［電動滑板車］討論POST 2.0

見咁多人買ninebot es系列，我係外國玩第一部都係買es4，買完先知伏，龍頭靠腳前後四粒螺絲勁易鬆（有兩粒俾sticker遮住），要自己補缺氧膠固定，入面電線勁易溶，外國都好多人屌，千奇唔好為咗架車靚仔型就買。唔想死底板嘅話，ninebot/小米最好都能源回收開最弱。

我玩過唔同車，都係覺得實心胎本身易平頭避震又差，電brake剎唔住車又令架車過熱。

如果貪平買es系列，不如買小米，平身多人用，多零件多人改車，好似抵玩啲。

es系列苦主出現了。

有冇人平放es2新手想玩下

ES賣左甘多
多人用 好似穩陣啲

賣家-車-價錢-睇車地點
@MaxHC 豪DEE 雙驅1200w x2 48v 30ah 4k速走 屯門
@murder247 豪DEE 雙驅1200w x2 48v 30ah 4k速走 屯門

穩陣就。。。。。人人唔同感受

甘你老母

自己google下啲外國用家意見啦，外國共享滑板車Lime都冇再用es4。
而家係外國街頭都少咗es系列，上年年頭都仲好多es，而家多數都係 小米/Ninebot max，有啲玩家升咗玩Inokim。小米先最多人用，m365配件多，改車改到加避震，又加散熱改firmware破解到行35kph，又改10寸胎。es個實心胎又細係外國啲市郊爛路勁易落坑仆街。香港始終仲算黑市，唔夠大玩家群，資訊仲未咁流通，伏咗都唔知。

Btw Inokim啲高階嘢真係好正，勁有綿羊仔感覺，上到40-50kph都好穩，完全冇玩具嘅感覺。

Ejack 點睇

我自己本身無留意開，我見佢好似實心胎，佢好似舊電放係龍頭。

我自己心得係
1.重心係底啲車會穩啲，即係舊電放係底部。舊電係龍頭，架車會好似輕啲鬆啲咁，玩到好似神龍擺尾咁，其實安全差自己都唔覺，但一嚟龍頭接駁位可能有機會有螺絲鬆脫問題，甚至太操勞有機會斷。
2.一定要玩充氣胎車，市面上好多唔同胎，又免充氣氣囊實心胎，又蜂巢胎，但係避震同克服路況一定唔及充氣胎，10寸係滑板車範圍內最理想嘅大細。換胎難免有啲麻煩，有內外胎嘅車換胎可以準備一對勞工手套，三枝鐵筆，將新嘅外胎放落滾水加熱十分鐘，可以用潤滑油搽邊位入（可免則免啦，清潔麻煩），有啲鬼佬教微波爐叮胎，我未試過亦都唔想冇咗個微波爐。基本上check住胎壓，唔好brake得咁死，唔行太爛嘅路，應該好少爆胎，摩打個碌會蝕得快啲。玩得耐就憑到感覺知道胎壓夠唔夠，個胎開始軟就唔好死頂，磨返咁上下個內胎一定爆，搵個油站或者帶啲充氣工具（有電動有手動，有大有細，有啲細到得枝marker咁大）。

如果我想買ES2，就應該轉買小米。
我上網再睇清楚啲。

冇錢可以買一代，慢慢再少改，改到享受部分pro版功能，有錢就直上pro，唔洗改，塊板又大啲，電池大啲，本身就有screen睇，雖然啲人改車嘅screen改到更加多功能。小米系列都係三樣嘢要注意，一就係條胎，胎壓要足，二就係摺疊結構要定期上緊，唔係就唔穩，甚至有機會斷，有啲人會用膠墊，懶得一時懶唔到一世，三就係個泥擋下面係條尾燈電線，有時踩得太激烈，有機會個碌磨到電線，網上有人賣一啲配件支架固定個泥擋，亦都可以自己搵圖自己3D print，可以話係小米系列必裝配件，電池出嚟駁尾燈條電線都要檢查有冇太出，小心俾個碌磨爛，以自己包膠固定下。能源回收都係要開最弱，唔係遲早又一日會燒底板，同埋摩打條藍色線有機會過熱，可能會溶咗小小同底板連接頭個保護膠，雖然佢冇es系列咁誇張，一個唔小心有咩問題，小米系列都好易搵到底板又易換，但係都錫車嘅就唔想有咩問題。

多數人都應該會嫌充氣胎保養同換胎煩，但係試過就知無避震車配充氣胎都好過有避震配實心胎，而且實心胎易平頭，容易打滑。原裝胎可能普通啲，唔嫌煩可以升級厚內胎，甚至改車上10寸胎，有啲人再癲啲改埋加外掛避震。雖然小米好多人賣實心胎俾人改裝，但係一定會影響爬行、速度同埋避震，仲有機會影響電量。每一種實心胎都會講到設計幾咁避震，但係永遠唔及充氣胎。

試過用es4上山 再全程30km平路 個馬達熱到辣手 但個apps顯示車體溫度28度

啲電線好似好易磨損咁

摩打個轆可以點樣換呔 求教
es4行咗200公里 前輪已經磨蝕咗

再有錢啲亦都可以考慮小米系列延續出嚟嘅ninebot max，不過就真係貴同重，充電快啲，同埋摺疊結構改好咗，而且個警示鈴改咗。不過改咗前置鼓剎、無內胎充氣胎（好似話無咁易爆，但係暫時應該難搵胎換）同埋後驅摩打（應該係好事），我自己得小米pro，暫時未有實車試玩過，不過又好似覺得香港唔合法同埋有啲不良道路使用，入門可以唔洗買太好。

個叉有兩塊細嘅灰色蓋，輕輕用細一字批係邊位開，入面有螺絲，開咗就可以拎裝飾板拆落嚟，再鬆螺絲拆埋泥擋，緊住用18mm士巴拿，裝摩打拆落嚟，第一次應該好緊，活動式士把拿應該會難啲開，（optional可以鬆龍頭四粒螺絲，可以拎開龍頭同個底，鬆埋電線拆晒成個前碌出嚟），緊住用電鑽鬆開摩打上面嘅螺絲，可以撬開佢或者放佢落地下係邊位踩落開，就會將摩打線圈同摩打磁石嘅部分分開，有一邊就係個膠碌，可以撬出嚟，緊住可以換新碌上去，夠大力可以直接放落去，唔夠力可以滾水大法淥個胎十分鐘等佢軟啲大少少會易換上去啲，緊住就可以合返埋還原。

非常詳細
謝謝巴打

邊度有新碌賣？

香港唔知有冇地方賣，唔係都嚟唔開淘寶ebay Amazon

樓主有冇試過Inokim light ？

中低階未試過，不過中低階咁多選擇，inokim會顯得比較貴，我試過oxo，極好極穩，不過係香港就太張揚

買咗部二手es啦
都會成日泊街，通常泊十分鐘度
有咩鎖好用？要快開快合同輕巧

單車鎖鎖後碌，鏈式或者d lock都得

ok

買完es2，拎到返屋企就開始後悔，公屋仔無地方擺

e家又好想換架可以收入背囊嗰種