原來兩個人一齊唔係愛就可以

有 d 滿足感係唔駛點付出都產生到，例如外表/身材/性格/談吐。
你唔計即係肯無條件去遷就？
又有乜野驅使你唔計較咁愛？
即使佢冇左果 d條件你都可以？
咁你求其揾個人都可以冇條件地愛？

如果我唔係咁口硬唔會搞到咁僵 次次嘈交我都係咁撐 到sense到佢要分手先突然識驚 好怕失去佢 所以即刻氹返佢 同佢講會改
如果唔係平時有咩不滿積喺個心入面 鬧交攞晒出嚟數 件事唔會越搞越大
佢唔會覺得原來你同我一齊有咁多不滿 既然大家都唔開心唔夾 咁分啦
呢個時候就算我退讓 會改又點 佢已經對呢段感情死心 覺得咁唔夾 要磨合嘅嘢太多 冇得改變太多

唉 我仲諗住放手一博 巴打有咩打算

Ching 就算沉得住氣都末必係好事忍忍埋埋一次過爆仲死
同埋我覺得唔好樣樣嘢都想人改如果係咁你仲鍾意佢啲乜。有啲位都係包容左佢好過 如果唔係其實改果個好辛苦
Same situation但我係改果個

我同我女朋友都係

我會好冷靜咁同佢分析好理性咁同佢講我哋之間有咩問題好需要溝通，佢就只會單方面發洩自己情緒，唔跟佢果套就覺得對方唔明白佢，調返轉係同一件事上邊對方有為佢做嘢而佢冇做嘅時候佢又會發晦氣發脾氣

我都好想同佢好好地磨合，但係我覺得有時候佢真係唔肯承認自己問題

年紀差太遠
佢人生經驗多 我做嘅好多嘢喺佢眼中都有啲幼稚 我好多嘢都唔識
佢有嘗試去理解嘅 亦都有教我 但佢有時就會令我覺得佢咁樣好似老竇教女咁 成日突然認真mode 令我覺得自己好蠢好難堪
而且我係初戀 佢拍過幾次 我成日好介意佢嘅過去 搞到自己好冇安全感 搞到唔夠信佢
我冇拍過拖 又太唔成熟 唔知有好多嘢係唔應該做 唔知有好多嘢係會傷感情 例如我成日拎佢嘅過去嚟講 想知晒佢所有嘅過去所以乜都係咁問 成日串佢識溝女
我又會喺到諗 佢拍得咁多次拖 會唔會麻木咗 我第一次拍拖 拖手攬錫都會有好心動嘅感覺 佢係咪唔會再有 係咪已經慣咗拍拖就係咁 好似既定程序咁
喺佢呢啲拍過好多次拖嘅「大人」眼中好正常嘅嘢 我都唔太接受到 雖然我有嘗試跟佢嘅步伐 都為咗佢改變咗好多思想 但唔夾嘅位實在太多 就算佢睇到我嘅努力又點 我再改變都冇用
兩個人嘅經驗同價值觀差太遠

我覺得唔夾，唔夾都好，冇嘢係唔需要磨合，真係唔好叫對方講講下就搵第二個，如果佢唔想同你解決佢就已經唔喺度，同埋你咁樣比到佢覺得係你想走嗰個，放棄解決問題嗰個

真係攰啦唔想再講就話自己想走唔好將件事拉落人哋度

已經冇機會後悔都返唔到轉頭

點解 因為物質上嘅問題？

分過手嘅人，翻返嚟我覺得既然分得手相處方式一定要改變，冇得再好似以前一樣，所以如果有時候對方同一件事嘅處理方式唔同咗，就代表唔愛你，可能佢背後諗左好多解決方法呢，仲有就係唔好單方面要人付出，但係自己連自己問題都唔肯正視，有時候唔係得個氹字先叫愛，如果唔係狗公都好愛啲蝦條啦，講下未來講下計劃都睇得出一個男人愛唔愛你

希望你睇到啦

之前嗌交係因為信任問題 我唔夠信佢 之後我真係有改 我嘗試去信佢
今次係因為其他問題嗌交 但係佢覺得咁短時間已經嗌咁多次 既然咁多不滿 其實大家唔夾 就算唔係同樣嘅問題 之前嗰個問題有改又點 唔夾嘅話遲下又會有新嘅問題 結果都係拍得唔開心
我而家要冷靜嘅就係面對分手 因為佢已經唔想再返轉頭

你可以用你既標準去評估一個人
但計完出嚟你鍾唔鍾意係另一回事
又唔係話要全部無條件遷就
但你每付出一樣都mark低佢
攞嚟計數咁計既時候
只會喺你唔愛佢嘅時候先發生
因為愛本來係一樣幾令人盲目既嘢
正如父母唔會同仔女計付出幾多一樣
我又覺得自己都要明白到底佢喺自己心入面喺咩位置
佢係因為咩而喺嗰個位置
咁先會明決定到要唔要堅持落去
你可以搵到更好既人去愛
但唔等於佢會取代到嗰個位

