十日菠蘿的海三小國（含圖）

陸路入白俄都免簽?
最怕要搞好耐，成車人等

免簽呀
不過過關啲staff都唔係好分得清仲要唔係好溝通到
同埋入境白俄要check你有冇買保險，比唔到證明就要即場同佢地買

入白俄超順利，出境煩d

出境仲問我點解無visa 佢咁樣質疑入境點解比我入

唔知立陶宛係咪少見特區護照還是搞唔清China/ hksar 分別，個姐姐問senior 後，驗屍咁逐頁護照咁掀，最後祝我happy trip

Sigulda錫古爾達


Sigulda（我全程讀佢做是鳩但正音係是鳩da）係距離Riga大約一個鐘多少少車程既城鎮
我地果時係搭火車去既，由於班次好密，所以都係去果日先買飛
呢個地方係立陶宛人介紹比我地，佢地話Sigulda入面既Gauja National Park好靚，車程唔長交通又方便，再加上朋友好鐘意行山，所以就決定抽一日時間黎左呢個地方


Gauja National Park入面有好多條行山路線，車站隔離有個information center，入面有齊哂每條路線既資料
佢會話哂比你知路線長度，難度，會經過咩景點等等既資料，可以依照你既個人喜好搵一條岩你既路線

車站同information center對出


不過呢個國家公園好少人，應該係你跌左落山都唔會有人知，所以唔係行開既就唔好挑戰高難度喇（上網有review講過呢度都幾多蛇）
我地揀左條比較簡單但長既路線，行行下天氣突然間變差同埋好凍


中間經過左呢個Gutmanis Cave



好多好多既木梯，傷膝青年表示有少少痛苦


一個人都無既行山徑



我渴望有一個平原 沒有政府沒有治權


城堡都係其中一個景點，但去完Trakai就覺得佢無咩特別


行多陣突然間放晴！心情即刻開心番哂哈哈哈哈
藍天加草原影出黎既野靚好多架嘛


回頭一望見番頭先個城堡，發覺自己原來已經行左咁多路


呢個地方係無咩野食，想去既朋友記得自己帶野食去
我地就on99咁餓左成日，要番番去Riga先食到野

最後搭呢架黃色既古老火車番Riga


我地去既時候係夏天，大部份既景都係綠油油既樹林，比起冬天雪景或者秋天紅葉就一定會遜色少少大家可以上google睇下相，係其它季節黎會係第二種感覺

有唔少地方都搞唔清特區護照同支那果本既分別
見到特區護照上面個china就會問你有無visa
岩岩renew左BNO，遲下可以用佢出國

塔林有乜推介？
等陣到

見到你個user name，推介間餐廳比你
Vegan Restaurant

同埋廣場有間古董舖我都行左好耐

果時去仲好多大陸人 希望ching等陣可以見少啲

睇完好想去

剩係去過Tallinn
Riga好似幾靚

見到都覺好寫意

三個國家既首都我最鐘意都係Riga

其實行程我可以再pack密d
不過人老左發現去旅行hea下個感覺幾好
特別係番左工之後真係唔想咁chur

心動不如行動

早排去北歐順便去咗半日塔林 好靚 好想再去玩耐啲

樓主影相好靚

Tallinn塔林


愛沙尼亞係三小國入面發展得最好既國家，SKYPE都係起源於呢到既
周圍行下都會見到多大牌子既舖頭，物價都相對上貴

由里加出發搭巴士大約4個鐘黎到塔林，係酒店放低行李就即刻出去行下舊城
塔林舊城區分為上城同下城，上城就係比有錢佬住而家下城大多數都係比平民住
連接住上城同下城有兩條街，叫長腿街同短腿街



第一時間就要去醫醫個肚先，本身諗住去食好出名既一間餐廳叫Rataskaevu16，但好可惜已經Full Booking
所以就去左附近一間食vegan既餐廳
Beetroot薯容加杯朱古力，好好味


我地先係下城區行，先經過尼古拉斯教堂


之後到上城區既亞歷山大涅夫斯基教堂，呢座東正教堂當地人唔係太鐘意，同佢地唔鐘意意俄羅斯一樣道理


係上城區想睇愛沙尼亞全景就要去觀景台，其實好多地方都可以睇到
不過上網見到咁多相都覺我得口圖觀景台影出去係最靚

同場加映，隻雀搶哂鏡


呢座叫聖瑪莉教堂，係愛沙尼亞最古老既教堂


參觀KGB既時候發現，有無人要相認


呢舊野叫肥瑪格麗特塔，真係好肥


上網發現好多本地人都會係Linnahall睇日落，咁我地決定搭uber過去望下啦
果日天氣睇唔到個咸蛋黃，但望到波羅的海都好心滿意足
（其實係芬蘭灣定波羅的海呢，有無人可以解答下）


回程既時間個天都好靚


呢杯朱古力雪糕個樣唔太吸引，但食落朱古力味又濃本身個雪糕又滑
食完一杯忍唔住要食第二杯


塔林係一個又靚又優雅既城市，發展得好又不忘保留番大大少少既歷史建築
不過可能因為佢同芬蘭好近，成個塔林都迫滿哂由芬蘭黎既一日團，當中大部份都係大陸人，認真大煞風景

Pack太密 辛苦過返工
悠閑啲好

好似好正 嚟緊暑假會去芬蘭 中間預咗十日去呢三個國家玩 想知有冇啲咩證件或者車飛要提早搞

預早book巴士同火車 會平啲
Book左時間唔岩可以refund，每次一歐手續費
證件無咩特別要搞 三個國家都免簽證 巴士過境完全無人理

好正 睇完你篇嘢覺得芬蘭冇咩好玩 特別係夏天

我最尾一日去左Helsinki 聽日會打埋
去左芬蘭堡囉 都幾舒服既
不過聽番黎芬蘭都幾悶無咩野做

要喺芬蘭留成個月 夏天去聖誕老人村又冇咩feel

Helsinki 赫爾辛基


黎到最後一日，見係塔林無咩野做，就決定搭船過大海，去赫爾辛基Day Trip
船飛我地係早一晚先book，船公司就有幾間選擇，最後我地搭Viking Line，比起其餘兩間較平（來回一個人大約三十幾歐）

食完酒店早餐就搭uber出碼頭上船啦，上網買完船飛去到碼頭可以自助拎票，十分方便

船上面有餐廳，我就無試，因為諗住係Helsinki食多d野
大約過左兩個幾鐘就到啦


碼頭對出有個market，我諗應該係假日限定，有野食有小店

行左陣就入去old market hall

飲左碗好出名既湯（要成舊水港紙..）後面堆麵包係可以瘋狂refill



行多陣就坐船去芬蘭堡，船期大約一個鐘一班


芬蘭堡係六個島合成既海上要塞用黎抵禦俄國人，而家就變左世界文化遺產


落到船有個information centre，可以跟住佢個blue route行
其實成條blue route得1.5km，唔使兩個鐘就行完
有時間既朋友可以行埋其它景點

呢到夏天既景色都幾靚，而冬天黎就會落哂雪，但聽朋友講會大風到仆街

國王大門


之後搭番船番去Helsinki，食埋最後一餐就準備番Tallinn啦



Helsinki既黃昏



回程既時候係波羅的海睇左最後一個日落，感覺成個trip好完美好滿足

lux express 是個好東西
歐洲咁多間巴士公司
應該係佢同regiojet最好