月亮光光《廟街有殭屍》月亮光光 ２【由殯儀館屍變說起】

巴打 睇完郵差個故好鍾意過嚟睇埋新故
有少少意見 唔好介意
我覺得有d位可以寫多少少細節
例如見到果隻鬼船 可以描述多少少隻船嘅外觀
船上d鬼嘅衣著表情/主角見到隻船嘅感覺
感覺上情節推進得唔夠自然 收尾比較倉促
故事好好睇 等你再更

Gay廉陪我

VIU TV正

多謝清湯嘅意見
的確好多嘢可以寫多啲
不過都係時間取捨問題
如果真係有時間我會寫多啲

Come

會唔會玩到上HKU

「係囉，傻仔，我生日我要食鮑魚。」

「得！」
係咪得我一個諗歪咗

玩到上月球

得你諗

快啲出文

收工前有無文呀?? 得閒又推下

應該有

我想知gay廉係正職係作家？因為呢個故事先認識到你

Push

我等左電影個故好耐啦

唔係，如果正職係作家我應該餓死咗好耐

好故輕輕一推

皮已正

等左電影故好耐

希望仲可以寫到

係一定要寫呀
我好想睇呀

「係呢⋯⋯其實我有啲嘢想問。」我說。

「乜嘢？」AV仁說。

「嗯，我想問有無人聽過高街？」我說。

「我知啦，我以前喺嗰度做過嘢，我遲啲帶你哋去就得。」AV仁說。

吃得七七八八的時候，AV仁夾好餘下盛菜，仔細的放進飯盒內。

「留返聽日呀？」呂嬸問。

「唔係呀，我帶畀小君。」

「小君？」我問南門蔚：「上次嗰個小君？佢住呢度㗎？」

「一樓。」

「一樓？唔係雞竇？」

她細聲說：「嗯，佢係一樓嘅⋯⋯工作者。」

「咩？」

「嗯工作者。」

「妳大聲啲啦。」

「性工作者呀！」

「喂！我聽到㗎！」AV仁怒視我們說。

「其實係咪佢女朋友？」我又輕聲問。

「你自己問佢。」她說。

他包好飯盒後，隨即捧盒而去，我好奇之下，便尾隨他落樓，來到一樓滿是霓紅燈的地方，各有不同佳麗站在門口開價，一個紙醉金迷之地。

他越過人群，來到門口的第一間房，敲兩下門，就有一個十七年華、清純脫俗的女生出來，正是跟我們去海洋公園的那個小君。

「嘩！多謝你！」小君說。

「攰唔攰？我帶咗啲嘢嚟畀你，快啲食！」AV仁說。

「係甜喎。」南門蔚不知何時在我的身後，一同監視。

「車，妳咪又係咁八卦。」

「我想落街買嘢經過啫。」

「咁嘢呢？」

「而家唔想買。」

「妳認我又唔會笑妳。」

「喂！你兩個，見到晒啦。」

只見小君跟AV仁兩個人望住我們，看來已經發現我們，小君只是微笑的點點頭。

我們來到糖水店，一碗「榴槤忘返」送上，小君興奮得不可交加，雙眼閃閃發亮，用湯匙輕輕向榴蓮一盛，送進口中，流露出美滿的笑容。

「嗯～好好食呀哈哈，好幸福。」小君說。

誰會想到一個這個天真可愛的少女會是妓女？

「我可唔可以問你一個問題？」我問。

「嗯？」小君說。

「喂！」AV仁似乎意識到我的問題說：「咪亂嚟呀。」

「妳點解會做呢份工嘅？」我已經沒有理會他。

「因為爸爸欠債。」她答得倒也爽快。

「但⋯⋯差人錢仲有好多選擇⋯⋯」我說。

「因為我爸爸借嘅唔係普通嘅大耳窿，係廟街最有勢力嘅黑社會，所以點還債唔到佢話事，嗰畢錢都俾我爸爸之前講嘅大咗三倍，佢話，呢個係最快最直接。」她說得輕鬆，但內容卻是非常沉重。

要還債加上父親的傷害，這是什麼答案。

「希望快啲還完啦。」我說。

「嗯！」她露出滿意的笑容。