自己整合各種警察審訊方式，請大家睇下，即使自己被捕都知人地用緊咩手法引你自爆

首先，如果你唔太想記，甚至連睇都無時間睇，請你記住兩句說話！

心裡：「警察講既每一句說話每一隻字都帶有目的，和應隨時會害死自己」
口裡：「我無野講」

—　好警察壞警察（Good cop / bad cop）
　　
　　２個警察審你，Ａ扮壞人，Ｂ扮好人，
　　Ａ會狂兇你，侮辱你，鬧你，得罪你全家人，
　　Ｂ會保護你，哄你，扮你朋友，想得到你信任，
　　你心裡自然覺得Ｂ係好人，所以會向Ｂ自作招供，然後自己坐監。

—　身同感受式

　　１～２個警察審你，事先查你底，套用你既以往經歷作故仔，
　　令你感覺自己有「相同經歷同路人」，覺得佢可以信得過，
　　然後閒談中因傷心事而情緒漸失自作招供，然後自己坐監。

—　囚徒困境

　　有多個被捕人士，輪流或同時間各自隔離獨自一人受審，
　　警察將混合多種方式針對唔同被捕人士，
　　如：向Ｙ講：「Ｚ已認罪，你無事你走得啦」，然後因懷手足兄弟情而自爆，
　　　　向Ｙ講：「Ｚ已認罪，你認左有幫佢，我幫減你少少刑啦」，然後自爆，
　　　　向Ｙ講：「Ｘ，Ｚ都指證係你做，你認左佢就減你少少刑」，然後自爆，
　　　　向Ｙ講：「佢地全部都認曬罪，見佢地認罪幫下佢地減刑，你呢？」然後自爆，
　　綜合黎講就係運用「唔知其他手足口供」既情況用各方面撬你把口，一開口就自己坐監。

—　各種不合理對待

　　冷氣室，焗爐室，污髒房，唔比食飯，唔比睇醫生，唔比見律師等，
　　呢啲大家聽得多，但係警察眼中，呢啲只係一種審訊既方式，
　　被捕人士因受不住困係惡劣環境或自身久佳狀況，想走出去，繼而自爆，
　　換黎兩日安樂，十年坐監。

—　精神侮辱式

　　女既話你係雞，男既話你係鴨；一直以侮辱既說話傷害你既精神，
　　直至令你既精神崩潰，令你精神錯亂期間亂咁講野，話中可能自爆，
　　然後自己坐監。

—　密室隔離式

　　獨自隔離你一人，四面密封，牆無隙縫，
　　隨時間過去，令你自然產生焦慮感及抑鬱感，
　　加上現今人人機不離手，無人傾計無機傍身令人更加焦慮，
　　最後因為忍唔住想走出去，繼而自爆，然後自己坐監。

—　兇惡靠嚇式

　　唔定時唔定候，無神神兇你，
　　如威嚇搞你家人，搞你朋友，知你住邊，知你幾時做乜做乜，叫你醒定啲，
　　令你對「未知的恐懼」產生害怕既感覺，繼而覺得「與其驚一世，不如坐十年」，
　　繼而自爆，然後自己坐監。

—　唔比你訓式

　　顧名思意，唔比你訓覺，你一開始想訓或者訓無耐就叫醒你，
　　循環多次後，令你唔夠訓精神錯亂而亂講野亂簽野，
　　或最後敵不過睡意，繼而自爆，然後自己坐監。

以上係自己唸到既各種「非物理暴力」既方式去搓你入罪，「物理暴力」方式我就唔列舉了，因為

全．部．都．係．一．樣．無．人．性

黃色經濟圈的障礙
https://lih.kg/1801188
- 分享自 LIHKG 討論區

有人唸到其他，請繼續加上去，比手足知道識應對

推 多謝分享

有用請幫推同Share出去，麻煩咁多位

好L仆街

實用po留名

呢班真係全部都無人性既畜生

推！

Tui

有，近牌對住和理打演好人牌，唔知真假。

呢個要推

有用post

實用Post

推

警察冇人個係無辜

每句說話都有目的

識少少基本心理學既都知，特登同人講「平時我地就咁做野既」，明顯好想人地知呢件事，咁想人地知即係扮出黎既啦

利申唔識心理學

Push

推

推

堅持曱甴冇一個是好心的