其實你既態度好差
唔該你注意下

絲打你呢段時間諗清楚你同佢一齊係開心定唔開心多
你哋嘅問題解唔解決到 會唔會無限loop
有冇機會建立返感情
大家都想解決問題定淨係得你一方面想
趁你哋而家只係分開冷靜下 仲有機會諗清楚
唔好好似我咁衝動 後悔都嚟唔切
鬧交感情消磨得太多 冇時間建立返又再次鬧嘅話 總有一日只會扣到負分 然後大家都好傷好絕望
有時真係嗰啲開心嘅回憶先會支撐住你接受嘈交嘅唔開心 但當唔開心嘅時候多過開心 咁就做乜都冇用

可能真係
我唔係改變就人果個 但係改果個會好辛苦 最容易覺得無力同絕望 唔夾價值觀唔同就算改左磨合左之後 都會衍生另一個問題

其實你自己而家都意識到嗰問題
如果佢仲未block 你
你試下坦白啲同佢講自己一直以嚟點睇同對佢呢刻嘅感受
試下感動下佢

除咗接受 試吓過返冇佢嘅生活可以點
但係我好辛苦 佢係我初戀 我仲好鍾意佢
明知道大家唔夾 以後又會嗌交唔開心 我都唔想咁快放手 唔想不合則去 想死扯住段感情唔放 呢次仆完爬返起身又想再試
明知道我同佢一齊不斷咁嗌交 好多時候都係唔開心 但係個腦係咁捉住以前開心啲回憶唔放
接受唔到一個咁親密嘅人突然由你生命消失咁 睇返以前幾開心幾sweet 而家變成陌路人 可能一世都唔會見返 個心好似空咗一忽 唔知冇咗佢時間要點過 唔知點行返出去 以後點愛人
好痛
我有試過去挽留 但次次都係咁佢已經唔想再試
第一次佢會講好多嘢解釋返件事 我一氹返佢 佢即刻比機會我改 唔嬲
第二次佢都仲會解釋 但佢叫我諗清楚 佢都考慮咗幾日先理返我
第三次佢已經唔想講咁多 直接一句分手就完咗
可能對佢嚟講 會解釋即係希望大家可以解開誤會 可以改善 但佢已經絕望咗 冇可能喺返埋一齊 講咁多都冇用
我知道今次真係氹唔返
所以我係咁打俾佢 係咁send msg 但佢都唔睇唔聽
我唔要面咁去佢屋企樓下等咗佢幾個鍾
癲咗咁去搵佢嘅朋友
佢已經死心到唔想再接觸有關我嘅嘢
我淨係諗我冇咗佢唔得 所以我一定要搵到佢
我冇諗佢感受 我嘅糾纏為佢帶來幾多困擾同壓力 只會令佢更加煩厭
而家佢應該已經唔止死心 而係覺得我好痴線好討厭喇 真係冇得再返轉頭

我好愛佢如果可以返轉頭我會包容 好多嘢我未至於真係咁介意 我鍾意佢多過我嘅介意 我忍得到
但嗌交嗰陣已經講晒出口 講咗俾對方聽 而家先話包容已經太遲

我都會而家先覺得自己咁雙重標準 唔肯認自己做得唔啱所以將個責任推喺佢身上
女人真係唔係冷靜理性嘅動物 好多嘢都感性行先 覺得自己辛苦唔開心就係全世界自己就係最辛苦最慘嘅受害者 其實佢只係需要你氹佢 唔想你同佢講道理

我係想改嗰個 但係每次改之前都會經歷好唔開心嘅嗌交 對方已經唔想再俾我改

講真果句要氹都氹左，調返轉你男朋友有同樣問題你有冇咁樣氹佢，至少我嗰個冇，但係就要我識得氹佢，講得唔夠好唔夠多就話我唔愛佢，唔諗下我呢排日日都有嘢交

佢死咗心
未block只係因為佢唔係會做呢啲嘢嘅人
佢今次講一句分手就冇再講其他嘢
我之後嘅msg同call佢已經冇再睇再聽 加上我琴日太衝動咁去埋佢屋企樓下等佢 不斷煩擾佢 佢應該已經討厭我

兩個人價值觀唔同可以點解決
唔想分手 想解決

我係次次嗌交口硬 搞到件事好大 之後佢想分 我先知衰怕失去佢 所以嗱嗱臨氹佢

雖然唔知work 唔work
但你試下千字文WhatsApp 佢表達
知佢住邊就試下手寫寫封信再放佢信箱
都係博下
博唔到再睇下大家點教路