濕疹真係好辛苦，雖然果個唔係我。

我係乾性濕疹 我唔係天生有 都係突然有
之前我臉眼爛唒 每朝起身都打唔開眼 要用手慢慢ma開
頸流血仲要郁唔到 頭頂仲要係咁甩皮 落雪咁
都睇過中西醫 搽藥膏口服類固醇中藥咁 但都會時不時復發
後黎醫生都會話後天有濕疹係因為免疫系統出佐問題
後天多數都係生活同飲食引發

我就有聽醫生講戒口(戒得好清)同聽醫生講作息加三餐要超級定時
沖涼唔可以沖太耐(唔可以太熱 最好十五分鐘內好出黎) 同
沐浴露最好買冇香味成份或者for濕疹/敏感
持續佐大概咁既生活2 3年 就好翻斷佐尾
雖然可能講黎冇咩用 未必俾到好既經驗樓主
但希望你地可以搵到致敏源頭同你男朋友快d好翻

無所謂，有濕疹既人幾悲觀想死我明

有年我濕疹淨生係塊臉， 裂痕爛係人中位
洗臉痛， 食野個嘴撐大d會痛
笑既話整到傷口更痛
感覺好似成塊臉皮拉緊左， 點郁都痛

我濕疹大約20年，細細個有
睇完醫生話我呢種係斷唔到尾
但係真係唔洗食類固醇
你睇皮膚科醫生？
我都係睇左10年公立
轉左而家呢個老醫生先搞得掂
希望醫生唔好咁快賣鹹鴨蛋睇多幾年我d濕疹

真係有濕疹嘅人先會明個種痛苦...
真係生不如死
痕到訓唔到 心情差到仆街 長期個人都好鬱 好易燥
完全唔想出門口見人

公立啲藥冇乜用
利申：睇咗十幾年公立

唔介意

類固醇藥力有輕重
公立開果批垃圾
用10年都唔好
搽aqueous cream呢種潤膚膏我仲會痕
因爲佢入面d防腐劑我皮膚頂唔順
但公立成日開 aqueous cream做潤膚
Btw 精神緊張都會令皮膚痕癢
唔一定關濕疹事

衰啲講句，濕疹真係斷唔到尾，我到依加都差唔多八九年都仲有，痕果陣搽啲cream會好啲

Cannot agger more
睇完公立再睇私家就會明
一分錢一分價

我有濕疹 兩日換一次床單 沖涼唔好咁熱 然後每日沖完涼一定要查cream 朝早又一次 好返好多！

真係會好怕被人嫌棄,所以會勁珍惜每段友誼,因為覺得被接受已經好好。

我都係乾性

其實濕疹好睇個人心情 同免疫力
放鬆d 多做運動 減壓
加油 會好得番架
利申：濕疹康復者

睇中醫
得中醫真係幫到手

利申 由細到大都有濕疹

邊緣人表示就唔出呢個loop

外用維他命E 香港周圍都係啦

無錯，因為真係明白唔係咁易接受

我由出世到而家都有濕疹
不過而家紅印就冇咗但係有「la」
I know that feel bro
沖涼液轉做有燕麥成份嘅 aveeno 嗰隻就比較貴
你試吓買Johnson and Johnson 嗰隻燕麥牛奶沖涼液
另外保濕嘅話就買aveeno 濕疹嗰隻

伴侶唔嫌棄佢真係好重要！對佢心情好影響㗎

利申:絲

佢個質地係我用過最舒服 唔痴luplup 又好夠潤 直接搽落傷口到都零刺痛 醫生開果d cream太痴luplup 令人好唔想搽 有時痴到痕 唔知你明唔明

深水涉趙東梧中醫師 但極少開門 (半退休) 好野黎

我雖然冇濕疹，但係我試過勁爛面生暗瘡，都係嚴重嘅皮膚病嚟好明白個種係咁搵唔到方法去醫，燒錢但又醫唔好嘅感覺
濕疹難搞好多，樓主同男朋友仔要頂住，人地岩用嘅方法未必岩你用，真係要慢慢試，試到岩為止，加油呀

居然唔係女既濕疹,唔係可以摸晒條女全身

抹身毛巾要每日換一條乾淨的

公立都睇左好耐, 其實老實講真係冇起色, 有排試過轉中醫, 都係咁, 戒到好似師姑咁, 都係咁, 根本就放棄人生咁嘅狀態, a0, 唔想出街, 好痛, 行唔到路, 工都番唔到停左一輪.

係近排同事個子女都有濕疹, 介紹左試下浸死海鹽, 真係見到曙光, 可以話好左7成, 當然有時都係痕, 不過係乾燥果隻痕, 唔會話想死果隻, 其實啲方法真係好講人夾人, 有人好work,有人唔work, 我覺得咁樣已經可以還得神打打下字自己都響度喊