你Google搜尋某樣嘢，搜尋結果前幾名通常都有維基百科。中文版維基百科每月的瀏覽量達4億，並且不斷增長中。要記錄香港嘅歷史，維基百科絕對係好地方。
十幾年後的年輕人未必得閒翻閱今日的報章。寫維基百科等於幫後人整理資料，我地要整理到後人只需要睇維基百科，就等於睇咗幾十份報章、數百本書籍。維基百科有助記憶的傳承，可以減低後人了解香港歷史嘅成本。
多你一個已經好多
目前活躍撰寫反送中運動條目嘅自己人只有不到30人，熟悉維基百科規則嘅精銳更加少。
雖然好多人都會批評維基百科被五毛佔據，但其實大陸人同藍絲嘅人數都唔多。你加入維基百科戰線就會發現對手嚟嚟去去都係嗰堆人。
我希望可以招募「重視規則」、「懂得以自己文字複述新聞報導」、「不介意閱讀大量文字」、「願意長期參與」、「願意學習」嘅人加入維基百科戰線。因為熟悉維基百科規則嘅精銳真係好少。只要多一個人參與，就可以大幅減輕其他人嘅工作量。
有啲嘢你唔寫，原來真係無人寫
因為維基百科嘅參與者唔多，所以有啲重要嘅事可能大家都漏咗寫。有啲嘢你唔寫，原來真係無人寫。2014年發生嘅「暗角七警案」，竟然去到2017年先有人寫。因此我希望招攬每日閱讀大量新聞嘅人，不斷諗下有冇嘢值得寫而又未寫。
維基百科必須引用資料
我一開始已經講過「維基百科等於幫後人整理資料」，因此你所寫嘅每一句都需要好似大學寫論文咁引用資料。資料來源需要係第三方獨立可靠來源，例如係報章、書籍或者學術論文。網誌、專欄文章、個人網站就唔係可靠來源。就算你親眼目擊某件重要事件，你都唔可以將你親眼所見寫落維基百科。
對抗藍絲
維基百科開放俾任何人編輯，所以必定有大陸人、藍絲參與，因此每日都會出現大量爭議。
維基百科處理爭議的方法唔係靠人多，唔係兩邊互相鬥刪對方的內容（否則只會沒完沒了）。
維基百科只係「描述爭議」而唔係「解決爭議」。例如中國認為南京大屠殺有30萬人死亡，日本方面就有好多唔同講法，由數百人至20萬人都有。維基百科只需要描述唔同人嘅講法，而唔係只採取其中一種講法。只要某個講法有足夠嘅第三方可靠來源支持，維基百科就可以收錄。
維基百科經常會出現爭議。例如藍絲被私了之後通常會堅稱自己無辜，但連登仔會認為藍絲出手打人才會被私了。喺維基百科戰線，我們需要盡量搵新聞報導去支持「藍絲打人」依個講法；對於「藍絲無辜」嘅講法，缺乏第三方可靠來源才可以刪除。
關注度
好多人為咗傳承香港嘅文化，都會選擇用維基百科去記錄香港嘅音樂、演員。
維基百科只收錄具備關注度嘅事物。唔係每一個歌手/演員、每一條街道、每一條巴士路線、每一本書籍都有資格喺維基百科有獨立的頁面。
而關注度需要靠資料來源去證明。例如你認為某個歌手好重要、好多人識，但係又完全搵唔到任何新聞、書籍去介紹依個歌手，你都唔應該寫落維基百科。
留意僅僅提及係唔足夠，例如你唔可以用地圖去證明一條街道的存在，然後將香港所有街道都寫入維基百科。你需要搵到資料來源對一條街道作有效介紹，才應該寫入維基百科。
如果你想加入，記得開一個新account（account名要普通啲，盡量唔好同政治有關），同埋睇依篇新手教學
https://lihkg.com/thread/1595959/page/1
