(舊聞) 杜魯門拒絕援助國民黨，真的是為了報復蔣介石選錯邊？

咁不如學蘇聯買兩邊, 三邊

照你咁講我都無大錯吖，正正因為老蔣深具民族節氣，因而無以為蘇聯所用，亦因此即使喺老蔣主持下中日韓越四國提攜，都無可能成為蘇聯滲透工具，最後西方仍然可以喺東亞進行貿易獲利，只不過大家以後要平等相待、歐美不再以殖民宗主身分高高在上咁解，點都唔及中共竊國繼而引發東亞赤化骨牌效應對歐美威脅大。

劉仲敬拋開老蔣因素去講中華民國會變蘇聯白手套，有乜實際意義？

劉仲敬咪話蔣光頭一早因為上海問題得罪英美，就算杜威上台都唔會撐蔣光頭

你因果關係掉轉咗，係蔣光頭肯做蘇聯白手套先有機會建立到佢既大東亞共榮圈

對英美黎講，幫蔣光頭唔單只攞唔到蚑那，仲會無埋港澳同東南亞，幫毛澤東就保到港澳同東南亞，你係英美你會點揀?

其實英美心目中既中國係胡適既第三條路

蔣介石嘅問題係佢唔清楚中華民族係虛構嘅，自身不成體系。
共產主義可以背靠蘇聯，殖民主義有歐洲同印度支撐。中華民族三十年代驅逐完帝國主義，仍然要靠馬來亞同緬甸換外匯。

將所有列強都得罪嘅蔣介石，輸比後來得到蘇聯支持嘅共產黨，有咩咁岀奇？

點解美國啲proxy廢過蘇聯個啲咁多

美國放棄南越換咗個中華人民共和國返黎，其實有賺

老毛韓戰後求蘇聯唔好係旅順撤軍，滿洲國重要係因為大連的軍工廠，老毛邊到有真係為了統一中國

因為大中國主義得罪美國，因為要搶香港得罪英國人，因為堅持滿洲主權得罪史太林，史太林1937年已經準備將老毛賣比老蔣，仲建議處決三百萬中國人先可以解決不忠誠的問題

唔清楚劉仲敬嘅「上海問題」係指幾時，如果係講北伐舊賬，1927年412清黨已經足以表明反共心跡；如果係講淞滬會戰，咁日本偷襲珍珠港之後已經成為中美英共同敵國，細枝末節又何足掛齒？

中英之間心結在百年國恥加香港問題，加上邱吉爾仍然以帝國自居，本身就蔑視中國，矛盾反而比較實在；但戰後英國日落西山，對中國影響力已經江河日下，連中共都可以炮打英艦，再加上邱吉爾下野，對戰後中國局勢已經無足輕重。

中美之間本無舊怨，羅斯福年代甚至係中美合作施壓英國交還香港，只係繼任人杜魯門目光短淺，加上受美國國內親共分子蠱惑，因而對中國／中共產生錯誤認知，一廂情願想將中國帶向美式兩黨制，結果斷送全局。去到1948年老蔣押注杜威，其實都係搏個機會咁解，杜魯門政府本身就一心想縮。

對英美而言，支持國民政府或者的確無辦法維持英美作為舊殖民者喺東亞嘅舊特權，但至少仲可以繼續同中國以及東亞平等貿易，各歸其位、相安無事；但支持／姑息中共，歷史上嘅實際結果就係中外貿易中斷、北韓、北越大舉侵略引發赤化骨牌危機，實踐證明威脅更大，西方尤其是美國明顯係嚴重失算，禍延今朝。

至於蔣介石會甘願做蘇聯白手套就更加無稽。以蔣介石個人性格特質而言，作為三民主義同中國傳統文化嘅忠實信徒、堅定嘅民族主義者，無可能甘願屈從蘇聯之下為其驅使作侵略工具。就政治信仰而言，蔣介石自1920年代率團訪蘇之後已經開始反共，蘇聯逼簽《中蘇友好同盟條約》奪去蒙古以後更無可能走向親蘇。國民政府扶持越南國民黨同大韓民國臨時政府全部都係喺各自本國同共產黨打對台、爭天下，又要如何作蘇聯白手套？

