月亮光光《廟街有殭屍》月亮光光 ２【由殯儀館屍變說起】

今次隻錶冇壞嗎？

推呀推呀

推推推

好jeng吖

我推我推我推推推
到時要你寫到喊

一開電話就9點 大大力推番野先

9點喇

9:01

文呢

9:06

你隻錶既9點即係實際時間幾點？

瑞典沒有貓我都有睇，不過係完故後追返
仲ig direct 過你講返個故
不過我唔會話你知邊個係我

係咪聽朝9點

加油......其實我好怕睇gay廉d 故 好好睇但最後又會好sad...

「但呢啲子璇都唔知，佢淨係覺得我離開佢爸爸，喺佢生意失敗時離開佢。」呂嬸續道：「不過人都死咗啦，都無乜再好講。」

「辛苦妳啦呂嬸。」我說。

「我相信子璇有一日一定會明白妳嘅用心。」AV仁道。

南門蔚只是跟呂嬸擁抱一下，沒有說什麼。

一時間人有三急，去了一趟廁所後，我又單獨在走廊遇見呂子璇，心想真是尷尬無比，誰知她會不會又發脾氣，但在我們經過的一刻，她輕聲說：「對唔住。」

喔？

有一秒我以為自己幻覺，可是回過神來，才意識到她⋯⋯

道歉嗎？

看來她也不是太壞。

「你做咩呆咗？」

「無⋯⋯原來妳都會道歉㗎？」

「係就係，唔係就唔係，錯就一定要認，呢個係我做人嘅宗旨。」她說。

有一秒我挺佩服這個十多歲的女生。

「而家爸爸走咗，你要同你媽媽好好生活落去。」我說。

「邊個要同佢生活？一夠錢我就會搬！」她又回復野蠻的個性。

「呢個就係妳做PTGF嘅原因？」

「係咁又點？」她不滿地問，防衛機制大開。

「妳唔驚咩？」

「咁一係你教我點快啲賺到錢？」她嘲諷說。

「點解要賺快錢？」

「因為我唔想對住呢個女人⋯⋯」

就在我們談得不停之時，卻聞到一股奇怪的氣味，無以名之，但是像腐爛食物的味一樣，飄在四周，定睛一看，似有一股森綠氣的炊煙在空中四散。

「⋯⋯」

「你望咩？」呂子璇順著我的方向望去。

「妳見唔見到？」

「見到咩？」

「嗰度有啲綠色嘅氣。」我指著綠氣所在的遠方。

「無喎。」她左右顧望，斜目而視說：「唔使咁玩我喎。」

「妳真係見唔到？」

「得，我知上次係你救咗我，多謝囉，唔玩啦。」

「吓？」我感到莫名其妙，只見那煙飄出的地方，正是呂生的靈堂。

回到靈堂，我見南門蔚也神色凝重，站在門外，不斷觀看停屍房內。

「我呢⋯⋯啱啱見到⋯⋯」我想對她說，卻已被她截斷。

「煙？」

「係啊，妳又知嘅。」

「你有啲進步，係屍變緊氣。通常殭屍形成後先有，但你而家都見到，證明你唔同咗。」

被她一讚，我有點飄飄然的快感，說：「咁⋯⋯我係咪變咗高手？」

「基本步嚟，離高手差得遠。」

「等等先，如果你講屍變緊⋯⋯即係？」我大感駭怪說：「呂生屍變緊？」

今次準時

過咗一百正評，夜啲再出

係 今次準時咗

21：00

樓主... 好似有啲牽強？
個女畀人追債到學校佢都唔知佢老豆衰賭錢？

其實想問返
周采蘋喺香港定秦國人 ?