(舊聞) 杜魯門拒絕援助國民黨，真的是為了報復蔣介石選錯邊？

徐蚌會戰果時紅軍堆蘇聯重炮點黎?
點解滿洲國堆日本護士會入晒紅軍?

蔣介石最異於毛澤東嘅地方就係骨頭唔夠軟，唔可以好似毛澤東只要有利益就時而舐美、時而舐蘇，舐到乾乾淨淨

蔣介石嘅所謂謀求平等，其實就係想成為列強之一，呢個咪就係國民政府死因囉，冇咁大個頭戴咁大頂帽。佢唔單止葬送咗國民政府喺東亞大陸嘅版圖，仲有份導致後來東亞一連串嘅災難。一切都係源於佢比中華民族同國恥史觀洗腦。

係孫文同佢喺北伐戰爭開始引入列寧黨國體制，將各地軍閥擊敗，破壞地方自治，靠蘇聯資源建立重建編户齊民社會，咁嘅社會唔單止對平民殘暴，仲令社會結構變得脆弱，呢個先係中國赤化嘅主因。

最諷刺嘅係，蔣介石帶領中華民族成功驅逐帝國主義，表面上係成功，實際上係極度失敗。各地軍閥加上列強利益互相制衡，本身好地地，然後蔣介石話中華民族要吐氣揚眉，垂直管治，結果就岀事。

二戰後中華民國話就話叫五常，蔣介石理智少少都應該知中國係咩料。
成個二戰中國都係靠外國顧問同技術，蘇聯顧問因為德蘇戰爭撤離中國，中國就即刻收皮，好似就快玩完咁。美國顧問開設駝峰航線，中華人民又開始英勇反攻。
好喇，二戰後美國顧問撤岀，世界五常中華民國反而輕鬆比有另一個五常蘇聯支持嘅共產黨收皮

本來中國係可以做一個普通嘅發展中國家。如果唔玩北伐，英租界範圍可以有馬來西亞生活水平，日本勢力範圍甚至可以有亞洲前列水平。
如果二戰後認清自己真實水平，唔會成個中國都落入毛澤東手中。
蔣介石唔係一個公園9up嘅廢老，佢係一個國家領袖，所以佢係犯下大錯，係歷史罪人。

尼克遜係共和黨個喎
六四嗰時老布殊係共和黨

老美係民主國家 依個真係民主國家缺點
當時已經00聲聲傳返去美國話美國支持南越殘殺人民
加上吳生佢有d位唔太聽老美話
但講真個d位你無得唔死撐 仲要直接找CIA隊死吳
做到幾核突

btw越共係美國既文宣戰係打得好靚

中美三個聯合公報公佈係尼克遜嗰時簽㗎！

國民黨打輸大陸千萬個原因，冇美援事實上係咪咁重要？定只不過係老蔣同國民黨用黎諉過於人逃避責任？我自己覺得國民黨打輸主因係老蔣個人問題同戰略問題，同美援關係不大。美援主要係用黎救經濟，但軍事方面都係靠返國軍自己。國軍唔爭氣，美國畀幾多錢都係一樣

美軍最大敵人應該係國務院、國會同國內左翼，排名不分先後

若果美國真係合埋雙眼放手唔理，1946年孫立人一過松花江衝散東北共軍根基，關內共軍就如同甕中之鱉；美國最大問題係喺錯誤嘅時候強出頭，先係施壓下達六月停戰令，然後再出武器禁運斷國軍補給，唔好話美援啦，你俾錢佢都唔賣，咁點打啫

最on9係對伊朗
捧高美尼取代巴列維係咩料
高美尼係人都知反美反到出汁
你走去幫佢奪權唔係以為佢會感激你做你隻狗吓話
講真中東今日咁撚亂
罪魁禍首就係美國唔死撐巴列維

你話有蘇聯重炮就有？
比source好喎
之前夠有人話有t34啦
咪又係97式
下面一樣source

一句講晒
南越會因為政治鬥爭送精銳去死
而國民黨既衰嘢南越都有仲更加勁

總之美國未來衰落既話
其中一個最大原因係定係外交政策冇遠見+一塌糊塗

幫你蔣光頭西方一定保唔住港澳同馬拉，毛澤東上位反而仲可以保住依三地。(毛澤東利益為上，蔣光頭民族主義上腦)

韓戰開始前美國夠乜都唔俾大韓民國啦。最後turnout 一個分裂既韓國對日本係最好。越戰埋單計數美國都係用南越換黎中華人民共和國

我記得依個直頭係老美誤判？以為巴列維好穩

算啦
胡忠南十萬大軍係延安都捉唔到毛澤東幾千人
基本上國軍除左五大主力連填線都做唔到
打飛機咩
東北果陣咁勁係因為五大主力塞左三個係入面

巴列維79年已經cancer末期有心冇力
哩個時候唔快啲揾佢啲心腹接班人代佢仲妄想捧個反美既高美尼做第二隻狗
老美你真心弱智唔係扮個wo

搞啦唔好ff啦
如果毛澤東利益為上就唔會中蘇交惡啦
蘇聯只係要係中國領土建立一半屬於蘇聯長波電台
毛澤東已經跳制話殖民帝國主義之心不死
睇下書先啦好無

打得既國軍將領
一係抗日死左 一係後來頂唔順民國既腐敗而投靠共匪
例如張自忠

尼克遜訪華時只係簽咗上海公報
上海公報只係兩邊各說各話
其他兩個尼克遜已經劈咗炮

只可以講美國咩都勁
最柒係外交政策
每任總統政策南轅北轍完全冇連貫性
最柒係對美元霸權走火入魔
邊個唔用就打邊個
不過冇法 美元一收皮佢即刻倒退返石器時代
總有一日全世界會反佢霸權而滅亡

東北戰場係戰略問題，就算孫立人同白崇禧打到上哈爾濱都唔會解決到東北戰場，戰略問題永遠唔可以用戰術問題解決。老蔣一開始就太大幻想希望拎返成個東北，明明國家補給線根本就上唔到北滿，南滿已經係頂點，仲要多得美軍幫手空運國軍係北滿大城市搶點同出船運兵去秦皇島幫國軍進駐南滿。戰略上想同時解決關內關外共軍，導致顧首顧尾。仲有滿州補給線超級脆弱，共軍民兵基本上控制左地面補給線。由一開始就應該放棄北滿，以錦州或瀋陽為界，專心做好關內戰線。

黃埔系同老蔣根本唔識帶兵打仗打運動戰完全係九流水平，淨係識打陣地戰防戰仲要靠抗戰士氣加成
桂系都打得，但本身有牙齒印唔會出完全力幫中央軍
中央軍一冇五大主力即刻變垃圾就知佢地知軍有幾垃圾

好難頂得順
果陣你作爲一個軍官
你份糧比師長剋扣
作戰裝備糧草俾軍需官貪左
要拎就要額外俾錢
蔣經國果陣諗住整肅呢d貪腐問題
發覺所有貪嘅人都係宋子文 孔祥熙d靚
亦即係蔣介石最大金主+姻親
你俾我都投共

你啱，我搞錯咗！

不過當年台灣被逐出聯合國嗰時
尼克遜有份中共合謀，
放手唔阻止台灣被逐出聯合國