原來兩個人一齊唔係愛就可以

唔夾就係唔夾 再愛再努力都冇用 次次嘈完A就嘈B
係咪應該放手
佢已經對呢段感情絕望
明知咁樣冇結果 但唔捨得分 但已經挽回唔到
我以後點愛人

呢一刻同你經歷嘅嘢一模一樣 明明嘈嘅嘢係芝麻綠豆 但偏偏因為自己沉唔住氣 成日都同佢嗌交 應承完唔會再咁樣 但係一次又一次守唔到承諾

嘈交又如何

練下啲脾氣先去愛人

睇你仲愛唔愛佢
不過話你知兩個人好難唔洗磨合

嘈得多點都會心淡

次次一嘈交就嘈到話要分手 一齊咗好短時間已經嘈過幾次 次次應承完唔會咁樣 下次又嘈
就算之前嗰個問題改善咗 下次又嘈新嘅問題
我喺到諗點解一嘈交就要分手 唔可以磨合 各讓一步
原來嗰場交你以為係芝麻綠豆嘅事 背後係大家日常生活唔夾 慢慢累積出嚟
嘈多幾次就會發現大家咁唔夾 再一齊只會keep住嘈交
唔係其中一方話努力會改就有用 呢次改完下次都有第二樣嘢要改
對佢嚟講就算A改咗 下次嘈B你又改 之後都會有C D E F 即係都係會唔開心 所以佢已經唔想再一齊
好痛 兩個人唔夾唔係愛同努力就解決到 其中一方係咁失望就救唔返

好愛 但佢覺得係咁嘈交 已經失望到唔想再返轉頭 因為知道咁唔夾唔會有好結果 就算我話要改都冇用

對唔住住

會唔會件事本身唔會炒到咁僵 只不過可能係表達方式唔好 或者無理性討論過先搞到咁？

Same 係咪真係唔夾就唔夾 磨合唔到再努力都係無用
同男朋友鬧到暫時分開左冷靜下 依家唔知點好 俾以前嘅事消耗曬我對佢嘅愛

嘈交好傷感情
兩個唔夾嘅人會好多嘢嘈
次次嘈完傷咗感情 都未復原 未建立返 又有新野嘈 冇咁多感情基礎可以消磨

首先要諗每個問題係唔係一定要嘈交方式去表達
第二樣係到底點去磨合
要死都要其中一邊就哂定一人退一步互就

可唔可以講下點唔夾？
我同女友都係兩個世界嘅人
都係成日嘈交

價值觀唔同就好易出磨擦

點磨合係睇邊方面幾俾到多 d 滿足感對方，對方先有誘因去遷就自己，唔係講｢要磨合｣就磨合到。

開心事/滿足感好比你入銀行嘅錢，唔開心好比你提款。感情就係果一刻個結餘。
結餘/感情會隨著你的滿足感/開心得到累積，但不滿足/唔開心會扣個結餘。

你地雙方都要俾到新的滿足感對方，有新的存款先可以繼續呀。

你再大個d會發現有愛又夾都係未夠

唔係改既問題， 你有冇實行到， 同埋有冇結果， 仲有就係點解要嘈？ 冇其他解決方法咩？ 冷靜落黎傾下先再諗分手既野

由你計較邊個要付出多啲開始你會愈嚟愈辛苦

依個道理我地都明，但早兩個月因爲價值觀問題而鬧交
段感情消磨得太勁，佢郁啲就鬧我搞到我壓力勁大

以前開心嘅事都只係捱到一陣，依家佢好似變左種無形嘅壓力唔想面對佢，所以先選擇分開下

我太口硬
有時講句對唔住 氹兩句就可以冇事
但我係咁提自己付出幾多 有幾唔開心 好似最慘嗰個就係我咁 忽略咗佢嘅感受
但事後後悔氹返都冇用 傷咗就係傷咗 第一次可以俾機會你 但第二第三次又嗌交 就算係因為唔同原因又點 冇得改咁多 下下搞到咁僵 唔開心就係唔開心佢淨係知道同你一齊唔開心 特別係佢仲要預見到大家唔夾 以後會有無限次嘅爭吵 你今次改完 下次新嘅事出現又搞到咁唔開心 肯改又點
一嘈就將其他嘢拎埋出嚟講
如果有不滿 日常已經平心靜氣咁拎出嚟講 解決咗佢
唔係以為自己忍到 一直擺喺個心到 嗌交先一次過拎出嚟講 唔會搞到件事咁大咁僵