太多野講唔哂,我覺得backpacker相比觀光客係多咗一種背包客精神,想同外面嘅世界connect, 除咗常規觀光打卡路線,佢地會想喺其他途徑上去探索同體驗地方,例如徒步,沙發客/hostel homestay,順風車。佢地渴望追求有意義嘅人際互動。正正佢地果種態度,衍生出各種backpacker嘅特質,即係你地成日聽到嘅backpacker唔搭的士,唔住酒店果啲。
但其實backpacker旅行嘅方式唔係重點,唔一定要日日食麵包,瞓火車站。最主要都係旅行態度嘅分別。
不過有啲人將背包旅行變為一種炫耀滿足虛榮心嘅工具,以為拎住個背包就覺得自己係backpacker, 缺乏果種同世界connect嘅態度,唔係發自內心嘅喜愛。
總括嚟講係學到野嘅,如果內心同動機正確,個世界觀真係會大啲,識得放低自己舊有嘅價值觀,又會識尊重異地文化而接受,同多啲陌生人接觸,就會發現呢個世界真係比想像中大,要不斷透過旅行中學習。