那都是很好很好
2020-01-21 00:28:06
176
「我有女朋友啦。」我緩緩道出,不知道在害怕什麼。
「係咩,幾時嘅事?」阿櫻若無其事地問我。
「琴晚先一齊。」
「恭喜你啊,終於唔洗成日睇到你苦瓜乾咁樣。」她笑著說,我卻笑不出來。
「你幾時介紹下佢比我識?」她又問。
「有機會先啦。」我沒有正面回應。
「你要對人好啲啊。」
「嗯,我知啦。」
「唉,好攰呀今日,我想訓陣先啊。」
「咁我出返去啦。」
「嗯。」
我輕輕關上房門,嘗試不驚動側躺床上,面向牆壁的阿櫻。
「唉屌...」我靠著門嘆了口氣。
阿樂此時打開房門探頭出來。
「喂,問成點?」他稍稍說。
「佢本來冇事,不過依家有啦。」
「吓,即係點啊?」他追問。
「遲啲先講啦。」
「屌,神神祕祕咁。」他說完又關上房門。
我在沙發上坐了一會,卻理不清思緒。
「食得啦。」王太在廚房出來說,同時向著走廊大喊。
我看著枱面上的飯菜,始終想不通為何阿櫻未能從她母親上學會一星半點。
「食咩啊今晚?」阿樂邊出來邊問。
「自己睇咪知囉,叫埋你家姐出黎啦。」王太說。
「你去叫啦。」
「衰仔,小小野都唔肯做。」王太儘管口中罵著阿樂,但仍是自己走去阿櫻房門外。
「食野啦阿女。」
「......」我在客廳聽不清阿櫻細聲說什麼。
「佢話唔食啊,我地食住先啦。」王太回到餐桌說。
「咁你先生呢?」我好奇地問。
「佢未收工,唔洗等佢啦,食住先啦。」
「哦。」我應了一聲。
而阿樂早已動起筷來,想來是已習慣了。
整頓飯就在沉靜中度過,只有間中王太問問我倆的相處如何,我們亦有默契地一同說了個謊。
晚飯過後,我...
A:待一會兒
B:離開