月亮光光《廟街有殭屍》月亮光光２【由殯儀館屍變說起】

西樓月如鈎

1001 回覆

493 Like 8 Dislike

西樓月如鈎 2020-05-20 21:22:54

「嘩！」

「做咩？」

「有人喺水底拉我隻腳⋯⋯」

「咁真？」

五個人列成一隊，不斷被撲出來的鬼嚇到，化妝倒是真實，我也佩服，但當越深入鬼屋，水就越深，進入到中心位置時，水已淹半身，聽到一點怪音，然後四周滿是寒氣。

「噠。」

本來我在最後，只聽到排在前頭的AV仁驚叫：「小君⋯⋯」

然後就是一陣撥水的聲音。

「咩事？」我問。

AV仁說：「小君⋯⋯唔見咗⋯⋯被人拖咗入水。」

接下來，就是AV仁的叫聲，順著就是子璇也不見了。

「？」

西樓月如鈎 2020-05-20 21:23:05

一隻慘白的手從水底捉住我的腳，只感到冰冷的刺痛感，我嚇得縮開了腿，南門蔚馬上右手捉住那手腕，左手拉著手臂，將之拉起，一個整身腫漲腐爛、穿紅色中式婚紗的女鬼被抽出。

「相機。」她說。

「係。」我急急忙忙掏出靈動相機，很好自從搬了到廟街以及做了南門蔚的助手後，我每時每刻都會帶着相機，一來是廟街入夜後多鬼，二來跟着南門蔚就等於無時無刻都有撞鬼的可能，因此要預防不時之需。

她的雙手雙腳被重重捆上了鐵鍊，動彈不能。

「你哋係邊個？」她的眼睛是極陰森的黑色，還有黃色的眼珠，露出奸邪的笑容，問我們。

「妳又係邊個？」我問。

「我問先。」

「有無聽過問者先答？」我說，轉身對南門蔚講：「呢條友真係唔識規矩㗎喎。」

南門蔚白了我一眼，問：「你已經俾我哋綁住咗，都唔會走得甩，不如都係乖乖地講。」

「講？有咩好講？我完全冇野要同你哋講，你的一個二個都係衰人，一個二個都應該要死！」她歇斯底里地叫道。

「好重怨氣嘅鬼，今次唔使妳講我都睇得出。」我說：「快啲將我哋嘅朋友交返嚟！點解妳要喺呢度害人？」

「你啲朋友只有死路一條。」

「究竟點解要咁賤，殘害其他無辜嘅人？」我問。

「無辜！？咁我唔無辜？我就抵死？點解無人可憐我啊？吓！」她吼叫。

西樓月如鈎 2020-05-20 21:23:17

「佢係一隻好出名嘅鬼，專喺新娘潭附近殺人，睇佢應該生前受咗好大怨屈，所以變成，隻厲鬼。」南門蔚解釋。

「小姐，妳都有啲料，不如做我替身。」

南門蔚沒有應她，我倒是緊張我一班朋友到底會否出事，急追問：「唔還返我哋啲朋友就會對妳唔客氣。」

「要還返佢地都可以，但係幫我做一件事先。」

「咩事？」南門蔚問。

「殺一個人。」她說。

「無可能。」南門蔚答。

我則哈哈大笑。

「妳咁勁，妳自己唔殺？」我問。

「怨靈係殺唔到殺死佢嘅人。」南門蔚解釋。

她再補充：「加上佢一直戴住好多鬼神牌嘢。我埋唔到身。」

「一係咁，我哋互不相干，你還返朋友畀我，我唔理你。」我說。

我知道南門蔚一定不會認同我的做法。

「唔要就算，但你朋友可能就無命啦。」她說：「我已經同殭屍有協議，深信佢今晚就有行動，我嘅復仇大計就完成，唔使靠你哋。」

這時，幾經辛苦，她終於掙脫到一鐵鏈，潛入水中不見去向。

我探頭落水，只見什麼都沒有，讓他們三個人也不見了。

「而家點算？」我問南門蔚。

「要搵返佢哋，只可以收咗佢先。而家唯有追住佢怨氣。」

西樓月如鈎 2020-05-20 21:26:03

Sorry 我向大家道歉先