濕疹真係好辛苦，雖然果個唔係我。

絲打 同你一樣 好明你感受

之前同男友一齊無耐 佢就開始發濕疹，因為我鍾意食辣，搞到佢都會陪我食，可能食得多辣野搞到佢誘發濕疹，所以好後悔同內疚覺得係我搞到佢咁。

陪佢睇過幾個中醫、西醫、打埋針..好過一排又會再番發，不停loop。亦都試過買過好多種保健品黎食，都無乜效咁。後期有朋友介紹食治敏膚，都係抱住試下既心態，但對佢黎講竟然有效，佢食左差不多成年就無番發，到宜家差不多一年都無再食，亦都無再番發。

不過，我覺得最緊要多啲陪下佢、氹下佢，等佢個人正面啲，唔好咁大壓力。同埋，最緊要多啲換床單 至少一星期一次，注意個人衛生，同埋盡量介下口。加油啊絲打，撐住！

買埋防塵蟎嘅枕頭套 濕疹會好好多

無辦法，我自己試左好多方法都唔得，食類固醇都食左10幾年，食完d藥搞到我好累身體好差，最後係網上見到呢個醫生，膽粗粗咁去試下😂

我曾經係濕疹患者

1. 食野要好小心
要觀察自己食左咩野 會感覺痕左
個d野一律唔再食
For me係 牛 魚生 辣野
通通介口 要介得好狠心
我自己有睇中醫 我係熱底 虛
所以要多食涼野 eg 西瓜 苦瓜 綠茶

2. 中醫
好重要 佢真係控制到徵狀 起碼訓到+少左紅
我睇西醫 有藥食藥搽
但唔食唔搽係會覆發
中醫我睇左一年 真係幫到手
有時冬天會小覆發 但係小小地方紅同痕 已經好理想

3. 皮膚護理
我千試萬試
終於試到最岩自己既皮膚護理
可以分享下 但個個人都唔一樣
好痕時搽uriage pruriced creme 枝cream好厚好似豬油咁
但一搽即止痕 其實患過濕疹都知 止痕係康復既第一步但係最難一步
嚴重時我係隨身帶出街 每2小時搽一搽
總之唔可以比皮膚痕
另外我發現 死海鹽真係有修復作用
可以試下用ahava toner/自己買死海鹽溝水浸下或整toner
放入吱吱樽 隨身帶又係
噴完 搽uriage cream
止痕效果滿分

濕疹係慢性病 漫長戰爭
要識得點同佢共處

所以心態好重要
要多d正面心態

其實佢幫左糾正過往一D唔好既生活習慣
Eg 夜訓 食野唔節制 處理壓力(往往壓力都係自己比自己）
濕疹往往反映身體基於一D原因
令到免疫系統差左
****要改變呢堆原因 先可以有真正既根治****
唔係既話 點都係控制住病情既層面
佢始終會覆發

元朗李卓鴻醫生睇皮膚都ok
我睇好多中醫搞唔掂 睇佢好快好返

另外天氣乾燥 近排試用PHB牌子嘅body lotion mousse搽身
佢唔同平時啲body lotion 佢係mousse質地
唔痴手好快吸收
朋友推介嘅 佢屋企人都有濕疹 小朋友搽都ok
不妨試下

同埋洗面嗰啲毛巾要注意 呢個係做facial嘅姨姨教
儘量用手洗完面 用一條乾淨嘅毛巾印乾塊面
然後條毛巾就要掉入洗衣機洗
佢話因為濕毛巾實在會滋生太多細菌 尤其敏感皮膚
唔好俾機會佢入菌 所以毛巾用一次就要洗

