那都是很好很好
2020-01-29 20:34:54
211
「我係佢阿哥。」我客氣地說。
「請坐,我姓陳,叫我陳Sir得啦。」他說。
他從文件夾中取出阿櫻的成績表,凝重地對我說。
「阿櫻佢今年成績唔係咁好喎,差左好多,同埋佢上堂成日唔專心,你要多啲留意下。」
「我會架啦。」
「下年佢就中六,再唔比心機就趕唔切啦。」
「聽到未呀你。」我轉頭看著阿櫻說。
「知啦知啦。」她無奈地說。
「或者你依年應該少啲跳舞,用多啲時間溫書。」陳Sir建議說。
「吓,唔好啦。」阿櫻馬上撇嘴說。
「你聽話啦,最多我多啲上黎幫你溫書。」我在旁說。
「你對阿妹咁好,肯抽時間陪佢溫書。」他聽到我的話後讚嘆道。
「哈哈,係啊。」我不好意思地回應。
「其實除左成績差左啲之外都冇咩野,阿櫻你可以出返去啦。」
「好啊,咁我地走啦。」阿櫻知道可以離開後馬上起身。
「不過我有啲野想同你阿哥講下,你出左去先啦。」
「吓?」阿櫻有點猶豫地望我。
「唔介意講多兩句嘛?」他問我。
我...
A:留下
B:離開
那都是很好很好
2020-01-29 23:21:15
212
「你出去等我一陣啦。」我對阿櫻說。
「哦,阿sir你唔好講我壞話啊!」阿櫻點點頭後對陳sir說。
他無奈地笑了笑,揮手示意她快點出去。
「有啲咩事呢?」我待阿櫻離開後問。
「其實係咁嘅,佢前排咪成日唔返學嘅。」他說道。
我想起阿樂曾跟我提到,但我問過阿櫻,她表示沒有什麼特別。
「我知道,我問過佢,佢話因為成績唔好搞到果排冇心機返學啫。」
他搖頭否定我的說法。
「我覺得,可能係因為其他同學嘅關係,所以佢先唔肯返學。」
「你意思係?」
「雖然未到欺凌嘅情況,但係我察覺到有啲人有時會針對佢。係呢,你知道佢之前有同男仔拍拖啊可?」
「喔,我知。」
「就係果個男仔,同其他幾個朋友。」
「嗯,我明架啦。」
「希望你可以多啲睇住佢啦。」
「我會架啦。」
「係咁多啦,無其他特別野可以走架啦。」
「唔該曬你。」
我沉默地離開課室,一出去就看到倚在欄杆的阿櫻,她見到我後馬上過來。
「佢同你講左啲咩野?」她好奇地問。
我望著阿櫻那總是掛住笑容的臉,有點討厭自己未能發覺她那些沒有說出來的煩惱,亦為她總把傷心的事放在心中而感到痛心。
「冇野,佢讚你乖啫。」我沒有說出實情。
「我先唔信。」她口中說不信,卻忍不住笑,真是個容易哄的人。
「係呢,跟住做啲咩好?」
「不如...
A:參觀學校
B:回家
C:逛街
D:離開