持久戰重要性
目前咁既情況 其實真係要靠持久戰 爭取國際戰線同打經濟戰
因為要唔拖得耐， 首先要個大台， 仲要有號召力
與此同時仲要有個代表人物做領袖
邊個上? 又有幾多人服? 真係做既話又點樣選? 選幾耐?
之前都講過， 你需要有個好似孫中山咁既領袖先可以成事
要搵到個領袖出黎同你而家組職一個全港黃絲公投票無分別， 跟住又有問題產生， 點樣verify係黃絲投 ?
難度實在太高
反而而家靠各個層面上 多管齊下， 長久戰先係目前可行
本土: 市民抗爭運動、議會、工會、黃色經濟圈
國際: 各國政治人物、領袖及其他有社會地位既人士
當你工會呢D建立到個勢力出黎， 人數同界別都夠多， 先可以進一步組成一個工會聯盟， 轉型做大台。
咁先可以容易解決到上面衍生既問題
武力升級既困難與犧牲
武力升級呢一樣野， 即係硬碰
好多人都想呀， 我都係呀。但我並唔希望發展到呢一步
因為咁樣同希望有班勇武出黎可以為左大家而犧牲係無分別...
而呢班死士既人數， 一定多龐大到爆炸
你諗下烏克蘭同中東地區既抗爭， 真係埋牙抗爭， 坐低都要死幾千人
係死亡人數， 未計受傷甚至去到殘廢既人數呢? 唔好唔記得目前有幾多人比黑警輪姦 謀殺 打到傷殘
武力根本無可能對等。唔係我想要和平抗爭，我一Ｄ都唔讚成和平抗爭。
而係付出代價既，點解大部份既都係我地呢班後生仔？
一場社會抗爭需要Ｄ十幾歲既學生出黎去企到前線，大家過意得去咩？
唔通就係因為後生仔多假放， 大學生又放sem break。所以多D時間， 做埋你個份?
返工太忙，不了? 屋企有大有細，有包袱，不了?
後生仔都有包袱，佢地賭上既唔止係未來, 仲有青春, 學業, 朋友同屋企人
後生仔一樣有屋企人同朋友擔心，佢地既包袱比大人更加重
所以抗爭運動既核心係需要既係係呢個社會有能力既人做主幹。
即係各位大人。尤其是係呢個社會有地位，有話語權，有能力既人就更加應該多Ｄ企出黎幫手。
所以大家有個人數係度，但齌叫口號真係無撚用。
希望武力升級呢個念頭實在太殘忍....後生仔實在已經犧牲得太多太多
武力升級， 係講緊要由0開始武裝到軍力可以同政府與之抗衡到先成事
希望認真思考，係今時今日呢個香港， 要武裝到呢個地步， 基乎無可能。
莫講話中共肯撚定將香港變焦土都唔會將香港呢個大水喉放手
攬炒已經做緊，組織工會既逼切性
攬炒， 目前大家已經做緊。但係與此同時， 大家應該要盡快凝聚到一個勢力出黎
所以真心希望大家可以再幫手呼籲組織工會
繼而再成立工會聯盟呢一樣野，包括埋黃色經濟圈
靠各個層面上 多管齊下，長久戰先係目前最可行
目標要明確，凝聚勢力
五大訴求 缺一不可
如果大家堅持到， 唔好比團火熜既話，
我相信一兩年就已經可以做到有工會聯盟呢一樣野
你試下黎多幾次民陣遊行呢D 次次近百萬人既集會 而D人都勇踴入工會既話，
到時一去到有工會聯盟呢個門檻，一跨越左再配合埋黃色經濟圈既支持，
其實將會係一個好撚誇張既勢力出現
唔好睇少人數既影響力， 你睇下D大陸西 咁撚多人， 佢地已經影響緊世界， 不過係負面影響
記唔記得大家眾籌登哂世界頭版既全球反共大遊行 ?
香港人 你地要多D回想返我地近7個月黎所行過既路。
要不斷反省，思考，改善同埋進步， 咁先至可以行到終點
香港獨立，光復香港 時代革命
香港獨立， 可以有好多方面既解釋。
當然， 我都想係香港可以成為到一個獨立既國家， 好似台灣咁。
但係喺呢一步之前， 我更想達到既獨立係咩呢， 係各位手足凝聚到一個勢力
一個勢力可以影響唔單止呢個香港所有既人， 仲可以動搖到政府
再進一步影響埋國際， 得到更加確切既國際支持。
正如美國人權法， 同埋目前黃之鋒等人佢地係各國遊說， 想為香港所爭取到既野。
國際上我地而家都有好多戰友，台灣唔洗講。
仲有美國既多位議員，例如Solomon Yue， Marco Rubio，日本社運人士 平野鈴子，德國既Enzo Mazak等等
當呢D野都齊哂既時候， 就係香港得到真民主同真獨立既時候。咁樣先至係大家不斷嗌既時代革命
