[ 香港光復 華人聖地 ] 利物浦停賽暨等待黎明討論區

果然係好地方

【黑鏡線索】
早前WSJ踢爆，Apple過去幾年，不斷有高層已警告，公司唔好咁過份倚賴中国製造，要分散風險去其他地方，不過最終都被Tim Cook否決，好哋哋唔好搞咁多嘢。

喺香港，就算689年代，中国不斷粗暴破壞本身已經係A貨嘅一国兩制，佔中之後，主流社會都冇點再凝聚到抗爭精神，就算好唔順氣，普遍都係認命嘅氣氛，覺得冇乜得搞。

本來溫水煮蛙，睇怕都會無風無浪將香港煮熟。但中国同777就硬係要開猛個火搞送中，直頭明刀明槍咁將兩制嘅幻象都消滅埋，乜嘢五十年不變嘅承諾提早收工，於是大家覺醒，反正都係死路一條，已經冇得輸，why not put up a fight？

全球撤離　拒絕倚賴中国

就正如，武肺之前，就算中国幾乞人憎、幾肉酸，又NBA又剩，文明國家，都只係出吓口，至多同你貿易戰吓，就算中美貿易戰，都係砌砌傾傾，一輪一輪咁，睇怕會拖好長。中国恃住自己二十年嚟鋪路，做到變世界工廠，於是睇死大家，毒癮太深，已經甩唔開中国，冇足夠意志去反枱，因為反枱好煩，短痛不如長痛。

結果，中国先發毒、拖延、繼而輸出、然後推卸、仲要攞彩，一步接一步，一拳接一拳咁，終於成功將各國推過臨界點，逼到大家反枱。民間有奶茶聯盟追擊中国五毛，政府有日本帶頭宣佈，撥出22億美金補貼工廠搬離中国，唔理你搬去邊，搬去南極邊都有得攞補貼。

美國都跟住宣佈，同樣貼足100%，畀美資廠撤出中国。有理由相信，Tim Cook而家最忙嘅，係嗱嗱臨大幅減低成條製造鏈對中国嘅倚賴。

的起心肝　保持社交距離

當全世界人都聲討中国，有民意加持，各國政府對中国嘅social distancing已成主流。橫掂都炒晒粉，係時候㩒reset掣，的起心肝戒毒，重新上路。

所謂韜光養晦，正正係要防止天朝主義翻生，冇咁大個頭，走去戴咁大頂帽，將之前咁多年儲落嘅成果，一鋪清袋。因為（領導人）個位傳吓傳吓，總會遇到個錯判時機，敢於亮劍嘅，咁就大鑊。因為有啲嘢，放咗就收唔返，冇得undo。好難先撻得着positive feedback loop，一旦撻着，就會開出一條永不交叉嘅平行路徑。中国逼到全世界反枱，到頭來回力鏢返轉頭逼自己入牆角，入咗牆角嘅中国，挑起戰爭時刻正在倒數。

而呢個，睇怕只係the beginning of end。

撰文：宋漢生

正
鞋帶咩埋一邊係特色嚟

踢過咁多對波boot
最好踢最舒服既就係T90
岩哂我呢d闊腳撚

回舊燈好了

要敗走？

點解可以覆得咁快

追擊戰

挽留

觀塘熱撚到
落去買個飯成條底褲都濕晒