

可能我又幾日就打完呢篇遊記

係芬蘭 影間學校，比個手指公佢地，圖一望鏡頭個女仔就叫晒d fd望過黎影相

我係以色列都有影類似既野，感覺唔同

咩感覺唔同？唔明

果種簡單啲既感覺唔識講，窮人見鏡頭同有錢人見鏡頭果種反應？

留個名先

巴打幾時去呀