試吓日本嘅丹羽療法
聽人講好有效

建議：
1. 留意指甲：好多時我地呢d皮膚有問題訓覺會自己R而自己唔知，到起身覺得痛/指甲有血跡先會知，所以日常要經常剪指甲，備免r太傷

2. 保濕：沖完涼通常皮膚係好乾燥，所以一定要搽保濕，如果本身損左就搽油（方間好多油選擇，我自己揀花油），損唔損一定知，因為沖涼淋水會痛，而且損左搽普通保濕都係會痛到hihi，搽油會冇咁痛（甚至唔痛），又可以有效保濕，因應情況使用。

有時一有少少痕未太勁，搽下保濕都會有助舒緩，我自己建議定個時間就主動搽，保濕係開始痕之後搽功效一定冇咁好。

3. 早d訓：唔知其他巴絲會唔會咁，我自己到某個鐘數仲未訓個人開始攰就會開始痕（可能同抵抗力有關？我都唔知，求解），如果知道自己有類似呢d「生理時鐘」就早d訓喇

絲打你係一個好女仔
買部去塵蟎吸塵機 定期清潔下

我係用浸 浸好 不過始終偏方 你因為試
不過我真係用到好濃先好

千其唔好食口服類固醇，我之前食左三口藥之後反彈到仆街，會爛到24小時好似俾火燒咁

荃灣福來邨附近中醫石昌平好好，我之前成身又爛又痛食咗頭兩劑藥已經好左好多，不過真係極貴，成千蚊一日藥

咁請問你飲完之後 依家仲有冇復發

最近手關節位都生濕疹，人生第一次生，搽凡士林好翻啲又想r手賤

見到有啲藥皂，同埋我阿媽話大陸啲藥膏搽咗有用，佢以前用過未搽曬就好翻，但大陸用啲chemical好keng，唔敢亂搽

我仲有keep 住去睇ga, 頭嗰個月要兩三日就睇一次（應該係睇情況，我係嚴重嗰隻)依家一個禮拜一次，每次$2000。一個月後變返正常質地，依家睇左3個幾月touchwood冇返發。我見其他人要完全好返哂大概都要醫一年

哇.. 兩千蚊睇一次 得一兩日藥？
咁你都大大話話睇咗成幾萬蚊？
我個case係本身呢幾年係都得一隻腳有幾大達 但一直都有戒口 所以情況都叫穩定 冇蔓延到其他地方.. 但唔知呢兩個月係咪因為我住旺角.. 接觸到TG比較多 慢慢另一隻腳迅速有另一大達.. 甚至最近連頭後面都開始生咗啲出黎.. 成日夜晚會痕醒... 真係好困擾日常生活.. 我又唔想同屋企人或者身邊嘅人嘅人講.. 驚佢地會唔開心或者好擔心..只好一路係到死頂 扮冇野.. 但睇咗啲專科 用完啲藥膏 情況都係咁..

如果你呢個醫生真係有效果 或者我會考慮睇一下.. 但1000蚊一日藥對我黎講真係負擔唔起但如果真係唔醫返好 我真係唔知仲可以撐到幾耐我依家都唔知點算... 好無助...

Sorry for長文因為平時扮到冇乜事咁樣係到死頂 冇地方呻 咁岩見到呢個post 所以想黎圍下爐取下暖

撐住啊巴打tg 真係害人不淺完全明白你嘅感受，我唔知點解今年特別嚴重，忍唔住睇西醫食左幾日類固醇之後反彈到仆街，條頸日日流黃水又痛到郁唔到又唔敢見人。嗰幾個月真係我人生最黑暗時期其實其他人唔明白濕疹有幾痛苦就梗架啦，不過都唔好收埋收埋啊，心情同壓力對病情好大影響。有冇試下食supplement? b雜同月見草油好似幫助消炎。睇中醫想平少少可以試下睇浸大余嘉慧，我見濕疹tg gp 好多人都係睇佢。唔好灰心啊，要相信一定會有好番嘅一日

多謝你我真係好想好想好返我會試下你介紹呢個醫生

巴打睇唔到我reply?
我又係同你差唔多經歷
我有啲嘢想問你

講嚟聽吓 大家同路人 幫到就幫