上post講到，粵語訊息量超過漢字所能負載嘅限度。用圖像表達，就係呢幅圖咁。
1. 普通話所有字都可以用漢字寫，所以佢訊息量少於漢字。
2. 所有漢字（除和製漢字）都可以用粵語讀，但粵語就未必可以用漢字寫。所以粵語訊息量大過漢字。
3. 漢字訊息量大致同普通話重疊，但略大於普通話，事關有粵製漢字同和製漢字。
所謂粵製漢字，例如「𨋢」。
所謂和製漢字，例如「榊」。
目前仍然有造漢字又繼續使用嘅，除咗漢人，就係粵人同日本人。而壯字、侗字、喃字呢啲已經廢棄嘅字就唔討論喇。
睇返幅圖，即使加埋粵製漢字，粵語仍有一大片係漢字覆蓋唔到。呢片有音無字嘅領域，我叫佢做「待字領域」，就係粵語入文最大挑戰。
咁點填補呢片領域，我下post再講。
(後記：我摷網上資料，發現原來有台製漢字，但資料唔多，唔知道有幾廣泛應用。
另外台語「古錐（koo tsui）」係可愛，討人喜歡咁解，同粵語「過制」解有趣，音義皆似，係咪同一個詞語？
有懂得台語的朋友可以介紹一下嗎！）
