香港外流球員討論區 (27)

唔明點解仲有人吹奏葉鴻輝
踢亞冠盃嗰年對手盪遠柱就必入咁滯
手短呢啲先天劣勢好難救
咁大個弱點，叫人點買

你哋係咪反英雄輝

英雄輝頂多亞洲二線

澳門索夫天份勁過佢，可惜澳門人足球路難行

https://zh.m.wikipedia.org/zh/%E9%99%B3%E9%81%94%E7%87%8A

業餘都港甲成績好，俄超邀佢試腳因為公務員身份拒絕，始終公務員澳門鐵飯碗

Gk計英雄輝矮，高波有時救唔到
開龍門球差

11-7-2020 - HKT23:30 - 阿爾巴女子全國聯賽 - Tirana AS vs 維拉斯尼亞

咁佢打港隊真係好多神救

和左兩場中國隊一定戴晒光環

身材影響前途
如果佢190加top fit個段啲神救
就實有人簽佢

Agree
高嘅話易接高波
依家要跳高少少接

維拉斯尼亞周六原定作客對Tirana AS的聯賽煞科戰，獲特別安排移師往可容納逾萬人的維拉斯尼亞男足主場Loro Borichi Stadium舉行，而「韋婉」則表示只有一個明確目標︰「拎咗冠軍當然係開心，但係比賽依舊都係要咁樣踢。球隊本身作客都安排畀我哋喺主場踢，希望能夠以勝利嚟完結今個球季。」

直播？

梁祐維：「踢足球係自己最大嘅興趣，所以就算條路行得幾咁困難，我都一直要堅持落去，睇下自己到底可以走得幾遠。」

喺2018年離開東方龍獅青年軍，遠赴葡萄牙加盟當地乙組球會落里什青年隊，再喺今年年初簽約投效葡甲球會科瓦彼達迪，「一仔」喺過去兩年間，一直喺葡萄牙埋首苦練，希望有朝一日可以喺葡萄牙職業聯賽亮相。

人在異鄉，好多事情都要自己去適應同埋面對，諗返起過去兩年喺葡萄牙嘅日子，「一仔」話只能咬緊牙關，用自己喺球場上嘅努力，嘗試換取別人嘅尊重。「兩年嚟隻身飄洋闖蕩，當中一定會經歷過高低起跌，亦當然會有唔如意嘅事。有時候去到一個新環境，當地嘅隊友見到你來自亞洲，可能都會懷疑你嘅水準，不過你只可以埋首努力操練，嘗試用自己嘅實力去證明畀佢哋睇，你係有足夠嘅能力去同佢哋一齊踢波，或者挑戰佢哋喺球隊中嘅位置。」

雖然「一仔」外流葡萄牙嘅經歷，喺香港都引起咗唔少球迷嘅注意，不過佢自己就強調會腳踏實地，希望一步一步向上爬。「見到外界有人關注自己，我當然會覺得開心同埋自豪。但係我亦都有提醒自己，話畀自己聽世界其實係好大，大把年青球員畀我優勝，所以我唔想停留喺目前呢個階段。我要繼續迫自己進步，希望有朝一日，可以喺葡萄牙職業聯賽亮相。」

係既
龍門同中堅都係身型好影響

韋婉婷合約只係去到季尾，未知能唔能夠出戰歐聯
From: cctvb