原來兩個人一齊唔係愛就可以

例如Long d

我脾氣真係唔好 喺呢段感情太唔成熟
我而家先明白 情侶原本只係陌生人 因為鍾意大家先走埋一齊
但唔同家人 唔係有甩唔到嘅血緣關係 唔係有相處幾十年嘅感情
鍾意嘅感覺可以話淡就淡 因為嗌交傷感情就慢慢消失
冇人可以無條件咁包容你嘅脾氣
出面嘅世界咁大 佢容忍到你一次 下一次忍唔到佢就會離開 出返去搵一個啱佢嘅人 然後我哋又變返陌生人

所以話溝通係幾咁重要 我女朋友之前又係有啲咩唔開心呀嬲呀嗰啲都會擺係心唔講 諗住忍到就收埋先 唔想破壞段關係 唔想嗌交 係我成日逼佢講 小小唔開心都講左先 有咩大家都可以傾 而家一齊左4年幾 嗌交大家都仲會好勝 好衝動咁 但正如我所講 溝通好重要 做到既話其實好勝同衝動都比較次要 同埋可以有時間改
每pair情侶都有自己相處模式既 我自己覺得嗌交都係種溝通 如果有心想維繫 唔好咁易覺得攰 唔好咁易就想放棄 兩個人都係 仲有冇機會挽回呀？攤牌將同我地講既同佢講 盡量比啲解決方法 睇下有冇機會一齊返？

唔好咁消極啦 最緊要你有反省過
有啲仆街係覺得自己完全冇錯
有心反省就要改 如果仲有機會
證明比佢睇你講得出做得到
愛一個人係用行動證明加油

咁我嗰個我又覺得佢唔係無理咁一味要求我遷就嘅
而家分咗手我諗返起我哋段關係 我會覺得我做錯嘅嘢比較多 係我負佢 所以佢先至會失望到絕情咁分手
但最尾嗰個位其實我都有諗過
我有諗過我係佢第七個 佢已經慣咗拍拖
我對佢嚟講已經唔係咁特別 同我一齊嘅感覺已經唔係咁強烈
加上佢經歷過咁多次嘅離合 雖然分手都會痛 但對感情會比我放得開睇得淡

可能再咁長久行落去 感覺淡返 就會係我覺得辛苦想分手
但而家咁樣熱戀期 仲要係我初戀分手 感覺最強嘅時候分手 好痛好辛苦 我好想再試

well said ching

成日都同女朋友嗌交 有冇過來人可以分享成功磨合嘅例子？

多謝你
但係啲柒野我已經做咗 仲要做得好徹底 已經煩咗佢 已經令佢知道我咁cheap
加上我哋淨係拍咗兩個半月 中間幾次嗌交分手 唔會感情深到令佢想追返我
佢以前嗰六個拍咗咁耐都冇啦 更何況我呢個拍咗兩個半月嘅人 佢斷得咁決絕真係冇㗎喇

可能係啦
其實第一次分佢冇咁灑脫 只係第一次嗌分手佢喺心入面為呢段感情扣咗20分 但覺得第一次嗌交仲可以試嘅
但係咁快又第二次嗌交 都未加到分又要再減 呢次佢就要諗下 最後因為唔捨得仲想試所以一齊返 但係佢嘅愛已經淡咗
到第三次又再減分 呢個時候佢嘅愛已經淡到冇得再淡 已經對呢段感情冇希望 所以佢走得咁灑脫冇回頭

邊有咁多夾唔夾呀
只有大家願唔願意啫

same.. 所以我而家好後悔點解當初唔冷靜啲解決問題 對方已經俾左好多機會我地改 我地冇珍惜 所以佢地去到一個臨界點忍唔到 同埋心淡啦唉

同你一樣case..

