特拉凱 Trakai
Trakai係維爾紐斯附近一個城市,最出名就係上面既湖中城堡
雖然大部份都係重建既,但每日都吸引到好多遊客黎參觀
呢到仲有得玩熱氣球,係天空上面望番落去城堡都好靚
出發之前係airbnb整左個扮哂健康既早餐
之後就由Vilnius搭巴士去Trakai,搭半個鐘左右就到
由落車行去湖中城堡既時候會經過一間賣朱古力既店舖
杯野係佢即場溶左d朱古力再比我飲,真係超級特濃好好飲
行多陣就到湖中城堡,大半日就係城堡入面影下相,圍住個湖散步
我地要等到六點先有熱氣球玩,所以成半日係到休閒地hea
城堡入面
求其入左間餐廳,呢舊食落好似薯餅,幾好食
經過見到有個啤酒妹,買左杯啤酒,500ML 1.5EURO!!
飲住啤酒,坐係湖邊成個鐘,仲訓左陣覺
杯啤酒一飲有陣梅味,一開始有少少唔慣,但愈飲愈好飲
行下買下手信,好快就到六點啦,慢慢行番去巴士站,準備玩熱氣球
行番去中途發現左個好靚既景,影左好多張相
個湖靚到反哂光
我地Join間公司叫Hot Air Lines,一行有六個人,到左之後傾左陣計,佢地大部份人都知反送中既事,仲主動問我地既protest完左未
傾左一陣簽埋生死狀就上車,但懷疑司機唔識路,搞到勁耐先到熱氣球開始既地方..之後一直等..
呢張相令我諗起挪威的森林(雖然無雪),有睇既朋友留個言啦
期間佢仲叫其它人幫手,心諗佢公司唔夠人成咁...
起火!!
升上去感覺好特別,雖然應該無土耳其咁靚(樓豬下星期去
),同埋個城堡望落比我想像中遠好多
拿我真係見識少,原來降落係要成個籃90度訓底,果刻上面仲要有個鬼妹責落黎
好搞笑不過真係責到我好痛
但我笑到停唔到
重點黎啦,日落完落番黎個天真係靚到嘔
其實肉眼望係有紫色,不過得部iphone仔影唔到個效果出黎
我咁大個女都未見過咁靚既天架
呢張相係對情侶黎,我覺得好有你的名字既感覺
落到黎竟然要我地幫手收野
都叫係一個幾好體驗黎既
番去既時候個司機話車我地兩個番維爾紐斯,佢話佢住我地airbnb附近,但其實得兩個女仔有少少驚
中途佢仲車我地去停車場話要換車
個停車場勁黑,真係比佢先姦後殺都唔知咩事
最後換完車都順利番到airbnb,大家真係唔好學,去旅行最緊要安全意識要高呀