自己整合各種警察審訊方式，請大家睇下，即使自己被捕都知人地用緊咩手法引你自爆

咖哩嗱好友 · 2019-12-29T02:23:33+08:00

首先，如果你唔太想記，甚至連睇都無時間睇，請你記住兩句說話！心裡：「警察講既每一句說話每一隻字都帶有目的，和應隨時會害死自己」口裡：「我無野講」 — 好警察壞警察（Good cop / bad cop）２個警察審你，Ａ扮壞人，Ｂ扮好人，Ａ會狂兇你，侮辱你，鬧你，得罪你全家人，Ｂ會保護你，哄你，扮你朋友，想得到你信任，你心裡自然覺得Ｂ係好人，所以會向Ｂ自作招供，然後自己坐監。 — 身同感受式１～２個警察審你，事先查你底，套用你既以往經歷作故仔，令你感覺自己有「相同經歷同路人」，覺得佢可以信得過，然後閒談中因傷心事而情緒漸失自作招供，然後自己坐監。 — 囚徒困境有多個被捕人士，輪流或同時間各自隔離獨自一人受審，警察將混合多種方式針對唔同被捕人士，如：向Ｙ講：「Ｚ已認罪，你無事你走得啦」，然後因懷手足兄弟情而自爆，向Ｙ講：「Ｚ已認罪，你認左有幫佢，我幫減你少少刑啦」，然後自爆，向Ｙ講：「Ｘ，Ｚ都指證係你做，你認左佢就減你少少刑」，然後自爆，向Ｙ講：「佢地全部都認曬罪，見佢地認罪幫下佢地減刑，你呢？」然後自爆，綜合黎講就係運用「唔知其他手足口供」既情況用各方面撬你把口，一開口就自己坐監。 — 各種不合理對待冷氣室，焗爐室，污髒房，唔比食飯，唔比睇醫生，唔比見律師等，呢啲大家聽得多，但係警察眼中，呢啲只係一種審訊既方式，被捕人士因受不住困係惡劣環境或自身久佳狀況，想走出去，繼而自爆，換黎兩日安樂，十年坐監。 — 精神侮辱式女既話你係雞，男既話你係鴨；一直以侮辱既說話傷害你既精神，直至令你既精神崩潰，令你精神錯亂期間亂咁講野，話中可能自爆，然後自己坐監。 — 密室隔離式獨自隔離你一人，四面密封，牆無隙縫，隨時間過去，令你自然產生焦慮感及抑鬱感，加上現今人人機不離手，無人傾計無機傍身令人更加焦慮，最後因為忍唔住想走出去，繼而自爆，然後自己坐監。 — 兇惡靠嚇式唔定時唔定候，無神神兇你，如威嚇搞你家人，搞你朋友，知你住邊，知你幾時做乜做乜，叫你醒定啲，令你對「未知的恐懼」產生害怕既感覺，繼而覺得「與其驚一世，不如坐十年」，繼而自爆，然後自己坐監。 — 唔比你訓式顧名思意，唔比你訓覺，你一開始想訓或者訓無耐就叫醒你，循環多次後，令你唔夠訓精神錯亂而亂講野亂簽野，或最後敵不過睡意，繼而自爆，然後自己坐監。以上係自己唸到既各種「非物理暴力」既方式去搓你入罪，「物理暴力」方式我就唔列舉了，因為全．部．都．係．一．樣．無．人．性

咖哩嗱好友

1073 回覆

2736 Like 13 Dislike

聯合聲明 2020-01-22 00:15:30

沒有所謂白警

社會學研究生 2020-01-22 00:31:42

社會學研究生 2020-01-22 00:50:54

社會學研究生 2020-01-22 00:53:33

LIKLN 2020-01-22 08:46:38

1月22日星期三活動時間/地點

January 22, 2020
紅磡:龍門冰室 x 香港人嘅冰室資源分享中心
黃埔年宵後續．九號水產年宵市集
12p 大埔和你宵
2p 炮台山:Aspire Upper Room年宵市集
2p 荔枝角:香城年宵新年市集
3p 粉嶺:好鄰舍聯和蚊型年宵
6p 土瓜灣:生活墟x新春和你寫By I Wish HK
8p 荔枝角:【手足，和你團年】

Ref :
https://hkrev.info/march.php

社會學研究生 2020-01-22 21:30:08

2022世界盃港府隊 2020-01-22 21:32:49

手足千祈唔好認罪