呢個病由佢初初同我一齊果幾個月就開始發作，
未認識我之前係無濕疹的。有時候，我都會係到諗究竟係咪我剋住佢呢？
佢係個好注重儀容整潔既人，連生粒暗瘡都唔開心左幾日，驚會留疤。
呢個病對於佢黎講，簡直係個惡夢，初時既我覺得皮膚炎好平常（我都試過，同埋唔係太注重，覺得好小事），但慢慢演變成我既惡夢。
初時，佢只係個嘴邊發炎，同成塊面生啲暗粒暗瘡，跟住手手腳腳有啲蕁痲疹。
慢慢演變成個嘴又紅又甩哂皮，手手腳腳爛哂，痕到無一晚瞓得好。
途中，我地一齊試左好多個方法，睇西醫（黃錫明）、睇中醫（試過四、五個）、天然護膚品、營養補充品（益生菌），食野戒到好清，最近拉埋佢去做食物敏感test，點知凈係對海鮮有啲過敏同埋塵蟎嚴重過敏（問左醫生，醫生話大部分濕疹既人都對塵蟎過敏，出到街都無得避，濕疹係免疫力出事）
即係話，食野方面唔係構成佢過敏既主因，但塵蟎要避都好難避...
我真係覺得好絕望...因為依個病，除左我都用左唔少錢幫佢治療（唔忍心要佢負擔所有藥費
），有時候佢因爲依個病好唔開心，令到我地成日鬧交。佢成日都要帶一堆藥膏同保濕cream出街，而我就一得閒就要令出黎幫佢搽。嚴重既時候，佢連街都唔敢出，要係屋企休息，要一星期先可以見到佢一次（我好痴身，平時要見3-4次）
佢前一段時間仲要捉住我的手係我面前哭了，又話好對唔住，拖累左我，我真係好心痛。
呢排，又睇左次西醫，啲手手腳腳好返好多，令佢開心返少少，
但個嘴同埋頸無論點搽醫生開既藥膏都好快又返發，搞到佢又開始唔開心...
我人都就黎癲，家下日日都叫佢影低皮膚狀況比我睇，如果有少少惡化，就會勁緊張，因為好驚萬一惡化左會影響到佢情緒，又會唔開心。
每日都係到諗：如果有病果個係我就好。我真係好想見到佢成日笑住咁講啲懶係好笑既說話
永遠無憂無慮，唔會成日出出下街若有所思
我凈係想佢永遠都咁開心，要我付出幾多代價都得架多謝大家睇左咁長既文，同埋都非常希望有好既醫生可以介紹比我，唔該你地
我真係走投無路，我都就黎depression