大學畢業後去台灣讀一年碩士作為升學移民，可唔可行？

你去邊搵5000一個月嘅房租...................
你計完仲有6500
噉都唔使計勞保健保 水電費 保險？仲有畀屋企人嘅錢...
我係臺灣人我真係覺得依家臺灣人嘅生活好難儲到錢

對唔住，純抒發感受

其實覺得想移民又去目的地讀Master 搏搵工留得低真係好仆街嘅事，完完全全係So (JetSo)哂自己嘅諗法。
諗住又可以攞多個資歷又可以移到民，一雞兩味。

試諗下，咁樣同啲大陸人嚟香港讀一年Full-time Taught Master，然後留夠七年攞三粒星有乜分別？

如果正正經經做研究，讀PhD 之後留我覺得無乜所謂，因為對方國家Train 一個PhD 用咗佢哋好多資源，而且技術係好尖端，留佢喺度利用係利所當然。

但走去讀一個Taught Master 就換人哋永居，一嚟對方國家投入去Train 一個學位你對比你所能夠回報嘅少之又少，二嚟技術上一個Taught Master 嘅知識增長上根本就唔係尖端到一個國家覺得值得留，本身就雞肋。Taught Master 個人嚟講係CV 有用，但對一個國家嚟講真心無乜人才價值。

讀Master 移民根本就係最低成本攞人最大著數嘅方法。香港人唔好咁做啦。用自己優秀履歷出去搵工腳踏實地啦。

一個成工既商人係唔止撈一壇生意

讀個master就想移民 咪咁啦

咁樣既話我無話可說

不過唔好整臭香港人個名，導致全球排港就得
你已經失去家園，再排港，你無容身之處

會唔會隨時唔夠錢返香港

5000台我住緊
咁緊係唔係台北啦
大家唔信咪上網搵下房
水電租既水通常包埋
屋企人個Part咪話自己一個。
所以咪話唔求發大達唔求好似香港咁消費咪得

5000台幣間房你住喺花蓮定屏東？
台北台中高雄多啲工作機會但係就真係唔平
你自己一個人就得
但係我都好擔心畢業之後搵到工儲唔到錢
要畀錢屋企人仲有大學學費貸款...

Hf169

香港果兩年要全職 因為要拎稅局證明
而去台灣果1年唔洗做野都好似得

娶/嫁 台灣人 最好 聽手機GAME D 台灣FD 講

台南個邊
台北台中高雄真係多工簡好多
遲D 都可能上台北算
我覺得係睇你邊科grad
但想講呢面邊一科都會搵到工既咁…

連登仔fresh grad 50k
當你好撚柒得一半,都25k
要唔做野2年, 成本就60萬
有60萬有好多方法直接搞掂啦, 洗撚讀咩on99

同埋你唔做野兩年, 萬一讀撚完都留唔到台灣
返香港無人請架啦喎
d hr 八婆要求個個要工接工
見你兩年無做野見都唔會見你
到時你兩頭唔到岸玩撚完
所以我勸你就咪撚搞啦

有冇得半工讀？ 同埋如果例如香港做會計/法律 類似嘅牌 過到黎5萬困唔困難 好似好誇人地先得3萬

冇惡意
但係去讀master再移民唔點叫做攞人著數

外地人Master個學費已經好貴
加上我地本身讀完小學中學大學 食盡香港資助
台灣比一年master錢 就可以得到一個高學歷勞動力

等永居個陣又唔會有社會福利
反而消費起居會有稅收
移民仲會拎埋副身家過去 可以食埋外匯

冇撚得輸嫁喎

得，part time job

你會計有幾多年經驗？越多年經驗人工越高
我之前問過會計朋友

同埋未計你唔係台灣人，人哋台灣人國立大學嗰啲，流利台灣國語、流利英文、識聽/講台語。可以同啲上一輩客戶溝通。點解要請你一個國語有口音、唔了解台 灣文化嘅人。 同埋台灣如果唔係做大公司高人工嘅工，普通打工仔慘到無倫。

大遲啦依家先諗

唔係，基本上2年或2年半畢業。
同埋搵工門檻可以用計分制，唔一定要5萬蚊台幣。
利申：上年台灣碩士畢業

馬來西亞人普通話/粵語/英文/馬拉話/台語都識，去到咪仲慘過台灣人，打埋啲濕鳩工。台灣唔會當港澳人係外國人的，只有白人先有外國人待遇。

個個嫌人工少。
想搵錢咪留港做藍絲止暴制亂囉。
包搵錢。

我係臺灣人呀
上面我話我個朋友識講流利日文 英文 佢係土生土長臺灣人
佢都係識聽識講台語而佢大學畢業有去日本留學
之後返臺灣搵到間日本公司
佢人工冇30000台幣我都覺得幾離譜

台灣要睇做咩
專業人士（工程師，醫生等等）45000起跳
我學長電子工程師起身點62000
年終有花紅同獎金，加埋第一年年薪100萬以上
雖然對比香港嚟講唔多
但做多幾年一定上到車（睇地點）
唔夠30000果班係做服務業