【真結局篇】《女朋友全家變咗隻蛋》（１０）

我試圖用八赤圖突圍，諗住佢會因為業火而鬆開手，但一啲效用都無。我索性趁佢未完全握實之夢，兩手一撐爬出隻枯瘦嘅手，避過俾佢捏碎嘅一劫。

逃脫咗啱先隻手，一抬頭又多三隻手向我緩緩咁襲近......

我轉身跳去佢背部嘅眾手處，一路爬落去之餘，一路拎八赤刀插入佢身體，務求喺佢身上留低最多嘅業火。插咗接近七、八刀後，紅神目不堪煩擾，原本不斷向上移動嘅巨大身軀忽然似條魚咁，喺半空游動返到地面嘅嗰座島嶼上，打算將背部壓落地面，順便將我壓死......

眼見及此，喺佢將身體壓落去之前，我更早跳到落島嶼上，然後狂奔出佢壓下嘅範圍。

「呯──！」一陣沙塵滾滾。

紅神目發出低沉、哀長嘅叫聲，再次用密集嘅手將我包圍。

我搵盡任何時間同空間，一有機會就喺佢身上留低業火嘅痕跡，但到目前為止佢都不痛不癢咁，有一次更用指頭捉住咗我件外套！想舉我到半空再放低跌死。

我即時金蟬脫殼，除咗件羽絨落返地面，再繼續逃走。

「嗄...嗄...」我轉身望向紅神目，佢又再次飄浮喺空中。

咁樣落去......

唔係辦法。

插佢隻眼！

去湖底呀

真係好慘佢同阿政拍拖嗰陣陪咗佢咁多年 無撚端端變咗粒蛋之後失憶 跟著同自己條仔經歷人生重要階段嘅就變咗其他人

跳水式直插爆頭

我望向「紅神目」原本想移動嘅位置，係緋紅嘅天空上一處破曉嘅光芒，嗰到就係我由井底跌落到呢個世界嘅連接點，亦即係入口。

奇怪......

點解我會咁清楚？

忽然間，我感覺到眼角有液體溢出......

係血。

難怪我會咁清楚，我睇到咗事物嘅本質。

之後，我又將視線放落面向我嘅紅神目身上。

巨大而宏偉嘅佢擁有無限生命，係傳說級嘅半神生物。

但除此之外，我仲睇到佢嘅隱藏嘅真正本質只有一個......

就係佢心臟位置入面嘅「八赤勾玉」。

紅神目好似知道讀取洞悉緊佢一樣，再次發出非人能形容嘅聲音，使出密集嘅伸向我。

我一路向前疾衝，一路避開佢枯手嘅抓捕，直至到好近佢嗰陣，紅神目正在燃燒嘅眼球突然釋放出鮮艷紅光！

只需要俾紅光照住就即刻令到我全身僵硬，潛意識有命令我跪拜嘅強烈暗示......

live咗

liveee

睇到好緊張

以為佢起碼會做啲特別嘢 點知原來係雜魚

但佢無俾任何機會我，下身嘅觸肢一撥！就快狠咁打向我，我就好似受到貨車硬生生嘅撞擊咁，被擊飛數米之遠......

「嗄......」我癱瘓喺地上，全身就快發唔到力：「咳、咳！」

我就好似卑微嘅蒼蠅咁，佢只需要輕輕一撥，就將我打到半死。紅神目彷彿對我不屑一顧，發出奇怪嘅聲音後再次游浮移動向人間嘅通道。

好明顯咁，我全身嘅骨骼都幾乎被剛才嗰下拍斷。

只可以眼白白睇住佢進入人間？

就算殺唔到......

都要、

都要拖延到入口關閉。

日出，

只要現實世界嘅日出一來臨，兩個世界嘅通道就會斷裂。

我拎出泉叔之前交俾我嘅傳家之寶，幸運兔腳。

我眼睛睇到咗，吞咗勾玉嘅野兔喺未被獵戶一家食用之前，泉叔阿爺周白就已經射斷咗佢隻腳，所以某程度上呢隻都算係兔子人肉。

只要放入口......

放入口...


就可以。


「......」我將幸運兔腳嘴嚼、吞入肚內。

呢隻係兔仔人（純粹）？

唔好啊

政

屌 人地俾佢傳家之寶你
點知你食撚咗

失敗了吧

stranger thing咁 upside down既世界

我都諗緊明明跳落去嗰堆先係關鍵
但主教跌落黎嗰泉叔帶頭衝去集火佢