原本諗住講粵語入文，但啱啱睇到啲資料，可以佐證我先前嘅觀點。
之前幾個post我提出粵語不屬於漢藏語系，而係壯侗語嘅一員。好似呢幅圖咁。
呢個睇法可能太顛覆，引起好多巴打爭議。但我發現類似觀點，語言學界入面都有人論證過。
淅江嘅潘悟雲教授，佢一篇論文提出呢幅關係圖。
佢認為吳語、粵語、閩南語呢啲南方「方言」，係源自百越語，受古漢語影響而來。
至於台灣嘅羅肇錦教授，佢就由客家話出發，得出下面呢幅圖。
佢哋兩位嘅共通點，就係認為南方語言同壯侗苗瑤係同一支，相對北方漢語係另一支。
佢哋呢個睇法，同我觀點如出一轍。只係佢哋礙於傳統、政治因素，冇將「南方語言唔係漢語」呢個結論宣之於口。
而我就好直白咁話畀大家聽，粵語唔係漢語，佢同壯語、泰語反而親啲。
打個比喻，粤语同壯語、泰語係親兄弟，同漢語就係師徒關係。粵語當中大量漢語詞，係借用得嚟嘅，類似日語當中嘅漢字咁。
我覺得呢點一日唔搞清楚，粵語入文都會有好大盲點。
我先前個post: https://lihkg.com/thread/1884504/page/1
潘悟雲論文：https://wk.baidu.com/view/ab87f50b79563c1ec5da7138?pcf=2
羅肇錦論文：http://www.ling.sinica.edu.tw/Files/LL/Docments/Journals/7.2/j2006_2_12_2821.pdf
