係香港冇一大舊本就冇資格投資

佢最後寄語一句真係一句好簡單既野


努力未必會成功，但唔努力就係一定唔會成功

唔洗諗太多，與其諗咁多，不如用埋D 時間/腦力/精神，去再努力Ｄ

傳銷都講得出黎既

我十年前grad思考過同樣問題，最後結論係有無資格投資唔係睇個本，應該係財務知識同心態

好簡單，減息同貨幣政策對經濟有咩影響？油價、出入口等等數據又代表咩啟示？
答唔到即係知識同閱讀量唔夠去理解環球經濟方向，又點做岩既投資決定。
投資工具都好緊要，買股、優先股、企業債、REITS、CEF，定係樓、鋪位、車位，定係期貨、期權、窩輪牛熊，定係做生意？
如果你諗住買股買債，一定要識睇公司年報，唔識就要學無得懶，上網聽人講既免費料先係最貴。

心態要靠經驗。今次武漢肺炎係幾好既學習時間，難得股票資產樓價升左十幾年大牛市，可以遇見百年一遇既美股熔斷。跌市應該咩心態？溝貨定斬倉？買樓應該咩取向？

樓主學多d財務知識，視野都會唔同d，加油

Health science 入面其中一科專科 非常穩陣
不過天性 好賭
20頭炒細股牛牛熊輸過30萬
之後博命番工 隔一年又輸十萬

好彩叫學到啲野 當交學費

貧者愈貧富者越富，弱肉強食。強個班仲要大部份係一命二運三風水。就算你眼光幾咁獨到投資技巧幾咁高超，比你scientifically砌到個model backtest results幾咁亮麗，maximum drawdown幾咁低，sharpe ratio幾撚柒靚，個long-term expect value幾撚咁positive，你有冇咁多本落注係model run出嚟嘅每一個signal/model expect你應該要做嘅risk management?

講緊就算呂麗君咁幾十億比人斬倉都係當跌咗買餸錢咋。

認命啦

利申：ot緊

只睇香港 投資選擇好少 由其他地方發掘下好D 始終香港資源已經比班老野搶哂 其實香港可以9按買樓係好爽 不過講買樓好似會比人屌 但係股票同樓我就揀樓

幾年前股票同樓 比就係樓
But now 一定唔係
論return 大把野好過樓
輪彈性更加唔洗講

我覺得都係儲下錢先
儲個陣睇下書睇下新聞
到有禁上下本錢先開始試

樓主係咪想學下投資?不如tg傾?

多謝你！
事業上已經好努力
不過都希望人生唔好得事業
留啲時間畀更重要嘅人同事

冇錯 難得股市十週年大平賣 就算繼續趺 以後睇返都一定係低位
港樓好在可以借9成同對沖返租金 防守之選 除此以外投資價值不高
全世界食完IPHONE同衍生品既浪 唔知之後會出咩新野 冇咩方向

多謝你！
我宜家都搵緊啲書學睇年報

咁都唔算揀錯科呀
共勉之一齊努力！

加油！
其實講講下我更想要係呢方面嘅知識
有本唔識risk management 遲早乞米

依d似賭錢多
中左就叫眼光

我都覺！
但香港樓市真係好唔健康投資真係好危險
好多都冇水位夾硬升

共勉之
唔好all in 排ifc就得

唔係

D回覆好似難得正常

樓主加油！我都係近一兩年先開始睇書學理財投資，
之前太過及時行樂，覺得錢搵來就係洗
乜都唔識嘅時候除左咁都唔知可以點學，
難得最近大跌市，真係個好時機，可惜自己都冇乜本
都係要努力返工先，始終返工份糧係幫自己累積本
巴打有冇開始睇開咩書或者頻道學，可以交流下

咁就好
加油！

其實都係睇左窮爸爸富爸爸series
一啲講點控制市場上嘅情緒
YouTube就睇好基本 例如咩terms 點解
不過就唔知點選股(應該都係睇年報)
同埋唔想再靠感覺去買
想知道每一個動作背後嘅意義(唔係因為我想我覺得)

牛市個陣是但買都會贏