係夠嘅,一般患有飛沫傳播嘅病人需要被移動嘅時候其實戴住個口罩就已經可以阻擋到佢絕大部分嘅飛沫,而你見到佢個床頭係pop up左咁運送可能會擔心萬一佢一咳咁咪飛哂啲嘢去前面,但係因為佢係患有肺部嘅疾病,如果唔坐起身佢係好難呼吸到,所以一定要keep住佢坐係度
係病房入面嘅話基本上佢地係長期係一個被隔離嘅負壓病房(係好大間要同人share嘅,最理想嘅情況當然係無個要隔離嘅病人都有一間獨立嘅隔離病房,當然公立醫院係唔會有咁多位同房咁比你隔離啦
),所以係病房出面嘅人相對地嘅風險係比較低嘅,而且啲患有飛沫/空氣傳播疾病嘅病人都需要長期戴住口罩,咁就唔會咳到四圍都係。但都唔好因為咁而疏忽自己嘅清潔衛生,係admission嘅過程中病人都有可能已經散播左佢嘅病原體去醫院嘅每個各落,所以各位去需要醫院嘅人一定要勤洗手同戴口罩
而至於係啲醫護人員嘅措施方面,佢地身上面嘅PPE(personal protective equipment) 你可以見到有gown(長袍),手套,n95面罩(after fit test),faceshield,眼罩同帽,其實理論上已經可以防止到病人由任何途徑傳播疾病到佢地身上,但都唔排除有任何人為因素而導致佢地中招,例如R痕/抹鼻涕除左個口罩啦、身上嘅equipment未著好、equipment有破損等等,所以真係自求多福