老蔣喺日韓越嘅布局，明顯係希望恢復歷史上中國同呢啲國家嘅舊交、繼而獨立於美蘇喺東亞自成格局。

你同另一個巴打都話睇劉仲敬，但係一個就話蔣介石企圖背靠蘇聯、一個就話蔣介石得罪蘇聯，咁到底其實係點

小資產階級軟弱性：你老蔣已經開始耍流氓但未夠徹底，而且做雞仲要立貞節牌坊，國共合作的意思就係要學北伐，令共諜去碰瓷日本人，去發動虹橋機場事件將日本人引入來，但勝利果實(上海、滿洲)要歸我大中國主義所有，老毛就堅決站在無產階級國際主義立場反對大中國打擊老蔣，好似令外蒙獨立

結論：民主黨當選美國總統=養大中共

下，唔使睇劉仲敬都應該知孫文蔣介石北伐係靠蘇聯，去到二戰後先失去蘇聯支持啦...

根本唔可以結果論
果個年代根本睇唔出國共會有咩分別：

經濟上：
1. 蘇聯共產黨既計畫經濟當年口碑唔係咁差，因為無人實行過，抱有憧憬

2. 政治上，國民政府本身就係軍政府，後來搞國大都係建立於圍威喂既情況。中共後來又搞類似既人大。無人知老毛會獨裁

3. 人民支持上。國黨搞到咁，中共反而得民心。無論中國人民定美國都只係想要個穩定政權

4. 結果蘇共中共好快就現形，爆韓戰，東歐染紅，再越戰，呢一步一步先令d 人知道原來係獨裁cls 政權。 反觀台灣其實都唔好得幾多，一樣係入白色恐怖同假民主長達30~40年。唯一分別係資本主義同計畫經濟。民主人權自由上分別唔會好大。

當然，計畫經濟害死更多人。


總括而言，人都係短視同唔能夠預測好多野。

當年最重要係：
1. 有飯食，經濟穩定
2. 唔再打仗
3. 唔死人

民主反而唔係最迫切，而且國共都無一方可以保證民主。佢地協商內容都係不同政黨去分豬肉分幾多席位。

當年係無人知共產黨係咩料既情況下，根本無得好講

你有冇發現，你成段野入面，話英國係帝國主義，日本係敵國，美國短視，蘇聯圖謀不軌。所有二十世紀初對遠東有影響力嘅列強都比你話晒，全部都係人地嘅錯，令蔣介石失敗

呢個咪正正係蔣介石失敗嘅原因囉，事實證明佢一定做代理人先生存到，但佢偏偏認為中華民國同人地平起平坐，結果咪收皮囉

經過咁多次反口覆舌，蔣介石係列強眼中根本就係一個首鼠兩端嘅流氓，毫無信用可言，點會撐你？你估人家打完二戰唔洗休養生息？

1941嘅德國：乘勝追擊，差少少可以贏晒成個stalingrad，驚西咩

對英美黎講，你反共係應份，唔代表你反共就可以郁佢地。
蔣光頭無咁大個頭又要帶復興華夏依頂帽，咪搞到自己兩面不是人。

毛澤東贏咗內戰，英美咪照可以保住係東亞嘅舊特權同蚑那做生意。學19才子話齋，毛澤東係香港既大恩人

美帝比中共入WTO都係想搵食姐
事實證明比中共入世
美帝奶左好Q多平價勞工乜乜77貿易
但美帝再一次低估共產黨的排外同野心
而加養到太大
以前都唔係未中過招
可能真係蘇聯比佢靠經濟收皮左
安逸十年又重蹈覆轍
以為可以靠感化經濟文化等令中共統治的中國走向民主自由
點解今時唔同往日
中共係走向1984式的極權
連科技都用黎監控
前蘇聯都做唔到的野中共做到喇

但講戰後你就話蔣介石唔會做蘇聯白手套、另一個就話佢做蘇聯白手套，咁到底佢係做定唔做

你唔使打稻草人喇，邊有人咁講過？
事實係戰後蔣介石拒絕將滿洲交比蘇聯，導致後來敗走台灣

我從來都係話蔣光頭唔做蘇聯白手套自己攞黎衰