那都是很好很好
2020-01-19 03:10:16
168
我就在阿櫻家中等待她回來,期間與阿樂叫我與他一起打機,我見離阿櫻放學回家時候尚早,也爽快答應。
「做咩今日你笑笑口咁樣?」阿樂突然問我。
「吓,乜係咩?」
「係,笑到含春咁樣,有女啊?」他再問。
「你今日贏到我咪同你講。」我提出挑戰。
「嗤,我就唔信贏你唔到。」他不服地說。
說起來,阿樂的天才並不適用在打機之上,他數次挑戰我也是落得慘敗的下場。
與他相比我那多年打機經驗足以讓我輕鬆勝過他,看平日總是自信滿滿的阿樂敗相也是種樂趣。
就在阿樂又一次要死在我角色手上時他突然叫停了我。
「等陣等陣!」
「想點?投降都當輸喎。」
「交換樣野,你放下水同我打。」
「你用咩黎換先?」
「一個我家姐嘅秘密!」
我...
A:答應
B:拒絕
那都是很好很好
2020-01-19 14:36:31
169
「好。」我爽快答應阿樂。
「嗱,冇得反口架。」他開始準備重開一局。
「得啦得啦,你肯講未呀。」我催促他。
「就係...佢好似又唔知鍾意左邊個。佢有時會對住部電話發吽豆,有時又突然笑到含春咁,一定係發仔溫!」
「咁咋?好正常啫,十幾歲女仔係咁架啦。」明明我口中說著,心中所想卻是相反。
「嗤,你唔理就算,反正我就講左,你冇得唔計。」
儘管我承諾放水給阿樂但還是險勝他一點,就在他幾乎擲爛手制時,阿櫻剛好回到家中。
「唔同你打,去搵你家姐。」我撇下阿樂在沙發,走到阿櫻面前。
「咦,乜你上左黎啊。」她沒精神的說。
看來她真的有點問題,跟平時看到我不太一樣。
「同你傾兩句。」
「係到?」
「我地...
A:入房間
B:在客廳