其實有好多唔同方法可以拯救一個條目，但最差的方法一定係號召一大班唔熟悉維基百科嘅人入去刷票數。
2019年12月6日，有人於Facebook 粵語動畫討論區表示配音員陳子瑩的條目面臨被刪除的危機。
呼籲其他有維基百科帳戶的人投票保留。
然後有多個用戶響應號召，湧入投票保留。
最後有多位用戶因此而被永久封禁，配音員陳子瑩條目亦不見得能夠保留。今次的呼籲可以話係全軍覆沒。
今次呼籲的發起人、投票人其實都犯咗好多錯誤。我喺度講清楚佢地的錯誤，希望可以作為反面教材，令其他人唔好再犯。
錯誤1：誤以為票數多就贏
維基百科的存廢討論係要經過討論，而唔係鬥票數多。你喺上圖可以見到好多人以一式一樣的理由去支持保留，其實無補於事。一開始Facebook嗰個呼籲就已經誤導咗參與嘅人。
情況有啲似法庭，要打贏一場官司，你始終要靠律師嘅arguments。
號召一大班人到庭聲援唔見得會影響到法官。一千個到庭聲援的群眾不比一個律師有用。
錯誤2：誤以為證實到一個人存在 = 可以寫落維基百科
有投票嘅人以為用電視的截圖可以證實到陳子瑩曾經替某劇集配音、香港配音員工會有陳子瑩的資料、澳門大學動漫研究會曾經搵過陳子瑩擔任嘉賓，所以就可以寫落維基百科。
一件事係事實，唔代表就可以寫落維基百科。維基百科需要嘅係第三方、可靠、公開的來源。因此電視螢幕配音員的截圖唔代表證實陳子瑩具有關注度。
希望大家可以睇下依兩條link：
維基百科:可供查證
https://w.wiki/DUU
維基百科:但這是真實的！
https://w.wiki/DUV
--------------------------------------------------------------
之前連登曾經有個post號召大家去投票保留英語維基赤納粹的條目。
https://lihkg.com/thread/1590794/page/1
坦白講依個係一個差到無得再差的例子，一來樓主誤導其他人以為票數多就贏，二來佢無解釋清楚維基百科的規則，令湧入投票嘅人完全拎唔出任何理據。
近日另一個關於香港音樂專輯post亦都係。
依個post只係將刪除的原因歸咎於俾大陸人針對。一方面聲稱好容易就搵到大量可靠的資料來源，但係另一方面自己又唔去搵，淨係怪責刪除者唔幫手搵。唔通一個幫被告辯護嘅律師會同法官講控方一定能夠輕易搵到證據證明被告無辜，所以應該判被告無罪？
出post人又誤以為證實到一張專輯存在等於可以寫落維基百科，建議大家補充KKBox、Spotify嘅link做參考來源。不斷誤導其他人仲衰過唔做嘢。
http://www.cmusichart.com/discuz/viewthread.php?tid=16769&extra=page%3D1
其實有好多唔同方法可以拯救一個條目，但最差的方法一定係號召一大班唔熟悉維基百科嘅人入去刷票數。