其實係好難解決 除非經歷過一啲大事令自己價值觀都變
如果唔係價值觀唔同 要磨合地方好多 磨合完一個 然後又有下一個問題

我都可以為對方改變好多嘅人 但係需要時間 同埋一齊緊嘅時候覺得對方好就自己 自己當左理所當然 其實更加難改 同埋對方有分開呢個心其實好難去扭轉

我都係同你女朋友一樣諗法 怕講出嚟又激嬲佢 激嬲佢佢又想分手 所以唔敢講
但要忍咪忍到尾囉 我又要嗌交嗰陣攞出嚟講
然後佢就覺得原來佢唔係我想要嘅男朋友
原來我同佢一齊咁多不滿
既然大家都拍得唔開心 咁唔夾 一齊兩個半月就咁多爭吵 不如分手
如果我哋有好好溝通 唔係次次都係一嚟就嗌交 仲要唔係小吵 係將件事越發越大 我哋應該唔會嗌親交就搞到分手 今次係第三次喇
應該冇機會挽回喇
佢淨係講咗一句 已經講得好清楚 我哋分手 你唔會見到我 就完咗 冇再解釋冇再多講
我之後send千字文send message俾佢佢冇睇 係咁打電話俾佢佢冇聽
我去佢屋企樓下等佢 企咗四個幾鐘 佢都冇落過嚟
佢應該心知我要見佢唔係想佢當面同我講分手 而係想同佢復合 所以佢連機會都唔俾我 又或者我已經令佢討厭到見都唔想見
然後我搵佢唔到太心急太想復合 我痴線到厚住面皮走去問佢啲舊同事 想搵佢朋友 呢件事俾佢知道咗
應該係做埋呢樣野令佢頂唔順 覺得我好煩好滋擾 除咗搞到佢仲搞埋佢身邊嘅朋友 所以佢同咗一個我都識嘅人講 嗰個人打嚟安慰我 叫我唔好再咁做
我啱啱終於拎返個IG ac 見到佢block咗我喇
佢而家咁討厭我 就算我終於識反省又點嚟唔切喇

上次嗌交 佢隔咗幾日先理返我 佢同我講嗰陣心淡
今次又嗌 已經冇得再淡而家先識珍惜已經太遲
如果當初冇咁衝動 冇乜都講出口 冇為咗啖氣係咁鬧就唔會搞到而家咁
嗰陣jer住佢係咁鬧 而家知佢要離開先識驚 先至係咁道歉挽回 有咩用

其中一方死咗心嘅話 你做再多野都扭轉唔到
但你仲好愛佢嘅時候 feel到佢已經心死 甚至係討厭你 嗰種感覺好難受
你會知道復合只會係你嘅奢望佢走咗唔會再返轉頭

明白...最近我有個好朋友又係同佢男朋友分左手 佢一開始失哂理性又打電話比佢又打千字文比佢 條仔都有覺得佢好煩 我都係建議唔好再搵佢會好啲 只會令佢更討厭你
而家就咁聽你講覺得挽回既機會比較微 你唔好搵佢住喇
而家你可以做既就係調整返自己情緒先 唔好太留意佢 將重心放返係自己度多啲 當上左一堂 為下一段感情做好準備 順其自然
諗下你地既性格啱唔啱 諗下佢值唔值得你為佢做更多 如果真係有緣份 或者對方仲愛你 或者可能會一齊返既 時間耐啲會睇得多啲
呢段時間你就自己一個諗下先 記得唔好後悔唔好自責 因為呢個係最真既你 你既性格係咁 冇話邊個啱邊個錯 只可以話大家性格暫時唔啱 未磨合過就選擇逃避先令到段感情告一段落 少啲自責 諗下可以點改善

其實佢比較特別 佢係仲愛 但係同時因為我做嘅嘢同我地唔夾覺得無辦法愛 心淡心死 但係佢從來都無憎我討厭我 呢種感覺先難受 佢好似係度迫自己走咁

其實我覺得佢都唔係咁愛你 你可能都知 我覺得咁樣你更加要想清楚
佢愛你嘅係唔會dum低你幾日唔理

咩原因導致信任問題呢？

多謝你我而家除咗行返出去 冇嘢可以做到 已經返唔到轉頭

加油 時間可以沖淡一切 慢慢種就得