(舊聞) 杜魯門拒絕援助國民黨，真的是為了報復蔣介石選錯邊？

因為美國當初係想好似德韓咁分裂南北中國

點知玩大左，連半邊中國都冇埋

東北中共食硬

你識唔識架
仲同日本和談 你估你仲坐得穩個位

依種思維唔係垃圾，如果冇影響佢利益/低機率會影響佢利益，佢冇出手都好合理。

我話日本係「敵國」係回應緊你講「上海問題」，因為我唔知你講緊北伐定係講緊淞滬會戰，咁如果係講淞滬會戰嘅話，日本偷襲珍珠港之後已經係中美英嘅「戰時共同敵國」，淞滬會戰嘅問題自然變得不足掛齒。到戰後之後蔣介石主張維持日本統一、保留天皇制，以德報怨到日本老人心懷感念嘅政策，完全睇唔出佢喺戰後有繼續當日本係敵國嘅心思。

英國戰後仍然以世界一等強權自居又的確係歷史事實，特別係邱吉爾仍然覺得大英帝國係世界重要力量，呢個想像去到蘇伊士運河戰爭被美蘇聯手打擊先至真正走向破滅。但現實情況係英國戰後本身都百廢待舉、國力江河日下，基本上已經冇得埋枱玩中國問題；中共炮打完紫水晶號之後粒聲都唔敢出，就知道英國已經冇能力再影響戰後中國問題。

至於美國杜魯門政府短視兼受蒙蔽亦都唔係新聞，去到韓戰開始先至如夢初醒，美國人自己都問緊「Who lost China」，由魏德邁到麥克阿瑟我相信都唔會滿意杜魯門政府嘅中國政策。

蘇聯圖謀不軌，呢個唔係大家都知嘅咩？

我唔會話因為有呢啲外在因素所以蔣介石或者國民政府完全冇問題，佢哋本身包經濟政策在內都有好多問題，但係呢啲外在因素係確實存在，特別係美國偏袒中共嘅問題最顯致命。

我見你哋兩位巴打都有個共通點就係覺得蔣介石謀求平等係一種錯誤，但如果代入返時代背景而唔係用今日嘅角度去睇，中國自鴉片戰爭之後一路處於任人宰割位置，去到二次大戰之後終於成為五常之一，開始可以對周圍重新施加影響力，喺嗰個時候想自己唔再受制於人都係一個好正常嘅諗法，唔通去到嗰個位仲要做死狗咩。

你可以話佢唔夠身段柔軟，冇做到毛澤東為私利一面倒舐蘇聯咁舐美國，但人有人格、國有國格，以老蔣作為國家領袖嚟講佢嘅立場又唔見得有乜嘢大錯，只能夠話時不利兮。

可能係再低級d，某個左膠寫。
班左膠係去到侵侵郁慢慢周先發現佢嚟真，之前一直話黑馬ttp可以制衡中國。

唔同意聯合中國制止蘇聯係錯，蘇聯威脅大好多，而且中國軍事仍然係廢。

花邊路邊新聞
當年馬歇爾使華
咁去見支共時
係咁留意太祖身邊嘅江青
太祖就係佢身邊
講自己最崇拜華盛頓

四次都係民主黨總統任期
民主黨除咗羅斯福，其他

第三點
直接決定同支共建交
放棄同中華民國邦交
係民主黨總統卡特
仲要佢呃國會同國務院去做
原因：帶來太平洋和平

尼克遜事後都批評佢
要建交，佢同基辛格兩個一撚早做咗
駛俾你去收割

聯支制蘇 =/= 要俾佢食住
當時支怕蘇仲多過剛輸咗越戰嘅美國

係周恩來功勞

但歷史證明毛澤東贏咗內戰英美都冇任何好處，佢哋係中國嘅特殊權益已經喺1943年《平等新約》裏面取消咗，但係毛澤東勝出內戰之後佢哋直情連通商貿易都有困難，例如《中美航海通商條約》根本無從實施。

更大嘅問題在於埋下韓戰同越戰嘅禍根，影響整個東亞嘅安全穩定，甚至到後來中共自己輸出革命，喺全世界範圍內成為一個極大嘅亂源，扶植東亞地區乃至全世界共運。

咁從最後嘅結果去睇，好明顯西方（其實着重就係美國）喺戰後嘅中國政策係全盤失算同失敗。當然香港因為咁嘅形勢執到死雞又係後話啦，如果只係從香港本位出發當然係幸運，但係從整個人類文明尺度去睇都係一個大災難嘅開始。

美國杜魯門政府雖然短視，但係同蘇聯合作更加係與虎謀皮。蔣介石由1920年代孫逸仙博士代表團訪問蘇聯開始，再去到北伐期間討論喺庫侖出兵嘅問題以及蘇聯顧問企圖篡黨奪權，就已經清楚知道蘇聯嘅野心所在，冇可能同蘇聯真係合作。

其實話蘇聯想食東北已經唔使睇
蘇聯從來冇想要過東北
而話蔣介石大中華主義上腦更加on9
蔣介石成個國共內戰最抵讚就係奶蘇聯鞋底奶到乾乾淨淨換取佢唔幫毛澤東
(中共接受蘇械要到韓戰中後期先有
蘇援要韓戰後期515協定後先開始
蘇聯唯一對中共幫助就係將東北繳械既日械轉交中共instead of國民黨
但東北大城市蘇聯係趕走哂中共軍隊比國民黨接管)

然後你同我講佢得罪蘇聯所以輸國共內戰

根本唔死撐南越就係錯誤

中共戰時出過一篇舐美文章叫《民主頌》慶祝美國國慶，好撚過癮

老細
死撐得到先得架
南越最後仲衰過國民黨呀大佬

其實點樣為止最後仲衰過？
佢南越內部係貪污嚴重 但的確吳廷琰越南反共第一人
老美隊死佢個陣 連胡志明都話老美殺死左自己最強大既狗

北伐果時國軍仲成堆蘇聯顧問
早排睇本講蚑那裝甲列車史既書，講北洋軍同國軍裝甲列車對戰既情況，根本係係蚑那打既俄國內戰
(北洋既白俄雇傭兵打國軍既蘇聯顧問)

都唔係嘅，蘇聯一開始都係協助中共接收東北，但主要係俾佢接收偽軍同埋日軍裝備，土地就因為受制於《中蘇友好同盟條約》要依約交還。但係蘇聯都係玩嘢，一開始遲遲都唔交接，等到中共部署好晒之後佢哋先至突然間話即刻就走，結果蘇軍走咗而國軍未到嘅時候中共就填補咗個軍事真空。

蘇聯嘅企圖應該都係分裂中國，但係毛澤東有自己諗法，去到1949年史太林叫佢停低劃江而治，但中共已經有毛有翼，睬佢都生芒果

老美啲養契弟政策真係on9
一係唔撐一係撐到盡啦好心

Binc